ಫ್ಲೋರಿಡಾದ ಕೇಪ್ ಕೆನವೆರಲ್ನಲ್ಲಿರುವ ಉಡಾವಣಾ ಸಂಕೀರ್ಣ-36ರಲ್ಲಿ ಗುರುವಾರ ರಾತ್ರಿ ಸುಮಾರು 9 ಗಂಟೆಗೆ (ET) ಬ್ಲೂ ಆರಿಜಿನ್ನ ‘ನ್ಯೂ ಗ್ಲೆನ್’ ರಾಕೆಟ್ ‘ಸ್ಟಾಟಿಕ್ ಫೈರ್’ (ಹೊಟ್ಫೈರ್) ಪರೀಕ್ಷೆಯ ಸಂದರ್ಭದಲ್ಲಿ ಸ್ಫೋಟಗೊಂಡಿದೆ. ಈ ಸ್ಫೋಟದಿಂದಾಗಿ ರಾಕೆಟ್ ಸಂಪೂರ್ಣವಾಗಿ ನಾಶವಾಗಿದ್ದು, ಉಡಾವಣಾ ಕೇಂದ್ರದ ಮೂಲಸೌಕರ್ಯಗಳಿಗೆ ಭಾರಿ ಹಾನಿಯಾಗಿದೆ.
ಘಟನೆ: ಅಮೆಜಾನ್ನ 48 ಬ್ರಾಡ್ಬ್ಯಾಂಡ್ ಉಪಗ್ರಹಗಳನ್ನು ಹೊತ್ತೊಯ್ಯುವ ಗುರಿಯನ್ನು ಹೊಂದಿದ್ದ ಈ ಬೃಹತ್ ರಾಕೆಟ್, ಪರೀಕ್ಷೆಯ ವೇಳೆ ಅನಿರೀಕ್ಷಿತವಾಗಿ ಸ್ಫೋಟಗೊಂಡಿದೆ. ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲ ಎಂದು ಬ್ಲೂ ಆರಿಜಿನ್ ಸ್ಪಷ್ಟಪಡಿಸಿದೆ.
ದುರ್ಘಟನೆಯ ಬಗ್ಗೆ ತನಿಖೆ ನಡೆಸಲಾಗುವುದು ಎಂದು ನಾಸಾ ಆಡಳಿತಾಧಿಕಾರಿ ಐಸಾಕ್ಮನ್ ತಿಳಿಸಿದ್ದಾರೆ. ಈ ಘಟನೆಯು ನಾಸಾದ ‘ಆರ್ಟೆಮಿಸ್’ ಚಂದ್ರಯಾನ ಯೋಜನೆ ಮತ್ತು ಚಂದ್ರನ ನೆಲೆಯ ನಿರ್ಮಾಣ ಕಾರ್ಯಗಳ ಮೇಲೆ ಯಾವ ರೀತಿಯ ಪರಿಣಾಮ ಬೀರಲಿದೆ ಎಂಬುದನ್ನು ಶೀಘ್ರವೇ ಮೌಲ್ಯಮಾಪನ ಮಾಡಲಾಗುವುದು ಎಂದು ಅವರು ಎಕ್ಸ್ (X) ವೇದಿಕೆಯಲ್ಲಿ ತಿಳಿಸಿದ್ದಾರೆ.
ಈ ಘಟನೆಯನ್ನು ಸಂಸ್ಥೆಯು “ಅಸಹಜ ವಿದ್ಯಮಾನ” (Anomaly) ಎಂದು ಕರೆದಿದೆ. ಫೆಡರಲ್ ಏವಿಯೇಷನ್ ಅಡ್ಮಿನಿಸ್ಟ್ರೇಷನ್ (FAA) ಸಹಕಾರದೊಂದಿಗೆ ತನಿಖೆಯನ್ನು ಆರಂಭಿಸಲಾಗಿದೆ. ಸ್ಫೋಟಕ್ಕೆ ನಿಖರ ಕಾರಣ ಇನ್ನೂ ತಿಳಿದುಬಂದಿಲ್ಲವಾದರೂ, ತಜ್ಞರು ರಾಕೆಟ್ನ ಇಂಜಿನ್ ಅಥವಾ ಇಂಧನ ವ್ಯವಸ್ಥೆಯಲ್ಲಿನ ದೋಷವೇ ಕಾರಣವಿರಬಹುದು ಎಂದು ಶಂಕಿಸಿದ್ದಾರೆ.
Most unfortunate. Rockets are hard.
— Elon Musk (@elonmusk) May 29, 2026
