ನವದೆಹಲಿ: ಜೂನ್ 21ಕ್ಕೆ ಮರುನಿಗದಿಯಾಗಿರುವ 2026ರ ನೀಟ್ ಯುಜಿ (NEET UG) ಪರೀಕ್ಷೆಯನ್ನು ಕಂಪ್ಯೂಟರ್ ಆಧಾರಿತ (CBT) ಮಾದರಿಯಲ್ಲಿ ನಡೆಸುವಂತೆ ಕೋರಿ ಸಲ್ಲಿಕೆಯಾಗಿದ್ದ ಅರ್ಜಿಯ ತುರ್ತು ವಿಚಾರಣೆಗೆ ಸುಪ್ರೀಂ ಕೋರ್ಟ್ ಇಂದು ನಿರಾಕರಿಸಿದೆ.
ನ್ಯಾಯಮೂರ್ತಿಗಳಾದ ಪಿ.ಎಸ್. ನರಸಿಂಹ ಮತ್ತು ಅರವಿಂದ್ ಕುಮಾರ್ ಅವರಿದ್ದ ರಜಾಕಾಲದ ಪೀಠದ ಮುಂದೆ ಇಂದು ಈ ವಿಷಯ ಪ್ರಸ್ತಾಪವಾಯಿತು. ಆದರೆ, ನ್ಯಾಯಾಲಯವು ಈ ಅರ್ಜಿಯ ವಿಚಾರಣೆಯನ್ನು ಬೇಸಿಗೆ ರಜೆಯ ನಂತರ ನಡೆಸುವುದಾಗಿ ಪಟ್ಟಿ ಮಾಡಿದೆ.
ವಿಚಾರಣೆ ವೇಳೆ ಪ್ರತಿಕ್ರಿಯಿಸಿದ ನ್ಯಾಯಮೂರ್ತಿ ನರಸಿಂಹ ಅವರು, ಅವರು (ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ – NTA) ಪರೀಕ್ಷೆಯನ್ನು ಮರುಸಂಘಟಿಸುತ್ತಿದ್ದಾರೆ. ಅವರ ಮೇಲಿರುವ ಒತ್ತಡ ಎಂಥದ್ದು ಎಂಬುದು ನಮಗೆ ತಿಳಿಯುತ್ತದೆ. ಹಾಗಾಗಿ, ಈ ವಿಷಯವನ್ನು ನಾವು ರಜೆಯ ನಂತರ ಕೈಗೆತ್ತಿಕೊಳ್ಳುತ್ತೇವೆ ಎಂದು ತಿಳಿಸಿದರು.
The Supreme Court has refused an urgent hearing of a plea seeking that the 2026 NEET UG exam, which has been rescheduled to June 21, be conducted through the Computer-Based (CBT) mode
The plea was mentioned before a partial-working-day bench of Justices PS Narasimha and Arvind… pic.twitter.com/oqQNASohBr
— ANI (@ANI) June 1, 2026
