ಜಾರ್ಖಂಡ್‌: ಜಾರ್ಖಂಡ್‌ನ ಪಲಾಮು ಜಿಲ್ಲೆಯ ತರ್ಹಾಸಿ ಬ್ಲಾಕ್‌ನಲ್ಲಿರುವ ಸರ್ಕಾರಿ ಮಾಧ್ಯಮಿಕ ಶಾಲೆಯಲ್ಲಿ ಬೇಯಿಸಿದ ಅನ್ನ ಬಸಿದು ಟಬ್‌ನಲ್ಲಿಟ್ಟಿದ್ದ ಗಂಜಿಗೆ ಬಿದ್ದು ಸಹೋದರಿಯರಿಬ್ಬರು ಸಾವನ್ನಪ್ಪಿರುವ ಘಟನೆ ನಡೆದಿದೆ.
ಬಲಿಯಾದ ಇಬ್ಬರೂ ಸ್ಥಳೀಯ ಗ್ರಾಮದ ಪರಮೇಶ್ವರ ಸಾಹು ಎಂಬುವವರ ಪುತ್ರಿಯರಾಗಿದ್ದು, ಚಿಕಿತ್ಸೆಗಾಗಿ ರಾಂಚಿಯ RIMS ಗೆ ದಾಖಲಿಸಲಾಗಿತ್ತು. ಆದ್ರೆ,
ಮಂಗಳವಾರ ಸಂಜೆ ಕಿರಿಯ ಸಹೋದರಿ ಸೌಂದರ್ಯ ಕುಮಾರಿ ಮೃತಪಟ್ಟರೆ, ಹಿರಿಯ ಶಿಬು ಬುಧವಾರ ರಾಂಚಿ ರಿಮ್ಸ್‌ನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಗ ಮೃತಪಟ್ಟಿದ್ದಾರೆ ಎಂದು ತಾರ್ಸಿಯ ಶಿಶು ಅಭಿವೃದ್ಧಿ ಯೋಜನಾಧಿಕಾರಿ ಸಚ್ಚಿದಾನಂದ ಮಹತೋ ತಿಳಿಸಿದ್ದಾರೆ. ಘಟನೆಯ ಬಗ್ಗೆ ದುಃಖ ವ್ಯಕ್ತಪಡಿಸಿದ ಅಧಿಕಾರಿ, ಅವರು ಇಬ್ಬರನ್ನು ಉಳಿಸಲು ಪ್ರಯತ್ನಿಸಿದರು. ಆದರೆ, ಪ್ರಯತ್ನ ವ್ಯರ್ಥವಾಯಿತು ಎಂದು ಹೇಳಿದರು.
ನ.24ರಂದು ಅಂಗನವಾಡಿ ಕೇಂದ್ರದ ಬಳಿ ಇರುವ ಸೆಲ್ಲಾರಿ ಪಂಚಾಯತ್‌ನ ಛೇಚಣಿ ಮಿಡ್ಲ್ ಸ್ಕೂಲ್‌ನಲ್ಲಿ ಮಧ್ಯಾಹ್ನದ ಊಟಕ್ಕೆ ಬೇಯಿಸಿದ್ದ ಅನ್ನ ಬಸಿದು, ಅದರ ಗಂಜಿಯನ್ನು ಟಬ್‌ನಲ್ಲಿಡಲಾಗಿತ್ತು. ಈ ವೇಳೆ ಬಾಲಕಿಯರಿಬ್ಬರು ಆಟವಾಡುತ್ತಾ ಮೈದಾನದ ಬಳಿ ಇಟ್ಟಿದ್ದ ಟಬ್‌ಗೆ ಬಿದ್ದಿದ್ದಾರೆ.
ಘಟನೆಯ ನಂತರ ಬ್ಲಾಕ್ ಶಿಕ್ಷಣ ವಿಸ್ತರಣಾಧಿಕಾರಿ ಪರಮೇಶ್ವರ ಸಾಹು ಅವರು ಶೋಕಾಸ್ ನೋಟಿಸ್ ನೀಡುವಾಗ ಶಾಲೆಯ ಕಾರ್ಯದರ್ಶಿ ಮತ್ತು ಪ್ರಾಂಶುಪಾಲೆ ಉಮಾದೇವಿ ಅವರನ್ನು ಪ್ರಾಂಶುಪಾಲರ ಹುದ್ದೆಯಿಂದ ವಜಾಗೊಳಿಸಿದ್ದಾರೆ.
BREAKING NEWS : ಬೆಳಗಾವಿಯಲ್ಲಿ ಭೀಕರ ರಸ್ತೆ ಅಪಘಾತ : ಅಣ್ಣ, ತಂಗಿ ಸಾವು, ಮೂವರಿಗೆ ಗಂಭೀರ ಗಾಯ
