ಇಂದು (ಏಪ್ರಿಲ್ 22) ವಿಶ್ವ ಭೂ ದಿನ. 2026ರ ಈ ವರ್ಷ ‘ನಮ್ಮ ಶಕ್ತಿ, ನಮ್ಮ ಭೂಮಿ’ (Our Power, Our Planet) ಎಂಬ ಘೋಷವಾಕ್ಯದೊಂದಿಗೆ ಪರಿಸರ ಸಂರಕ್ಷಣೆಯ ಜಾಗೃತಿ ಮೂಡಿಸಲಾಗುತ್ತಿದೆ. ಈ ಸಂದರ್ಭದಲ್ಲಿ ನಾವು ಪ್ರತಿದಿನ ಬಳಸುವ ಲಿಪ್ಸ್ಟಿಕ್, ಶಾಂಪೂ ಮತ್ತು ಕ್ರೀಮ್ಗಳಂತಹ ಸೌಂದರ್ಯ ವರ್ಧಕಗಳು (Beauty Products) ಪರಿಸರದ ಮೇಲೆ ಬೀರುತ್ತಿರುವ ಭೀಕರ ಪರಿಣಾಮಗಳ ಬಗ್ಗೆ ಮಹತ್ವದ ವರದಿಯೊಂದು ಹೊರಬಿದ್ದಿದೆ.
ನಾವು ಬಳಸುವ ಸ್ಕ್ರಬ್ಗಳು ಮತ್ತು ಫೇಸ್ ವಾಶ್ಗಳಲ್ಲಿರುವ ಸಣ್ಣ ಪ್ಲಾಸ್ಟಿಕ್ ಕಣಗಳು (Microbeads) ನೀರಿನ ಮೂಲಕ ನದಿ ಮತ್ತು ಸಮುದ್ರ ಸೇರುತ್ತಿವೆ. ಇವು ಜಲಚರಗಳ ಹೊಟ್ಟೆ ಸೇರಿ, ಕೊನೆಗೆ ಆಹಾರದ ರೂಪದಲ್ಲಿ ಮನುಷ್ಯರನ್ನೇ ತಲುಪುತ್ತಿವೆ.
ಸೌಂದರ್ಯ ವರ್ಧಕಗಳಲ್ಲಿ ಬಳಸುವ ‘PFAS’ ನಂತಹ ರಾಸಾಯನಿಕಗಳನ್ನು ‘ಫಾರೆವರ್ ಕೆಮಿಕಲ್ಸ್’ ಎನ್ನಲಾಗುತ್ತದೆ. ಇವು ಮಣ್ಣು ಮತ್ತು ನೀರಿನಲ್ಲಿ ಸಾವಿರಾರು ವರ್ಷಗಳ ಕಾಲ ಹಾಗೆಯೇ ಉಳಿದು ಕ್ಯಾನ್ಸರ್ನಂತಹ ರೋಗಗಳಿಗೆ ಕಾರಣವಾಗುತ್ತಿವೆ.
ಸೌಂದರ್ಯ ವರ್ಧಕಗಳ ತಯಾರಿಕೆಯಲ್ಲಿ ಅತಿ ಹೆಚ್ಚಾಗಿ ಬಳಸುವ ತಾಳೆ ಎಣ್ಣೆಗಾಗಿ ಸಾವಿರಾರು ಎಕರೆ ಮಳೆಕಾಡುಗಳನ್ನು ನಾಶಪಡಿಸಲಾಗುತ್ತಿದೆ. ಇದರಿಂದಾಗಿ ಒರಾಂಗುಟನ್ ಸೇರಿದಂತೆ ಹಲವು ಪ್ರಾಣಿಗಳು ಅಳಿವಿನ ಅಂಚಿಗೆ ತಲುಪಿವೆ.
ಸನ್ಸ್ಕ್ರೀನ್ ಲೋಶನ್ಗಳಲ್ಲಿರುವ ಕೆಲವು ಕೆಮಿಕಲ್ಗಳು ಸಮುದ್ರದ ಹವಳದ ದಿಬ್ಬಗಳನ್ನು (Coral Reefs) ಬಣ್ಣಗೆಡಿಸಿ ನಾಶಮಾಡುತ್ತಿವೆ.
ತ್ಯಾಜ್ಯದ ಪರ್ವತ: ಪ್ರತಿ ವರ್ಷ ಅಂದಾಜು 120 ಬಿಲಿಯನ್ ಸಂಖ್ಯೆಯ ಸೌಂದರ್ಯ ವರ್ಧಕಗಳ ಪ್ಲಾಸ್ಟಿಕ್ ಡಬ್ಬಿಗಳು ಮತ್ತು ಪ್ಯಾಕೇಟ್ಗಳು ಮಣ್ಣು ಸೇರುತ್ತಿವೆ, ಇವುಗಳಲ್ಲಿ ಶೇ. 90ರಷ್ಟು ಮರುಬಳಕೆಯಾಗುತ್ತಿಲ್ಲ!
