ಕ್ಯಾಲಿಫೋರ್ನಿಯಾ: ಜಗತ್ತಿನ ಜನಪ್ರಿಯ ಸೋಶಿಯಲ್ ಮೀಡಿಯಾ ಪ್ಲಾಟ್ಫಾರ್ಮ್ ಆದ ಇನ್ಸ್ಟಾಗ್ರಾಮ್ (Instagram), ತನ್ನ ಬಳಕೆದಾರರ ದೊಡ್ಡ ತಲೆನೋವೊಂದಕ್ಕೆ ಪರಿಹಾರ ನೀಡಿದೆ. ಹೌದು, ನೀವು ಪೋಸ್ಟ್ಗಳ ಅಡಿಯಲ್ಲಿ ಹಾಕುವ ಕಾಮೆಂಟ್ಗಳನ್ನು ಈಗ ಎಡಿಟ್ ಮಾಡಲು ಇನ್ಸ್ಟಾಗ್ರಾಮ್ ಅಧಿಕೃತವಾಗಿ ಅವಕಾಶ ನೀಡಿದೆ.
ಇಷ್ಟು ದಿನ ಇನ್ಸ್ಟಾಗ್ರಾಮ್ನಲ್ಲಿ ಕಾಮೆಂಟ್ ಮಾಡುವಾಗ ಏನಾದರೂ ತಪ್ಪು ಬರೆದರೆ ಅಥವಾ ಸ್ಪೆಲ್ಲಿಂಗ್ ಮಿಸ್ಟೇಕ್ ಆದರೆ, ಆ ಕಾಮೆಂಟ್ ಅನ್ನು ಡಿಲೀಟ್ ಮಾಡಿ ಮತ್ತೆ ಹೊಸದಾಗಿ ಬರೆಯಬೇಕಿತ್ತು. ಆದರೆ ಈಗ ಬಂದಿರುವ ಹೊಸ ಅಪ್ಡೇಟ್ನಿಂದಾಗಿ, ನೀವು ಮಾಡಿದ ಕಾಮೆಂಟ್ ಅನ್ನು ನೀವು ಅಂದುಕೊಂಡಂತೆ ಬದಲಾಯಿಸಬಹುದು (Edit).
ನೀವು ಎಡಿಟ್ ಮಾಡಬೇಕಿರುವ ಕಾಮೆಂಟ್ ಮೇಲೆ ಲಾಂಗ್ ಪ್ರೆಸ್ (Long Press) ಮಾಡಿ ಅಥವಾ ಪಕ್ಕಕ್ಕೆ ಸ್ಲೈಡ್ ಮಾಡಿ.
ಅಲ್ಲಿ ನಿಮಗೆ ‘Edit’ ಎಂಬ ಆಯ್ಕೆ ಕಾಣಿಸುತ್ತದೆ.
ಅದನ್ನು ಕ್ಲಿಕ್ ಮಾಡಿ ತಪ್ಪುಗಳನ್ನು ಸರಿಪಡಿಸಿ ಮತ್ತೆ ಅಪ್ಡೇಟ್ ಮಾಡಬಹುದು.
ನೀವು ಎಡಿಟ್ ಮಾಡಿದ ಕಾಮೆಂಟ್ನ ಕೆಳಗೆ ‘Edited’ ಎಂಬ ಲೇಬಲ್ ಕಾಣಿಸಿಕೊಳ್ಳುತ್ತದೆ, ಅಂದರೆ ನೀವು ಅದನ್ನು ಬದಲಾಯಿಸಿದ್ದೀರಿ ಎಂದು ಇತರರಿಗೆ ತಿಳಿಯುತ್ತದೆ.
