ಕೆಎನ್ಎನ್ ಸಿನಿಮಾ ಡೆಸ್ಕ್: ವೀರೇನ್ ಕ್ರೀಯೇಷನ್ಸ್ ಬ್ಯಾನರಿನಲ್ಲಿ ಡಾ. ವರದರಾಜು ಡಿ. ಎನ್ ಕಥೆ, ಚಿತ್ರಕಥೆ, ಸಂಭಾಷಣೆ ಬರೆದು ನಿರ್ಮಾಣ ಮಾಡಿರುವ ‘ಪ್ರಜಾರಾಜ್ಯ’ ಸಿನಿಮಾ ತೆರೆಗೆ ಬರಲು ಸಿದ್ದವಾಗಿದೆ. ಸದ್ಯ ‘ಪ್ರಜಾರಾಜ್ಯ’ ಸಿನಿಮಾದ ಪ್ರಚಾರ ಕಾರ್ಯಗಳಲ್ಲಿ ನಿರತವಾಗಿರುವ ಚಿತ್ರತಂಡ, ಇತ್ತೀಚೆಗೆ ಸಿನಿಮಾದ ಟೀಸರ್ ಮತ್ತು ಹಾಡುಗಳು ಇತ್ತೀಚೆಗೆ ಬಿಡುಗಡೆಯಾಯಿತು.
ವಿಜಯ ಭಾರ್ಗವ ನಿರ್ದೇಶನದಲ್ಲಿ ಮೂಡಿಬಂದಿರುವ ‘ಪ್ರಜಾರಾಜ್ಯ’ ಸಿನಿಮಾದಲ್ಲಿ ಹಿರಿಯ ನಟ ದೇವರಾಜ್, ಸುಧಾರಾಣಿ, ಅಚ್ಯುತ ಕುಮಾರ್, ಸಂಪತ್ ಮೈತ್ರೇಯ, ಟಿ. ಎಸ್ ನಾಗಭರಣ, ತಬಲನಾಣಿ, ಸುಧಾ ಬೆಳವಾಡಿ, ಡಾ. ಚಿಕ್ಕಹೆಜ್ಜಾಜಿ ಮಹಾದೇವ್, ದಿವ್ಯಾ ಮೊದಲಾದವರು ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.
ಯೋಗರಾಜ್ ಭಟ್ ಸಾಹಿತ್ಯದ ‘ಪ್ರಜಾರಾಜ್ಯ’ ಸಿನಿಮಾದ ಗೀತೆಯೊಂದಕ್ಕೆ ರಿಯಲ್ ಸ್ಟಾರ್ ಉಪೇಂದ್ರ ಧ್ವನಿಯಾಗಿದ್ದಾರೆ. ರಾಜಕೀಯ ಕಥಾಹಂದರದ ‘ಪ್ರಜಾರಾಜ್ಯ’ ಸಿನಿಮಾದಲ್ಲಿ, ಆರ್ಥಿಕ ಸ್ವತಂತ್ರದ ಬಗ್ಗೆ ಹೇಳಲಾಗಿದೆ. ಸಿನಿಮಾದಲ್ಲಿ ಒಂದು ಒಳ್ಳೆಯ ಸಂದೇಶವಿದ್ದು, ಜವನರಿ ವೇಳೆಗೆ ‘ಪ್ರಜಾರಾಜ್ಯ’ ಸಿನಿಮಾವನ್ನು ತೆರೆಗೆ ತರುವ ಯೋಜನೆಯಲ್ಲಿದೆ ಚಿತ್ರತಂಡ.
