ಡಾ.ಬಿ.ಆರ್. ಅಂಬೇಡ್ಕರ್ ಅಭಿವೃದ್ಧಿ ನಿಗಮ, ಕರ್ನಾಟಕ ಆದಿಜಾಂಬವ ಅಭಿವೃದ್ಧಿ ನಿಗಮ, ಕರ್ನಾಟಕ ಭೋವಿ ಅಭಿವೃದ್ಧಿ ನಿಗಮದ ಭೂ ಒಡೆತನ ಯೋಜನೆಯಡಿಯಲ್ಲಿ 2020-21, 2021-22ನೇ ಸಾಲಿನಲ್ಲಿ ನಿಗಮದ ನಿಯಮಾನುಸಾರ ನಿಗಮಕ್ಕೆ ಜಮೀನು ಮಾರಾಟ ಮಾಡಲು ಭೂ ಮಾಲೀಕರಿಂದ ಪ್ರಸ್ತಾವನೆ ಸಲ್ಲಿಸಲಾಗಿರುತ್ತದೆ.
ಈ ಪ್ರಸ್ತಾವನೆಗಳನ್ನು ಪರಿಶೀಲಿಸಿ ಜಿಲ್ಲಾಧಿಕಾರಿಗಳ ಅಧ್ಯಕ್ಷತೆಯಲ್ಲಿರುವ ಭೂ ಒಡೆತನ ಯೋಜನೆಯ ಫಲಾಫೇಕ್ಷಿಗಳ ಆಯ್ಕೆ ಸಮಿತಿ ಮತ್ತು ದರ ನಿಗದಿ ಸಮಿತಿಯ ನಡವಳಿಯಂತೆ ಆಯ್ಕೆಯಾಗಿರುವ ಜಮೀನಿನ ಭೂ ಮಾಲೀಕರು ಪ್ರಸ್ತುತ ತಮ್ಮ ಜಮೀನನ್ನು ಮಾರಾಟ ಮಾಡಲು ಹಾಗೂ ಫಲಾಪೇಕ್ಷಿಗಳು ಖರೀದಿ ಮಾಡಲು ಇಚ್ಚಿಸಿದಲ್ಲಿ ಭೂ ಮಾಲೀಕರು ಅಥವಾ ಫಲಾಪೇಕ್ಷಿಗಳು ಜಿಲ್ಲಾ ಕಛೇರಿಗೆ ಖುದ್ದಾಗಿ ಭೇಟಿ ನೀಡಿ ತಮ್ಮ ಹಾಗೂ ಜಮೀನಿನ ಅಗತ್ಯ ದಾಖಲೆಗಳೊಂದಿಗೆ ಜಮೀನನ್ನು ಮಾರಾಟ ಅಥವಾ ಖರೀದಿ ಮಾಡಲು ರೂ.100/- ರ ಛಾಪಾ ಕಾಗದದಲ್ಲಿ ತಮ್ಮ ಒಪ್ಪಿಗೆ ಪತ್ರವನ್ನು ಫೆಬ್ರವರಿ 20 ರ ಸಂಜೆ 4 ಗಂಟೆಯೊಳಗೆ ಜಿಲ್ಲಾ ವ್ಯವಸ್ಥಾಪಕರು, ಡಾ.ಬಿ.ಆರ್. ಅಂಬೇಡ್ಕರ್ ಅಭಿವೃದ್ಧಿ ನಿಗಮ, ರೂಂ ನಂ. 109, ಜಿಲ್ಲಾಡಳಿತ ಭವನ, ಕೊಪ್ಪಳ ಇಲ್ಲಿ ಸಲ್ಲಿಸಬೇಕು.
ಇಲ್ಲವಾದಲ್ಲಿ ಭೂ ಮಾಲೀಕರ ಪ್ರಸ್ತಾವನೆಗಳು ಹಾಗೂ ಫಲಾಪೇಕ್ಷಿಗಳ ಆಯ್ಕೆಯು ರದ್ದಾಗುವುದು ಮತ್ತು ಇದರ ಸಂಬAಧ ಯಾವುದೇ ಮನವಿಗಳನ್ನು ಪುರಸ್ಕರಿಸುವುದಿಲ್ಲ ಹಾಗೂ ಹೊಸ ಪ್ರಸ್ತಾವನೆಗಳನ್ನು ನಿಗಮಕ್ಕೆ ಸಲ್ಲಿಸಲು ಇಚ್ಚಿಸುವರು ಫೆಬ್ರವರಿ 20 ರೊಳಗಾಗಿ ಜಿಲ್ಲಾ ಕಛೇರಿಗೆ ಸಲ್ಲಿಸಬೇಕು ಎಂದು ನಿಗಮದ ಜಿಲ್ಲಾ ವ್ಯವಸ್ಥಾಪಕರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
