ಮುಂಬೈ: ಮುಂಬರುವ ಐಪಿಎಲ್ 2026ರ (IPL 2026) ಪ್ರಸಾರಕ್ಕಾಗಿ ಜಿಯೋಸ್ಟಾರ್ (JioStar) ಸಂಸ್ಥೆಯು ಬರೋಬ್ಬರಿ 27 ಪ್ರಮುಖ ಕಂಪನಿಗಳೊಂದಿಗೆ ಪ್ರಾಯೋಜಕತ್ವದ (Sponsorship) ಒಪ್ಪಂದಕ್ಕೆ ಸಹಿ ಹಾಕಿದೆ. ಜಾಗತಿಕ ಆರ್ಥಿಕ ಏರಿಳಿತಗಳ ನಡುವೆಯೂ ಐಪಿಎಲ್ ಮೇಲಿನ ಕ್ರೇಜ್ ಕುಗ್ಗಿಲ್ಲ ಎಂಬುದಕ್ಕೆ ಈ ಭಾರಿ ಒಪ್ಪಂದವೇ ಸಾಕ್ಷಿಯಾಗಿದೆ.
ಈ ಬಾರಿಯ ಪ್ರಾಯೋಜಕರಲ್ಲಿ ಗೂಗಲ್ (Google Search AI Mode), ಅಮೆಜಾನ್, ಕ್ಯಾಂಪಾ ಎನರ್ಜಿ, ಹ್ಯಾವೆಲ್ಸ್ ಮತ್ತು ಲಾಯ್ಡ್ನಂತಹ ಪ್ರಮುಖ ಕಂಪನಿಗಳು ಸೇರಿವೆ.
ಟೆಕ್ ದೈತ್ಯರು ಮಾತ್ರವಲ್ಲದೆ ಫಿನ್ಟೆಕ್ (Groww, Angel One), ಎಲೆಕ್ಟ್ರಿಕ್ ವಾಹನ (TVS EV, Vida), ಎಫ್ಎಮ್ಸಿಜಿ (Amul, Mother Dairy) ಮತ್ತು ಆಟೋಮೊಬೈಲ್ (Hero MotoCorp, MRF) ವಲಯದ ಕಂಪನಿಗಳೂ ಈ ಪಟ್ಟಿಯಲ್ಲಿವೆ.
ಪ್ರಸಿದ್ಧ ಹೈನುಗಾರಿಕೆ ಬ್ರ್ಯಾಂಡ್ ‘ಅಮುಲ್’ (Amul) ಈ ಬಾರಿಯ ‘ಕ್ರಿಕೆಟ್ ಲೈವ್’ ಕಾರ್ಯಕ್ರಮದ ಪ್ರಾಯೋಜಕತ್ವ ವಹಿಸಲಿದೆ.
ಡಿಜಿಟಲ್ ಮತ್ತು ಟಿವಿ ಜುಗಲ್ಬಂದಿ: ಜಿಯೋಸ್ಟಾರ್ ತನ್ನ ಟಿವಿ ಚಾನೆಲ್ (Star Sports) ಮತ್ತು ಡಿಜಿಟಲ್ ಪ್ಲಾಟ್ಫಾರ್ಮ್ (JioHotstar) ಎರಡಕ್ಕೂ ಏಕಕಾಲದಲ್ಲಿ ಪ್ರಾಯೋಜಕರನ್ನು ಸೆಳೆಯುವಲ್ಲಿ ಯಶಸ್ವಿಯಾಗಿದೆ.
