ಕೆಎನ್ಎನ್ಡಿಜಿಟಲ್ ಡೆಸ್ಕ್ : ಚುನಾವಣೆ ಬಂದರೆ ಪಕ್ಷಗಳಿಗೆ ಗೆಲ್ಲುವ ಟೆನ್ಷನ್ ಜೊತೆಗೆ ಮತ್ತೊಂದು ಟೆನ್ಷನ್ ಶುರುವಾಗುತ್ತೆ. ಅದು ಯಾರಿಗೆ ಟಿಕೆಟ್ ಕೊಡಬೇಕು ಅನ್ನೋದು. ಒಬ್ಬರಿಗೆ ಕೊಟ್ಟರೆ ಮತ್ತೊಬ್ಬರಿಗೆ ಅಸಮಾಧಾನ. ಇದು ಮುಂದುವರೆದ್ರೆ, ಒಟ್ಟಾಗಿ ಪಕ್ಷ ಬದಲಾಯಿಸುತ್ತಾರೆ. ಈ ಸಂಗತಿಗಳು ನಡೆಯುತ್ತಲೇ ಇರುತ್ವೆ. ಇದು ಪ್ರತಿ ಚುನಾವಣೆಯಲ್ಲೂ ಕಂಡುಬರುವ ದೃಶ್ಯ. ಕೆಲವೊಮ್ಮೆ ಟಿಕೆಟ್ ಸಿಗದ ಆಕಾಂಕ್ಷಿಗಳು ಪಕ್ಷದ ವರಿಷ್ಠರನ್ನ ತರಾಟೆಗೆ ತೆಗೆದುಕೊಳ್ಳುತ್ತಾರೆ. ಆದ್ರೆ, ಈ ಅಭ್ಯರ್ಥಿ ಅದಕ್ಕಿಂತ ಹೆಚ್ಚಿನದನ್ನ ಮಾಡಿದ್ದಾನೆ.
ಹೌದು, ಹೆಂಡತಿ ತವರು ಸೇರಿದ್ದಾಳೆ, ಪ್ರೇಮಿ ಅವನ ಪ್ರೀತಿಯನ್ನ ಒಪ್ಪಿಕೊಳ್ಳುತ್ತಿಲ್ಲ ಎಂದು ಟವರ್ ಹತ್ತುವುದನ್ನ ನೀವು ನೋಡುದ್ದೀರಿ. ಆದ್ರೆ, ಇದೀಗ ರಾಜಕೀಯ ಮುಖಂಡರೊಬ್ಬರು ಟಿಕೆಟ್ ಸಿಗದೆ ಅದೇ ಕೆಲಸ ಮಾಡಿದ್ದಾರೆ. ದೆಹಲಿಯ ಆಮ್ ಆದ್ಮಿ ಪಕ್ಷದ ಮಾಜಿ ಕೌನ್ಸಿಲರ್ ಹಸೀಬ್ ಉಲ್ ಹಸನ್ ವಿಚಿತ್ರವಾಗಿ ವರ್ತಿಸಿ ಸುದ್ದಿಯಾಗಿದ್ದಾರೆ. ಕೆಲವೇ ದಿನಗಳಲ್ಲಿ ದೆಹಲಿಯಲ್ಲಿ ಮಹಾನಗರ ಪಾಲಿಕೆ ಚುನಾವಣೆ ನಡೆಯಲಿದ್ದು, ಆ ಚುನಾವಣೆಯಲ್ಲಿ ಟಿಕೆಟ್ ನಿರೀಕ್ಷಿಸಿದ್ದ ಹಸೀಬ್’ಗೆ ಅದು ಸಿಗದಿದ್ದಾಗ ತಾಳ್ಮೆ ಕಳೆದುಕೊಂಡು, ಶಾಸ್ತ್ರಿ ಪಾರ್ಕ್ ಮೆಟ್ರೋ ಸ್ಟೇಷನ್ ಬಳಿಯ ಟ್ರಾನ್ಸ್ ಮಿಷನ್ ಟವರ್ ಹತ್ತಿ ಪ್ರತಿಭಟನೆ ನಡೆಸಿದ್ದಾರೆ. ಈ ಸುದ್ದಿ ಗಾಂಧಿನಗರದಲ್ಲಿ ಭಾರೀ ಸಂಚಲನ ಮೂಡಿಸಿದೆ.
ಬೆಳಗ್ಗೆ 11 ಗಂಟೆ ಸುಮಾರಿಗೆ ಹಸೀಬ್ ಟವರ್ ಹತ್ತಿ ಗಲಾಟೆ ಮಾಡಿದ್ದಾನೆ. ಈ ಮಾಹಿತಿ ಪಡೆದ ಪೊಲೀಸರು ಕೂಡಲೇ ಸ್ಥಳಕ್ಕೆ ಆಗಮಿಸಿದ್ದಾರೆ. ಪೊಲೀಸರೊಂದಿಗೆ ಅಗ್ನಿಶಾಮಕ ದಳ, ಆ್ಯಂಬುಲೆನ್ಸ್ಗಳು ಅಲ್ಲಿಗೆ ಬಂದವು. ಹಸೀಬ್ ಕೆಳಗಿಳಿಸುವಂತೆ ಮನವಿ ಮಾಡಿದರು. ಬಹಳ ಹೊತ್ತು ಮೇಲೇರಿದ್ದು ಕೊನೆಗೆ ಕೆಳಗೆ ಬರಲು ಒಪ್ಪಿ ಎಲ್ಲರೂ ನೆಮ್ಮದಿಯ ನಿಟ್ಟುಸಿರು ಬಿಟ್ಟರು. “ನಾನು ಟಿಕೆಟ್ ನಿರೀಕ್ಷೆಯಲ್ಲಿದ್ದೆ. ಆದರೆ ಅವರು ಟಿಕೆಟ್’ನ್ನ ಬೇರೆ ಅಭ್ಯರ್ಥಿಗೆ 3 ಕೋಟಿ ರೂ.ಗೆ ಮಾರಾಟ ಮಾಡಿದರು. ಅವರು ನನ್ನ ಬಳಿಯೂ ಹಣಕ್ಕಾಗಿ ಬೇಡಿಕೆಯಿಟ್ಟರು. ಆದರೆ ನನ್ನ ಬಳಿ ಅಷ್ಟು ಹಣವಿಲ್ಲ” ಎಂದು ಹಸೀಬ್-ಉಲ್-ಹಸನ್ ಹೇಳಿದರು. ಡಿಸೆಂಬರ್ 4ರಂದು ಮಹಾನಗರ ಪಾಲಿಕೆ ಚುನಾವಣೆ ನಡೆಯಲಿದೆ. ಆಮ್ ಆದ್ಮಿ ಪಕ್ಷ 117 ಅಭ್ಯರ್ಥಿಗಳ ಅಂತಿಮ ಪಟ್ಟಿಯನ್ನ ಬಿಡುಗಡೆ ಮಾಡಿದೆ. ಅದರಲ್ಲಿ ಹೆಸರು ಬರದಿದ್ದಾಗ ಹಸೀಬ್ ಈ ಗಲಾಟೆ ಶುರು ಮಾಡಿದ್ದಾರೆ.
Delhi | Former AAP Councillor Haseeb-ul-Hasan climbs a transmission tower near Shastri Park Metro Station allegedly unhappy over not being given ticket for upcoming MCD poll. Locals, Police and fire brigade are at the spot. pic.twitter.com/e5y7ZxRfeI
— ANI (@ANI) November 13, 2022
BREAKING NEWS : ‘ಕಸ್ಟಮ್ಸ್ ಇಲಾಖೆ’ ಭರ್ಜರಿ ಬೇಟೆ ; 32 ಕೋಟಿ ಮೌಲ್ಯದ ಚಿನ್ನ ವಶ, ಏಳು ಮಂದಿ ಅರೆಸ್ಟ್
ಕೊಲ್ಹಾಪುರದಲ್ಲಿ ರಸ್ತೆ ಅಪಘಾತ : ಮರಾಠಿ ಕಿರುತರೆ ನಟಿ ಕಲ್ಯಾಣಿ ಕುರಾಳೆ ಜಾಧವ್ ಸಾವು | Actress Kalyani Kurale
BREAKING NEWS : ಪಾಕ್ ಮಣಿಸಿ 2ನೇ ಬಾರಿ ‘ಟಿ20 ವಿಶ್ವಕಪ್’ ಗೆದ್ದಇಂಗ್ಲೆಂಡ್ |T20 world cup
