ಇತ್ತೀಚಿನ ದಿನಗಳಲ್ಲಿ ಯುವಕರು ಹೃದಯಾಘಾತದಿಂದ ಸಾವನ್ನಪ್ಪುತ್ತಿರುವ ನಿದರ್ಶನಗಳು ಹೆಚ್ಚುತ್ತಿವೆ. ‘ಒಗ್ಗಿಕೊಳ್ಳದ ವ್ಯಾಯಾಮ’ ಅಥವಾ ‘ಅತಿಯಾದ ವ್ಯಾಯಾಮ’ ಯುವಕರಲ್ಲಿ ಹೃದಯಾಘಾತವನ್ನು ಉಂಟುಮಾಡಬಹುದು ಎಂದು ಪ್ರಖ್ಯಾತ ಹೃದ್ರೋಗ ತಜ್ಞರು ಹೇಳುತ್ತಾರೆ.
ವಿಶೇಷವಾಗಿ 25 ರಿಂದ 50 ವರ್ಷ ವಯಸ್ಸಿನವರು ಹೃದಯಾಘಾತಕ್ಕೆ ಬಲಿಯಾಗುತ್ತಿದ್ದಾರೆ. ಉದಾಹರಣೆಗೆ: ನಟ ಪುನೀತ್ ರಾಜ್ಕುಮಾರ್, ಗಾಯಕ ಕೆಕೆ ಮತ್ತು ಹಾಸ್ಯನಟ ರಾಜು ಶ್ರೀವಾಸ್ತವ್ ಅವರಂತಹ ಹಲವಾರು ಸೆಲೆಬ್ರಿಟಿಗಳು ಹೃದಯಾಘಾತದಿಂದ ಸಾವನ್ನಪ್ಪಿದ್ದು, ಇದು ಹೃದಯಾಘಾತ ಪ್ರಕರಣಗಳ ಉಲ್ಬಣವನ್ನು ತೋರಿಸುತ್ತದೆ.
ಹೃದಯಾಘಾತ ಮತ್ತು ಹೃದಯ ಸ್ತಂಭನಗಳ ಬಗ್ಗೆ ವ್ಯಾಪಕವಾಗಿ ಹರಡಿರುವ ಕೆಲವು ತಪ್ಪು ಕಲ್ಪನೆಗಳು ಮತ್ತು ಅವುಗಳನ್ನು ಪರಿಹರಿಸುವ ಅಗತ್ಯತೆಗಳ ಬಗ್ಗೆ ಇಲ್ಲಿ ನೋಡೋಣ ಬನ್ನಿ…
ವಾಸ್ತವವಾಗಿ ಏನು ನಡೆಯುತ್ತಿದೆ?
“ಹೃದಯಕ್ಕೆ ರಕ್ತ ಮತ್ತು ಪೌಷ್ಟಿಕಾಂಶವನ್ನು ಪೂರೈಸುವ ಅಪಧಮನಿಗಳಲ್ಲಿ ಹಠಾತ್ ಅಡಚಣೆಗಳಿಂದ ಹೃದಯಾಘಾತ ಸಂಭವಿಸುತ್ತದೆ” ಎಂದು AIIMS ನ ಹೃದ್ರೋಗ ವಿಭಾಗದ ಪ್ರಾಧ್ಯಾಪಕ ಡಾ ನಿತೀಶ್ ನಾಯಕ್ ಹೇಳಿದ್ದಾರೆ.
“ಅಪಧಮನಿಯಲ್ಲಿ ಕೊಬ್ಬಿನ ಪ್ಲೇಕ್ ನಿರ್ಮಾಣವಾಗಿದೆ. ಅದು ಛಿದ್ರಗೊಂಡು ರಕ್ತನಾಳವನ್ನು ಪ್ರವೇಶಿಸುತ್ತದೆ, ಹೆಪ್ಪುಗಟ್ಟುವಿಕೆಯನ್ನು ರೂಪಿಸುತ್ತದೆ ಮತ್ತು ಇದ್ದಕ್ಕಿದ್ದಂತೆ ಉಸಿರುಗಟ್ಟಿಸುತ್ತದೆ” ಎಂದು ನೋಯ್ಡಾದ ಫೋರ್ಟಿಸ್ ಆಸ್ಪತ್ರೆಯ ಡಾ. ಅಜಯ್ ಕೌಲ್ ತಿಳಿಸಿದ್ದಾರೆ.
ಹೃದಯಾಘಾತ ಸಂಭವಿಸಲು ಕಾರಣವೇನು?
ಧೂಮಪಾನ ಮಾಡುವವರು, ಜಡ ಜೀವನಶೈಲಿಯನ್ನು ಹೊಂದಿರುವವರು, ಅನಾರೋಗ್ಯದ ಬೊಜ್ಜು ಹೊಂದಿರುವವರು, ರಕ್ತದೊತ್ತಡ ಅಥವಾ ಮಧುಮೇಹವನ್ನು ಸರಿಯಾಗಿ ನಿಯಂತ್ರಿಕೊಳ್ಳದವರು ಅಥವಾ ಹೆಚ್ಚಿನ ಕೊಲೆಸ್ಟ್ರಾಲ್ ಮಟ್ಟವನ್ನು ಹೊಂದಿರುವವರು ಹೃದಯಾಘಾತ ಬಲಿಯಾಗುವ ಸಾಧ್ಯತೆ ಹೆಚ್ಚು ಎಂದು ನಾಯಕ್ ಹೇಳುತ್ತಾರೆ.
ಜಿಮ್ನಲ್ಲಿ ಶ್ರಮದಾಯಕ ಚಟುವಟಿಕೆಯನ್ನು ಕೈಗೊಳ್ಳುವುದು ಸಹ ಹೃದಯಾಘಾತಕ್ಕೆ ಕಾರಣವಾಗಬಹುದು. ಅಭ್ಯಾಸವಿಲ್ಲದ ವ್ಯಾಯಾಮವು ಹೃದಯ ಸ್ತಂಭನವನ್ನು ಉಂಟುಮಾಡಬಹುದು. ಆದ್ದರಿಂದ, ತರಬೇತಿ ಪಡೆಯದ ವ್ಯಾಯಾಮವನ್ನು ಮಾಡಬಾರದು.
