ಟೋಕಿಯೋ : ಪ್ರಧಾನಿ ಮೋದಿ ಎರಡು ದಿನಗಳ ಭೇಟಿಗಾಗಿ ಜಪಾನ್ಗೆ ಆಗಮಿಸಿದ್ದಾರೆ. ಅವರಿಗೆ ಇಲ್ಲಿ ಆತ್ಮೀಯ ಸ್ವಾಗತ ನೀಡಲಾಯಿತು. ಟೋಕಿಯೊದಲ್ಲಿ ಪ್ರಧಾನಿ ಮೋದಿ ಅವರಿಗೆ ವಿಶೇಷ ಉಡುಗೊರೆ ಸಿಕ್ಕಿತು. ಈ ಉಡುಗೊರೆ ‘ದರುಮ ಗೊಂಬೆ’ ಆಗಿದ್ದು, ಇದನ್ನು ಇಲ್ಲಿ ಬಹಳ ಶುಭವೆಂದು ಪರಿಗಣಿಸಲಾಗಿದೆ.
ಹೌದು, ಇಂದು ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಎರಡು ದಿನಗಳ ಜಪಾನ್ ಭೇಟಿಯ ಸಂದರ್ಭದಲ್ಲಿ ದಾರುಮ ಗೊಂಬೆಯನ್ನು ಸ್ವೀಕರಿಸಿದ್ದಾರೆ. ಈ ಗೊಂಬೆ ಜಪಾನಿನ ಇತಿಹಾಸ ಮತ್ತು ಸಂಪ್ರದಾಯದೊಂದಿಗೆ ಆಳವಾಗಿ ಸಂಬಂಧ ಹೊಂದಿದೆ. ಶೋರಿಂಜಾನ್-ದಾರುಮ-ಜಿ ದೇವಾಲಯದ ಮುಖ್ಯ ಅರ್ಚಕರು ಎರಡು ರಾಷ್ಟ್ರಗಳ ನಡುವಿನ ಸೌಹಾರ್ದತೆಯ ಸಂಕೇತವಾಗಿ ಪ್ರಸ್ತುತಪಡಿಸಿದರು.
ದ್ರುಮ ಗೊಂಬೆ ಎನ್ನುವುದು ಜಪಾನೀಸ್ ಸಂಪ್ರದಾಯದ ಒಂದು ಗೊಂಬೆಯಾಗಿದ್ದು, ಈ ಗೊಂಬೆಗಳು ಝೆನ್ ಬೌದ್ಧಧರ್ಮದ ಸ್ಥಾಪಕ ಬೋಧಿಧರ್ಮರನ್ನು ಹೋಲುತ್ತವೆ ಮತ್ತು ಇವು ಅದೃಷ್ಟ ಹಾಗೂ ಪರಿಶ್ರಮದ ಸಂಕೇತಗಳಾಗಿವೆ. ಈ ಗೊಂಬೆಗಳಿಗೆ ಕೆಂಪು ಬಣ್ಣದ ವಸ್ತ್ರಗಳಿದ್ದು, ಇವುಗಳನ್ನು ಅದೃಷ್ಟದ ಸಂಕೇತವಾಗಿ, ಗುರಿಗಳನ್ನು ಸಾಧಿಸುವ ಪ್ರೋತ್ಸಾಹಕ್ಕಾಗಿ ಬಳಸಲಾಗುತ್ತದೆ. ಈ ಗೊಂಬೆಗಳು ಸಾಮಾನ್ಯವಾಗಿ ಕೆಂಪು ಬಣ್ಣದ್ದಾಗಿದ್ದು, ಭಾರತೀಯ ಸನ್ಯಾಸಿ ಬೋಧಿಧರ್ಮನನ್ನು ಚಿತ್ರಿಸುತ್ತವೆ, ಪ್ರದೇಶ ಮತ್ತು ಕಲಾವಿದರನ್ನು ಅವಲಂಬಿಸಿ ಬಣ್ಣ ಮತ್ತು ವಿನ್ಯಾಸದಲ್ಲಿ ಬಹಳ ವ್ಯತ್ಯಾಸಗೊಳ್ಳುತ್ತವೆ.
ಕೆಲವರು ಈ ಗೊಂಬೆಯನ್ನು ಆಟಿಕೆ ಎಂದು ಪರಿಗಣಿಸಿದರೂ, ದಾರುಮವು ಸಂಕೇತಗಳಿಂದ ಸಮೃದ್ಧವಾಗಿರುವ ವಿನ್ಯಾಸವನ್ನು ಹೊಂದಿದೆ ಮತ್ತು ಜಪಾನಿಯರಿಗೆ ಅದೃಷ್ಟದ ತಾಲಿಸ್ಮನ್ ಎಂದು ಪರಿಗಣಿಸಲಾಗಿದೆ . ದಾರುಮ ಗೊಂಬೆಗಳನ್ನು ಪರಿಶ್ರಮ ಮತ್ತು ಅದೃಷ್ಟದ ಸಂಕೇತವಾಗಿ ನೋಡಲಾಗುತ್ತದೆ.
#WATCH | Tokyo | Chief Priest of Shorinzan Daruma-Ji Temple presents Daruma Doll to PM Modi
(Video source: ANI/DD) pic.twitter.com/m4alaRQBMZ
— ANI (@ANI) August 29, 2025
