ಕತಾರ್ : ಕತಾರ್’ನಲ್ಲಿ ನಡೆಯುತ್ತಿರುವ ಫಿಫಾ ವಿಶ್ವಕಪ್’ನಲ್ಲಿ ಹಲವು ವಿವಾದಗಳು ಮುನ್ನೆಲೆಗೆ ಬಂದಿವೆ. ಇತ್ತೀಚೆಗೆ ಅಭಿಮಾನಿಗಳು ಪರಸ್ಪರ ಹೊಡೆದಾಡಿಕೊಳ್ಳುತ್ತಿರುವ ವಿಡಿಯೋ ವೈರಲ್ ಆಗಿದೆ. ಇದಲ್ಲದೇ ಕಳ್ಳತನದ ಸುದ್ದಿಯೂ ಹೊರ ಹೊಮ್ಮಿದೆ. ಏತನ್ಮಧ್ಯೆ ಈಗ ಆಘಾತಕಾರಿ ಸುದ್ದಿಯೊಂದು ಹೊರಬಿದ್ದಿದೆ. ವರದಿಗಳ ಪ್ರಕಾರ, ಕತಾರ್ನ ಲುಸೈಲ್ ಸ್ಟೇಡಿಯಂ ಬಳಿ ಭಾರಿ ಬೆಂಕಿ ಕಾಣಿಸಿಕೊಂಡಿದೆ. ಅದೇ ಕ್ರೀಡಾಂಗಣದಲ್ಲಿ ತಡರಾತ್ರಿ ಅರ್ಜೆಂಟೀನಾ ಮತ್ತು ಮೆಕ್ಸಿಕೋ ನಡುವೆ ಗುಂಪು ಪಂದ್ಯ ನಡೆಯಲಿರುವ ಸಮಯದಲ್ಲಿ ಈ ಘಟನೆ ನಡೆದಿದೆ.
ಫ್ಯಾನ್ ಗ್ರಾಮದ ಬಳಿ ಅಪಘಾತ
ಕತಾರ್ ಸ್ಟೇಡಿಯಂ ಬಳಿ ಬೆಂಕಿ ಹೊತ್ತಿಕೊಂಡ ಕಟ್ಟಡವು ಫ್ಯಾನ್ ವಿಲೇಜ್ಗೆ ಬಹಳ ಹತ್ತಿರದಲ್ಲಿದೆ. ವಿದೇಶದ ಫುಟ್ಬಾಲ್ ಅಭಿಮಾನಿಗಳು ಈ ಗ್ರಾಮದಲ್ಲಿ ನೆಲೆಸಿದ್ದಾರೆ. ವಿಶ್ವಕಪ್ ಫ್ಯಾನ್ ವಿಲೇಜ್ ಬಳಿಯ ಸ್ಥಳದಲ್ಲಿ ಬೆಂಕಿ ಕಾಣಿಸಿಕೊಂಡಿರುವುದನ್ನ ಕತಾರ್ನ ಆಂತರಿಕ ಸಚಿವಾಲಯ ಖಚಿತಪಡಿಸಿದೆ. ಸಚಿವಾಲಯದ ಪ್ರಕಾರ, ನಿರ್ಮಾಣ ಹಂತದ ಕಟ್ಟಡದಲ್ಲಿ ಮಧ್ಯಾಹ್ನ ಬೆಂಕಿ ಕಾಣಿಸಿಕೊಂಡಿದೆ. ಈ ಕಟ್ಟಡವು ಪ್ರತ್ಯೇಕ ಪ್ರದೇಶದಲ್ಲಿದ್ದು, ಈ ಅವಘಡದಲ್ಲಿ ಯಾರ ಸಾವು ನೋವುಗಳು ಎಂಬುದು ಇನ್ನೂ ದೃಢಪಟ್ಟಿಲ್ಲ. ಬೆಂಕಿಯ ತೀವ್ರತೆ ಎಷ್ಟರಮಟ್ಟಿಗಿದೆಯೆಂದರೆ, ಹೊಗೆಯು ಮೈಲುಗಳಷ್ಟು ದೂರದಿಂದ ಗೋಚರಿಸಿತು.
ತಡರಾತ್ರಿ ಪಂದ್ಯ ನಡೆಯಲಿದೆ
ಇಂದು ಲುಸೈಲ್ ಸ್ಟೇಡಿಯಂನಲ್ಲಿ ವಿಶ್ವ ಚಾಂಪಿಯನ್ ಅರ್ಜೆಂಟೀನಾ ಮತ್ತು ಮೆಕ್ಸಿಕೋ ನಡುವೆ ಪಂದ್ಯ ನಡೆಯಲಿದೆ. ಲಿಯೋನೆಲ್ ಮೆಸ್ಸಿ ತಂಡಕ್ಕೆ ಇದು ಮಾಡು ಇಲ್ಲವೇ ಮಡಿ ಪಂದ್ಯವಾಗಲಿದೆ. ಈ ಪಂದ್ಯದಲ್ಲಿ ಅರ್ಜೆಂಟೀನಾ ಸೋತರೇ ವಿಶ್ವಕಪ್ನಲ್ಲಿ ಅದರ ಹಾದಿ ತುಂಬಾ ಕಷ್ಟಕರವಾಗಲಿದೆ. ನವೆಂಬರ್ 24ರಂದು, ಅರ್ಜೆಂಟೀನಾ ಆರಂಭಿಕ ಪಂದ್ಯದಲ್ಲಿ ಸೌದಿ ಅರೇಬಿಯಾ ವಿರುದ್ಧ ಸೋಲನ್ನ ಎದುರಿಸಬೇಕಾಯಿತು. ಸೌದಿ ಅರೇಬಿಯಾ ತಂಡವು ಪುನರಾಗಮನವನ್ನ ಮಾಡಿತು ಮತ್ತು ಪಂದ್ಯವನ್ನ 2-1 ಅಂತರದಿಂದ ಗೆದ್ದುಕೊಂಡಿತು. ಮೆಕ್ಸಿಕೋ ವಿರುದ್ಧದ ಪಂದ್ಯದಲ್ಲಿ ಹೆಚ್ಚಿನ ಒತ್ತಡ ಮೆಸ್ಸಿ ತಂಡದ ಮೇಲಿರುತ್ತದೆ.
BREAKING NEWS : ಇಟಲಿಯ ‘ಹಾಲಿಡೇ ಐಲ್ಯಾಂಡ್’ನಲ್ಲಿ ಭೂ ಕುಸಿತ ; 8 ಜನ ಸಾವು, ಘಟನೆಯ ಭಯಾನಕ ವಿಡಿಯೋ ಇಲ್ಲಿದೆ
ಚಿಲುಮೆ ಸಂಸ್ಥೆಯನ್ನು ನೇಮಕ ಮಾಡಿಕೊಂಡಿದ್ದೇ ಸಿದ್ಧರಾಮಯ್ಯ ಸರ್ಕಾರ: ಟ್ವಿಟ್ಟರ್ ನಲ್ಲಿ ಬಿಜೆಪಿ ಕುಟುಕು
