ತಾಂತ್ರಿಕ ದೋಷದ ಕಾರಣದಿಂದಾಗಿ ಮೈಕ್ರೋಸಾಫ್ಟ್ನ ಇಮೇಲ್ ಸೇವೆ ‘ಔಟ್ಲುಕ್’ (Outlook) ಸೋಮವಾರ (ಏಪ್ರಿಲ್ 27, 2026) ಅಮೆರಿಕ ಮತ್ತು ಬ್ರಿಟನ್ ಸೇರಿದಂತೆ ಜಗತ್ತಿನಾದ್ಯಂತ ಸ್ಥಗಿತಗೊಂಡಿದೆ. ವಾರದ ಮೊದಲ ಕೆಲಸದ ದಿನದಂದೇ ಈ ವ್ಯತ್ಯಯ ಉಂಟಾಗಿದ್ದು, ಕಚೇರಿ ಕೆಲಸಗಳಿಗೆ ಭಾರಿ ಹಿನ್ನಡೆಯಾಗಿದೆ.
ಸೋಮವಾರ ಬೆಳಿಗ್ಗೆಯಿಂದಲೇ ಬಳಕೆದಾರರು ತಮ್ಮ ಇಮೇಲ್ ಖಾತೆಗಳಿಗೆ ಲಾಗಿನ್ ಆಗಲು ಸಾಧ್ಯವಾಗುತ್ತಿಲ್ಲ ಎಂದು ದೂರುತ್ತಿದ್ದಾರೆ. ಡೌನ್ಡಿಟೆಕ್ಟರ್ (Downdetector) ವರದಿಯ ಪ್ರಕಾರ, ಸಾವಿರಾರು ಬಳಕೆದಾರರು ಈ ಸಮಸ್ಯೆಯನ್ನು ವರದಿ ಮಾಡಿದ್ದಾರೆ.
ಬಳಕೆದಾರರು ಸರಿಯಾದ ಪಾಸ್ವರ್ಡ್ ನೀಡಿದರೂ ವ್ಯವಸ್ಥೆಯು ಅದನ್ನು ಸ್ವೀಕರಿಸುತ್ತಿಲ್ಲ ಅಥವಾ ಪದೇ ಪದೇ ಲಾಗಿನ್ ಪುಟಕ್ಕೆ ವಾಪಸ್ ಕಳುಹಿಸುತ್ತಿದೆ (Login Loop).ಅಮೆರಿಕ ಮತ್ತು ಯುಕೆಗಳಲ್ಲಿ ಈ ಸಮಸ್ಯೆ ತೀವ್ರವಾಗಿದ್ದು, ಭಾರತದ ಕೆಲವು ಬಳಕೆದಾರರಿಗೂ ತೊಂದರೆಯಾಗಿದೆ.
ಔಟ್ಲುಕ್ ಸ್ಥಗಿತಕ್ಕೆ ‘ಅಥೆಂಟಿಕೇಶನ್ ಗ್ಲಿಚ್’ (Authentication Glitch) ಅಂದರೆ ಗುರುತು ದೃಢೀಕರಣದ ಪ್ರಕ್ರಿಯೆಯಲ್ಲಿ ಉಂಟಾದ ತಾಂತ್ರಿಕ ದೋಷವೇ ಕಾರಣ ಎಂದು ಮೈಕ್ರೋಸಾಫ್ಟ್ ಸ್ಪಷ್ಟಪಡಿಸಿದೆ
