ಟೆಹ್ರಾನ್:ಪಶ್ಚಿಮ ಏಷ್ಯಾದಲ್ಲಿ ಯುದ್ಧದ ಭೀತಿ ಆವರಿಸಿರುವ ಬೆನ್ನಲ್ಲೇ, ಇರಾನ್ ತನ್ನ ಶಕ್ತಿಯ ಪ್ರದರ್ಶನ ಮಾಡಿದೆ. ಅಮೆರಿಕದ ಅತ್ಯಂತ ಶಕ್ತಿಶಾಲಿ ‘ಬ್ಲ್ಯಾಕ್ ಹಾಕ್’ (Black Hawk) ಹೆಲಿಕಾಪ್ಟರ್ಗಳು ಮತ್ತು ‘ಸಿ-130 ಹರ್ಕ್ಯುಲಸ್’ (C-130 Hercules) ಯುದ್ಧ ವಿಮಾನಗಳನ್ನು ತನ್ನ ಪಡೆಗಳು ಹೊಡೆದುರುಳಿಸಿವೆ ಎಂದು ಪ್ರತಿಪಾದಿಸಿರುವ ಇರಾನ್, ಅದಕ್ಕೆ ಸಂಬಂಧಿಸಿದ ದೃಶ್ಯಗಳನ್ನು ಬಿಡುಗಡೆ ಮಾಡಿದೆ.
ಇರಾನ್ನ ಸರ್ಕಾರಿ ಸ್ವಾಮ್ಯದ ಮಾಧ್ಯಮಗಳು ಬಿಡುಗಡೆ ಮಾಡಿರುವ ವಿಡಿಯೋದಲ್ಲಿ, ಆಕಾಶದಲ್ಲಿ ಹಾರುತ್ತಿದ್ದ ವಿಮಾನ ಮತ್ತು ಹೆಲಿಕಾಪ್ಟರ್ಗಳಿಗೆ ಕ್ಷಿಪಣಿಗಳು ಅಪ್ಪಳಿಸುತ್ತಿರುವುದು ಮತ್ತು ಅವು ಬೆಂಕಿಯ ಉಂಡೆಗಳಾಗಿ ಭೂಮಿಗೆ ಬೀಳುತ್ತಿರುವ ದೃಶ್ಯಗಳಿವೆ.ಈ ಘಟನೆಗಳು ಇರಾಕ್ ಮತ್ತು ಇರಾನ್ ಗಡಿ ಭಾಗದಲ್ಲಿ ಅಥವಾ ಇರಾನ್ನ ವಾಯುಪ್ರದೇಶದ ಸಮೀಪ ನಡೆದಿವೆ ಎಂದು ಹೇಳಲಾಗುತ್ತಿದೆ. ಆದರೆ, ಈ ವಿಡಿಯೋಗಳು ಎಷ್ಟು ಹಳೆಯವು ಅಥವಾ ಇಂದಿನ ಘಟನೆಗೆ ಸಂಬಂಧಿಸಿದ್ದೇ ಎಂಬ ಬಗ್ಗೆ ಇನ್ನೂ ಸ್ಪಷ್ಟತೆ ಸಿಕ್ಕಿಲ್ಲ.
ಇರಾನ್ನ ಈ ಪ್ರತಿಪಾದನೆಯ ಬಗ್ಗೆ ಅಮೆರಿಕದ ರಕ್ಷಣಾ ಇಲಾಖೆ (Pentagon) ಇದುವರೆಗೆ ಯಾವುದೇ ಅಧಿಕೃತ ಪ್ರತಿಕ್ರಿಯೆ ನೀಡಿಲ್ಲ. ತನ್ನ ನೌಕೆಗಳು ಪತನಗೊಂಡಿರುವ ಬಗ್ಗೆ ಅಮೆರಿಕ ದೃಢಪಡಿಸಿಲ್ಲ.ಇರಾನ್ ಬಿಡುಗಡೆ ಮಾಡಿರುವ ಈ ವಿಡಿಯೋವು ಅಮೆರಿಕವನ್ನು ಕೆರಳಿಸುವ ತಂತ್ರ ಎಂದು ವಿಶ್ಲೇಷಕರು ಭಾವಿಸಿದ್ದಾರೆ. ಡೊನಾಲ್ಡ್ ಟ್ರಂಪ್ ಅವರು ಇರಾನ್ನ ವಿದ್ಯುತ್ ಸ್ಥಾವರಗಳ ಮೇಲೆ ದಾಳಿ ಮಾಡುವುದಾಗಿ ಬೆದರಿಕೆ ಹಾಕಿದ ಬೆನ್ನಲ್ಲೇ ಈ ವಿಡಿಯೋ ಹೊರಬಂದಿರುವುದು ಮಹತ್ವ ಪಡೆದಿದೆ.
#WATCH | First footage of the destruction of two Black Hawk helicopters and one C-130 Hercules enemy military transport aircraft in southern Isfahan, Iran.
(Source: IRIB via ANI) pic.twitter.com/XwVby4h2Z7
— ANI (@ANI) April 5, 2026
