ನವದೆಹಲಿ : ಸೌಂದರ್ಯದ ಪ್ರಮಾಣದಲ್ಲಿ, ಲಕ್ಷದ್ವೀಪವು ಮಾಲ್ಡೀವ್ಸ್ ಮತ್ತು ಬಾಲಿಯ ಕಡಲತೀರಗಳಿಗಿಂತ ಯಾವುದೇ ರೀತಿಯಲ್ಲಿ ಕಡಿಮೆಯಿಲ್ಲ. ಆದರೆ, ಭಾರತದ ಉಳಿದ ಭಾಗಗಳೊಂದಿಗೆ ಸಂಪರ್ಕವು ದೊಡ್ಡ ಸಮಸ್ಯೆಯಾಗಿದೆ. ಈ ನಿಟ್ಟಿನಲ್ಲಿ ಕೇಂದ್ರ ಸರ್ಕಾರ ಮಹತ್ವದ ಹೆಜ್ಜೆ ಇಡಲಿದೆ. ಲಕ್ಷದ್ವೀಪದಲ್ಲಿ ಪ್ರವಾಸಿಗರಿಗೆ ಸಂಪರ್ಕವನ್ನ ಹೆಚ್ಚಿಸಲು ಮತ್ತು ಮಾಲ್ಡೀವ್ಸ್’ನಂತಹ ದೇಶಗಳಿಗೆ ಕಠಿಣ ಸ್ಪರ್ಧೆಯನ್ನ ನೀಡಲು ಮೋದಿ ಸರ್ಕಾರ ಎಂಟು ದೊಡ್ಡ ಯೋಜನೆಗಳನ್ನ ಪ್ರಾರಂಭಿಸಲು ಸಿದ್ಧತೆ ನಡೆಸಿದೆ.
ಪ್ರಧಾನಿ ನರೇಂದ್ರ ಮೋದಿ ಅವರ ಲಕ್ಷದ್ವೀಪ ಭೇಟಿ ಬಳಿಕ ಕೇಂದ್ರ ಸರ್ಕಾರ ಈ ನಿಟ್ಟಿನಲ್ಲಿ ಸಿದ್ಧತೆ ಆರಂಭಿಸಿತ್ತು. ಪ್ರಧಾನಿ ಮೋದಿ ಮಾಲ್ಡೀವ್ಸ್’ಗೆ ಭೇಟಿ ನೀಡಿದ ನಂತರ ಅಲ್ಲಿನ ಸುಂದರ ಚಿತ್ರಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಸುದ್ದಿ ಮಾಡಿದ್ದವು. ಲಕ್ಷದ್ವೀಪವನ್ನು ಮಾಲ್ಡೀವ್ಸ್’ಗೆ ಹೋಲಿಸಲಾಯಿತು ಮತ್ತು ಮಾಲ್ಡೀವ್ಸ್ ನಾಯಕನ ವಿವಾದಾತ್ಮಕ ಹೇಳಿಕೆಯ ನಂತರ ಸಾಕಷ್ಟು ವಿವಾದಗಳು ಉಂಟಾಗಿದ್ದವು.
ಲಕ್ಷದ್ವೀಪದಲ್ಲಿ ರಜಾದಿನಗಳನ್ನು ಕಳೆಯಲು ಬಯಸುವ ಜನರ ದೊಡ್ಡ ದೂರು ಸಂಪರ್ಕ ಮತ್ತು ಹೆಚ್ಚಿನ ವೆಚ್ಚವಾಗಿದೆ. ವರದಿ ಪ್ರಕಾರ, ಲಕ್ಷದ್ವೀಪದ ಅಭಿವೃದ್ಧಿಗಾಗಿ ಪ್ರಾರಂಭಿಸಲಾಗುವ ಯೋಜನೆಗಳಲ್ಲಿ, ಕವರಟ್ಟಿ, ಅಗತ್ತಿ ಮತ್ತು ಮಿನಿಕಾಯ್ ದ್ವೀಪಗಳಲ್ಲಿ ದೊಡ್ಡ ಹಡಗುಗಳ ಆಗಮನದ ಸಾಮರ್ಥ್ಯವನ್ನು ಹೆಚ್ಚಿಸಲಾಗುವುದು ಎಂದು ಹೇಳಿದೆ. ಇದಲ್ಲದೆ, ಕಲ್ಪೇನಿ, ಕಡಮಠ ಮತ್ತು ಆಂಡ್ರೋತ್ ದ್ವೀಪಗಳಲ್ಲಿ ಆಧುನಿಕ ಸೌಲಭ್ಯಗಳೊಂದಿಗೆ ಪ್ರಯಾಣಿಕರ ಅನುಕೂಲ ಕೇಂದ್ರ ಮತ್ತು ಕಲ್ಪೇನಿ ಮತ್ತು ಕಡಮಠ ದ್ವೀಪಗಳಲ್ಲಿ ಕ್ರೂಸ್ ಹಡಗುಗಳನ್ನು ನಿರ್ವಹಿಸುವ ಸಾಮರ್ಥ್ಯವಿರುವ ತೆರೆದ ಜೆಟ್ಟಿ ಸೇರಿದಂತೆ ಭೂಪ್ರದೇಶದ ಸೌಲಭ್ಯಗಳ ಅಭಿವೃದ್ಧಿಯನ್ನು ಸಹ ಮಾಡಲಾಗುತ್ತದೆ.
303 ಕೋಟಿ ಮೊತ್ತದ ಮೊದಲ ಯೋಜನೆಯ ಕಾಮಗಾರಿ ಶೀಘ್ರದಲ್ಲೇ ಆರಂಭವಾಗಲಿದೆ. ಕಡಮಠ ದ್ವೀಪದಲ್ಲಿ ಜೆಟ್ಟಿ ಮತ್ತು ಭೂಭಾಗ ನಿರ್ಮಾಣಕ್ಕೆ ಡಿಸೆಂಬರ್ 4 ರಂದು ಟೆಂಡರ್ ಆಹ್ವಾನಿಸಲಾಗಿದೆ. ಯೋಜನೆಯ ಪ್ರಕಾರ ಮಲ್ಟಿಮೋಡಲ್ ಜೆಟ್ಟಿಯನ್ನು ಅಭಿವೃದ್ಧಿಪಡಿಸಲಾಗುವುದು. ಲಕ್ಷದ್ವೀಪದ ಎಲ್ಲಾ ದ್ವೀಪಗಳಲ್ಲಿ ಕಾರ್ಯನಿರ್ವಹಿಸುವ ಎಲ್ಲಾ ಪ್ರಯಾಣಿಕ ಹಡಗುಗಳನ್ನ ನಿರ್ವಹಿಸಲು ಮತ್ತು ಪ್ರಯಾಣಿಕರ ಸುರಕ್ಷತೆ ಮತ್ತು ಸೌಕರ್ಯವನ್ನು ಖಾತ್ರಿಪಡಿಸುವ ಮೂಲಕ ದ್ವೀಪಕ್ಕೆ ಸಂಪರ್ಕವನ್ನ ಸುಧಾರಿಸಲು ಇದನ್ನ ಅಭಿವೃದ್ಧಿಪಡಿಸಲಾಗುವುದು.
ಲಕ್ಷದ್ವೀಪದ ಸ್ಥಳೀಯ ಜನರಿಗೆ ಉದ್ಯೋಗ ನೀಡುವತ್ತ ಕೇಂದ್ರ ಸರ್ಕಾರವೂ ಗಮನ ಹರಿಸುತ್ತಿದೆ. ಲಕ್ಷದ್ವೀಪ ದ್ವೀಪಗಳಲ್ಲಿ ಬಂದರು ಮತ್ತು ಹಡಗು ಮೂಲಸೌಕರ್ಯಗಳ ನಿರ್ಮಾಣವು ಪ್ರವಾಸಿಗರು ವರ್ಷವಿಡೀ ಯಾವುದೇ ಅಡೆತಡೆಯಿಲ್ಲದೆ ಭೇಟಿ ನೀಡಲು ಸಾಧ್ಯವಾಗುತ್ತದೆ ಮತ್ತು ಸರಕು ನಿರ್ವಹಣೆ ಸಾಮರ್ಥ್ಯವನ್ನ ಹೆಚ್ಚಿಸುತ್ತದೆ.
BIG NEWS : ಈ ‘ಬಂಡೆ’ ಯಾವಾಗಲು ‘ಸಿಎಂ’ ಸಿದ್ದರಾಮಯ್ಯ ಜೊತೆಲೆ ಇರುತ್ತೆ : ಡಿಸಿಎಂ ಡಿಕೆ ಶಿವಕುಮಾರ್ ಹೇಳಿಕೆ
Good News : ಮಧ್ಯಮ ವರ್ಗದವ್ರಿಗೆ ‘ಅಂಬಾನಿ’ ಗಿಫ್ಟ್ ; ಕೇವಲ 14,999 ರೂ.ಗೆ ಜಿಯೋ ‘ಎಲೆಕ್ಟ್ರಿಕ್ ಸ್ಕೂಟಿ’ ಲಭ್ಯ
