ಬೆಂಗಳೂರು : ರಾಜ್ಯದ ಲಕ್ಷಾಂತರ ವಿದ್ಯಾರ್ಥಿಗಳು ಕಾತರದಿಂದ ಕಾಯುತ್ತಿರುವ ದ್ವಿತೀಯ ಪಿಯುಸಿ ವಾರ್ಷಿಕ ಪರೀಕ್ಷೆ-1ರ ಫಲಿತಾಂಶವು ಏಪ್ರಿಲ್ 7 ಅಂದರೆ ನಾಳೆ ದ್ವಿತೀಯ ಪಿಯುಸಿ ಫಲಿತಾಂಶ ಘೋಷಣೆ ಮಾಡುವ ಸಾಧ್ಯತೆ ಇದೆ ಎಂದು ಹೇಳಲಾಗಿದೆ. ಈ ಬಗ್ಗೆ ಅಧಿಕೃತ ಮಾಹಿತಿ ಬಂದಿಲ್ಲ. ಫೆಬ್ರವರಿ 28 ರಿಂದ ಮಾರ್ಚ್ 17 ರವರೆಗೆ ದ್ವಿತೀಯ ಪಿಯುಸಿ ಪರೀಕ್ಷೆಯನ್ನು ನಡೆಸಲಾಗಿತ್ತು. ಏಪ್ರಿಲ್ 7, 2026 ರಂದು ಅಂದರೆ ನಾಳೆ ಫಲಿತಾಂಶಗಳನ್ನು ಪ್ರಕಟಿಸುವ ಸಾಧ್ಯತೆಯಿದೆ ಎಂದು ಮೂಲಗಳು ತಿಳಿಸಿದೆ.
ಇನ್ನು ಪ್ರಕಟ ಆಗುವ ಫಲಿತಾಂಶವನ್ನು ನೋಡುವುದು ಹೇಗೆ ಎಂಬ ಗೊಂದಲಗಳು ವಿದ್ಯಾರ್ಥಿಗಳಿಗೆ ಇರಬಹುದು. ಅದಕ್ಕೆ ಭಯಬೇಡ, ಇಲ್ಲಿ ನೀಡಿರುವ ಲಿಂಕ್ಗಳನ್ನು ಓಪನ್ ಮಾಡಿ ನೋಡಿದ್ರೆ ಸಾಕು. karresults.nic.in ಮತ್ತು kseab.karnataka.gov.in ಅನ್ನು ಶಿಕ್ಷಣ ಇಲಾಖೆ ನೀಡಿದೆ. ಒಂದು ವೇಳೆ ಈ ಲಿಂಕ್ಗಳಲ್ಲಿ ದೋಷ ಬಂದರೆ, ಇನ್ನು ಆಯ್ಕೆಯನ್ನು ಕೂಡ ನೀಡಲಾಗಿದೆ. PUC ಫಲಿತಾಂಶಗಳನ್ನು ಡಿಜಿಲಾಕರ್ ವೆಬ್ಸೈಟ್ – digilocker.gov.in ನಲ್ಲಿಯೂ ಪರಿಶೀಲಿಸಲು ಅವಕಾಶವನ್ನು ನೀಡಲಾಗಿದೆ.
ಇನ್ನು ಪಿಯುಸಿ ನಂತರದ ಶೈಕ್ಷಣಿಕ ಹಾದಿಯು ವಿದ್ಯಾರ್ಥಿ ಜೀವನದ ಅತ್ಯಂತ ನಿರ್ಣಾಯಕ ಘಟ್ಟವಾಗಿದೆ. ಯಾವ ವಿಭಾಗದ ವಿದ್ಯಾರ್ಥಿಗಳು ಯಾವೆಲ್ಲಾ ಕೋರ್ಸ್ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು ಎಂಬುದರ ಸಂಪೂರ್ಣ ವಿವರ ಇಲ್ಲಿದೆ
1. ವಿಜ್ಞಾನ ವಿಭಾಗ (Science Stream)
ವಿಜ್ಞಾನ ವಿಭಾಗದಲ್ಲಿ ಪಿಯುಸಿ ಮುಗಿಸಿದವರಿಗೆ ತಾಂತ್ರಿಕ ಮತ್ತು ವೈದ್ಯಕೀಯ ಕ್ಷೇತ್ರದಲ್ಲಿ ಅಸಂಖ್ಯಾತ ಅವಕಾಶಗಳಿವೆ.
ಇಂಜಿನಿಯರಿಂಗ್ (BE/B.Tech): ಕಂಪ್ಯೂಟರ್ ಸೈನ್ಸ್, ಎಲೆಕ್ಟ್ರಾನಿಕ್ಸ್, ಮೆಕ್ಯಾನಿಕಲ್, ಸಿವಿಲ್ ಮುಂತಾದ ವಿಭಾಗಗಳು. (CET/COMED-K ಪರೀಕ್ಷೆ ಅಗತ್ಯ).
ವೈದ್ಯಕೀಯ ಮತ್ತು ಸಂಬಂಧಿತ ಕ್ಷೇತ್ರ: MBBS, BDS, ಆಯುರ್ವೇದ (BAMS), ಹೋಮಿಯೋಪತಿ (BHMS). (NEET ಪರೀಕ್ಷೆ ಕಡ್ಡಾಯ).
ಪ್ಯಾರಾಮೆಡಿಕಲ್ ಕೋರ್ಸ್ಗಳು: ನರ್ಸಿಂಗ್, ಫಾರ್ಮಸಿ (B.Pharma), ಫಿಸಿಯೋಥೆರಪಿ (BPT), ಮತ್ತು ಲ್ಯಾಬ್ ಟೆಕ್ನಿಷಿಯನ್.
ಶುದ್ಧ ವಿಜ್ಞಾನ (Pure Science): ಬಿ.ಎಸ್ಸಿ (B.Sc) – ಅಗ್ರಿಕಲ್ಚರ್, ಫಾರೆಸ್ಟ್ರಿ, ಬಯೋಟೆಕ್ನಾಲಜಿ, ಅಥವಾ ಫಿಸಿಕ್ಸ್/ಕೆಮಿಸ್ಟ್ರಿ/ಮ್ಯಾಥ್ಸ್.
2. ವಾಣಿಜ್ಯ ವಿಭಾಗ (Commerce Stream)
ಹಣಕಾಸು, ನಿರ್ವಹಣೆ ಮತ್ತು ಬ್ಯಾಂಕಿಂಗ್ ಕ್ಷೇತ್ರದಲ್ಲಿ ಆಸಕ್ತಿ ಇರುವವರಿಗೆ ಈ ಕೆಳಗಿನ ಆಯ್ಕೆಗಳಿವೆ:
ಬಿ.ಕಾಂ (B.Com): ಸಾಮಾನ್ಯ ಬಿ.ಕಾಂ ಜೊತೆಗೆ ಅಕೌಂಟಿಂಗ್, ಟ್ಯಾಕ್ಸೇಶನ್ ಅಥವಾ ಕಂಪ್ಯೂಟರ್ ಅಪ್ಲಿಕೇಶನ್ನಲ್ಲಿ ಸ್ಪೆಷಲೈಸೇಶನ್ ಮಾಡಬಹುದು.
ವೃತ್ತಿಪರ ಕೋರ್ಸ್ಗಳು: ಚಾರ್ಟರ್ಡ್ ಅಕೌಂಟೆನ್ಸಿ (CA), ಕಂಪನಿ ಸೆಕ್ರೆಟರಿ (CS), ಮತ್ತು ಕಾಸ್ಟ್ ಅಂಡ್ ಮ್ಯಾನೇಜ್ಮೆಂಟ್ ಅಕೌಂಟೆಂಟ್ (CMA).
ನಿರ್ವಹಣೆ (Management): ಬಿ.ಬಿ.ಎ (BBA) ಅಥವಾ ಬಿ.ಬಿ.ಎಂ (BBM) ಮೂಲಕ ಕಾರ್ಪೊರೇಟ್ ವಲಯಕ್ಕೆ ಪ್ರವೇಶಿಸಬಹುದು.
ಡೇಟಾ ಅನಾಲಿಟಿಕ್ಸ್: ಇಂದಿನ ಕಾಲದಲ್ಲಿ ವಾಣಿಜ್ಯ ವಿದ್ಯಾರ್ಥಿಗಳಿಗೆ ಡೇಟಾ ಸೈನ್ಸ್ ಮತ್ತು ಸ್ಟ್ಯಾಟಿಸ್ಟಿಕ್ಸ್ ವಿಷಯಗಳಿಗೂ ಹೆಚ್ಚಿನ ಬೇಡಿಕೆಯಿದೆ.
3. ಕಲಾ ವಿಭಾಗ (Arts Stream)
ಕಲಾ ವಿಭಾಗವು ಕೇವಲ ಬೋಧನೆಗೆ ಸೀಮಿತವಾಗಿಲ್ಲ, ಇಂದು ಇದು ಅತ್ಯಂತ ಸೃಜನಶೀಲ ಮತ್ತು ಲಾಭದಾಯಕ ಕ್ಷೇತ್ರವಾಗಿ ಹೊರಹೊಮ್ಮಿದೆ.
ಬಿ.ಎ (BA): ಸೈಕಾಲಜಿ, ಸಮಾಜಶಾಸ್ತ್ರ, ರಾಜ್ಯಶಾಸ್ತ್ರ ಅಥವಾ ಇತಿಹಾಸ.
ಪತ್ರಿಕೋದ್ಯಮ (Journalism): ಸಮೂಹ ಸಂವಹನ ಮತ್ತು ಪತ್ರಿಕೋದ್ಯಮದ ಮೂಲಕ ಮಾಧ್ಯಮ ರಂಗದಲ್ಲಿ ವೃತ್ತಿ ಆರಂಭಿಸಬಹುದು.
ಕಾನೂನು (Law): ಪಿಯುಸಿ ನಂತರ ನೇರವಾಗಿ 5 ವರ್ಷಗಳ ಇಂಟಿಗ್ರೇಟೆಡ್ ಎಲ್.ಎಲ್.ಬಿ (BA LLB / BBA LLB) ಮಾಡಬಹುದು.
ವಿನ್ಯಾಸ (Design): ಫ್ಯಾಷನ್ ಡಿಸೈನಿಂಗ್, ಇಂಟೀರಿಯರ್ ಡಿಸೈನಿಂಗ್ ಅಥವಾ ಗ್ರಾಫಿಕ್ ಡಿಸೈನಿಂಗ್.
4. ಇತರ ವೃತ್ತಿಪರ ಹಾಗೂ ಅಲ್ಪಾವಧಿ ಕೋರ್ಸ್ಗಳು
ಯಾವುದೇ ವಿಭಾಗದ ವಿದ್ಯಾರ್ಥಿಗಳು ಈ ಕೆಳಗಿನ ಕೋರ್ಸ್ಗಳನ್ನು ಆಯ್ಕೆ ಮಾಡಿಕೊಳ್ಳಬಹುದು:
ಹೋಟೆಲ್ ಮ್ಯಾನೇಜ್ಮೆಂಟ್ (BHM): ಪ್ರವಾಸೋದ್ಯಮ ಮತ್ತು ಆತಿಥ್ಯ ಕ್ಷೇತ್ರದಲ್ಲಿ ಆಸಕ್ತಿ ಇರುವವರಿಗೆ.
ಅನಿಮೇಷನ್ ಮತ್ತು ವಿಎಫ್ಎಕ್ಸ್ (VFX): ಸೃಜನಶೀಲತೆ ಇರುವವರಿಗೆ ಸಿನಿಮಾ ಮತ್ತು ಗೇಮಿಂಗ್ ಕ್ಷೇತ್ರದಲ್ಲಿ ಉತ್ತಮ ಅವಕಾಶವಿದೆ.
ಡಿಜಿಟಲ್ ಮಾರ್ಕೆಟಿಂಗ್: ಅಲ್ಪಾವಧಿಯ ಕೋರ್ಸ್ ಆಗಿದ್ದರೂ, ಇಂದಿನ ಮಾರುಕಟ್ಟೆಯಲ್ಲಿ ಇದಕ್ಕೆ ಭಾರಿ ಬೇಡಿಕೆಯಿದೆ.
ಸ್ಪರ್ಧಾತ್ಮಕ ಪರೀಕ್ಷೆಗಳು: ಪಿಯುಸಿ ನಂತರವೇ ಎನ್.ಡಿ.ಎ (NDA) ಮೂಲಕ ರಕ್ಷಣಾ ಪಡೆಗೆ ಸೇರಲು ಅಥವಾ ಸಬ್-ಇನ್ಸ್ಪೆಕ್ಟರ್/ಕಾನ್ಸ್ಟೇಬಲ್ ಹುದ್ದೆಗಳಿಗೆ ಸಿದ್ಧತೆ ನಡೆಸಬಹುದು.
