ಚಿತ್ರದುರ್ಗ: ಜಿಲ್ಲೆಯ ಹಿರಿಯೂರು ತಾಲೂಕಿನ ಮರಡಿಹಳ್ಳಿ ಗ್ರಾಮ ಪಂಚಾಯ್ತಿಯ ಅಧ್ಯಕ್ಷೆಯಾಗಿ ಟಿ.ಕವಿತ ಅವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.
ಇಂದು ಚಿತ್ರದುರ್ಗ ಜಿಲ್ಲೆಯ ಹಿರಿಯೂರು ತಾಲೂಕಿನ ಮರಡಿಹಳ್ಳಿ ಗ್ರಾಮ ಪಂಚಾಯ್ತಿ ಅಧ್ಯಕ್ಷರ ಆಯ್ಕೆಗಾಗಿ ಚುನಾವಣೆ ನಡೆಯಿತು. ತಹಶೀಲ್ದಾರ್ ಶಿವಕುಮಾರ್ ಅವರು ಚುನಾವಣೆ ಉಸ್ತುವಾರಿಯಾಗಿದ್ದರು.
ಮರಡಿಹಳ್ಳಿ ಗ್ರಾಮ ಪಂಚಾಯ್ತಿಯ 10 ಜನರ ಪೈಕಿ, 8 ಮಂದಿ ಸದಸ್ಯರು ಟಿ.ಕವಿತ ಪರ ವಿಶ್ವಾಸವನ್ನು ವ್ಯಕ್ತ ಪಡಿಸಿದ್ದರು. ಈ ಹಿನ್ನಲೆಯಲ್ಲಿ ಅವಿರೋಧವಾಗಿ ಮತ್ತೊಮ್ಮೆ ಮರಡಿಹಳ್ಳಿ ಗ್ರಾಮ ಪಂಚಾಯ್ತಿ ಅಧ್ಯಕ್ಷೆಯಾಗಿ ಆಯ್ಕೆಯಾಗಿ, ಮುಂದುವರೆಯಲಿದ್ದಾರೆ.
ಈ ವೇಳೆ ಸದಸ್ಯರಾದ ಹರೀಶ್, ಸಣ್ಣಹನುಮಪ್ಪ, ಮಂಜು, ಅನಿತಾ, ಲತಾ, ತಿಪ್ಪಮ್ಮ, ಉಮಾದೇವಿ, ಮುಖಂಡರಾದ ಸುನಿಲ್ ಕುಮಾರ್, ಅರವಿಂದಪ್ಪ ವೆಂಕಟೇಶ್ ಇತರರು ನೂತನ ಅದ್ಯಕ್ಷೆಗೆ ಶುಭ ಹಾರೈಸಿದರು.
ವರದಿ : ವಸಂತ ಬಿ ಈಶ್ವರಗೆರೆ
