ತೆಹ್ರಾನ್: ಮಧ್ಯಪ್ರಾಚ್ಯದಲ್ಲಿ ಯುದ್ಧದ ಕಾರ್ಮೋಡ ಮತ್ತಷ್ಟು ಕವಿದಿದ್ದು, ಕಳೆದ 24 ಗಂಟೆಗಳಲ್ಲಿ ಇರಾನ್ ಅಕ್ಷರಶಃ ಅಟ್ಟಹಾಸ ಮೆರೆದಿದೆ. ಬರೋಬ್ಬರಿ 15 ದೇಶಗಳ ಮೇಲೆ ಏಕಕಾಲಕ್ಕೆ ಇರಾನ್ ಪಡೆಗಳು ವೈಮಾನಿಕ ದಾಳಿ ನಡೆಸಿರುವುದು ಜಾಗತಿಕ ಮಟ್ಟದಲ್ಲಿ ಆತಂಕ ಸೃಷ್ಟಿಸಿದೆ.
ದಾಳಿಗೊಳಗಾದ ಪ್ರಮುಖ ದೇಶಗಳು:
ಅಮೆರಿಕದ ಸೇನಾ ನೆಲೆಗಳನ್ನೇ ಗುರಿಯಾಗಿಸಿಕೊಂಡು ಇರಾನ್ ಈ ಬೃಹತ್ ಕಾರ್ಯಾಚರಣೆ ನಡೆಸಿದೆ ಎನ್ನಲಾಗಿದೆ. ದಾಳಿಗೊಳಗಾದ ದೇಶಗಳ ಪಟ್ಟಿ ಹೀಗಿದೆ:
ಇಸ್ರೇಲ್ ಮತ್ತು ಅಮೆರಿಕ
ಗಲ್ಫ್ ರಾಷ್ಟ್ರಗಳು: ಸೌದಿ ಅರೇಬಿಯಾ, ಯುಎಇ (UAE), ಕತಾರ್, ಕುವೈತ್, ಬಹ್ರೇನ್ ಮತ್ತು ಒಮನ್.
ನೆರೆಹೊರೆಯ ದೇಶಗಳು: ಇರಾಕ್, ಜೋರ್ಡಾನ್ ಮತ್ತು ಸಿರಿಯಾ.
ಯುರೋಪಿಯನ್ ರಾಷ್ಟ್ರಗಳು: ಫ್ರಾನ್ಸ್, ಇಟಲಿ, ಯುನೈಟೆಡ್ ಕಿಂಗ್ಡಮ್ (UK) ಮತ್ತು ಸೈಪ್ರಸ್.
ಫ್ರಾನ್ಸ್ ನೌಕಾ ನೆಲೆಯ ಮೇಲೆ ಅಟ್ಯಾಕ್!
ಇರಾನ್ ಕೇವಲ ಅರಬ್ ರಾಷ್ಟ್ರಗಳನ್ನಷ್ಟೇ ಅಲ್ಲದೆ, ಐರೋಪ್ಯ ಒಕ್ಕೂಟದ ಪ್ರಬಲ ಶಕ್ತಿ ಫ್ರಾನ್ಸ್ನ ನೌಕಾ ನೆಲೆಯ ಮೇಲೂ ಭೀಕರ ವೈಮಾನಿಕ ದಾಳಿ ನಡೆಸಿದೆ. ಇದು ಅಂತರಾಷ್ಟ್ರೀಯ ಜಲಪ್ರದೇಶದಲ್ಲಿ ತೀವ್ರ ಸಂಘರ್ಷಕ್ಕೆ ನಾಂದಿ ಹಾಡಿದೆ.
ವಸತಿ ಪ್ರದೇಶಗಳಿಗೂ ತಪ್ಪದ ಹಾನಿ
ಕೇವಲ ಸೇನಾ ನೆಲೆಗಳು ಮಾತ್ರವಲ್ಲದೆ, ಇರಾನ್ ನಡೆಸಿದ ಕ್ಷಿಪಣಿ ಮತ್ತು ಡ್ರೋನ್ ದಾಳಿಗಳು ಹಲವು ದೇಶಗಳ ವಸತಿ ಸಮುಚ್ಚಯಗಳ ಮೇಲೂ ಬಿದ್ದಿವೆ ಎಂದು ವರದಿಯಾಗಿದೆ. ಇದರಿಂದಾಗಿ ನಾಗರಿಕರಿಗೂ ಅಪಾಯ ಎದುರಾಗಿದ್ದು, ಸಾವುನೋವುಗಳ ಬಗ್ಗೆ ಇನ್ನಷ್ಟೇ ಅಧಿಕೃತ ಮಾಹಿತಿ ಹೊರಬರಬೇಕಿದೆ.
ಗಮನಿಸಿ: ಈ ದಾಳಿಯು ಅಮೆರಿಕದ ಮಿಲಿಟರಿ ಉಪಸ್ಥಿತಿಯನ್ನು ಗುರಿಯಾಗಿಸಿಕೊಂಡು ನಡೆಸಲಾದ ವ್ಯವಸ್ಥಿತ ಆಕ್ರಮಣ ಎಂದು ವಿಶ್ಲೇಷಿಸಲಾಗುತ್ತಿದೆ.
