ಪ್ರತಿಯೊಬ್ಬ ಪೋಷಕರಿಗೂ ತಮ್ಮ ಮಕ್ಕಳು ಜೀವನದಲ್ಲಿ ದೊಡ್ಡ ಮಟ್ಟದ ಯಶಸ್ಸು ಸಾಧಿಸಬೇಕು, ಉತ್ತಮ ಶಿಕ್ಷಣ ಪಡೆದು ಸಂಸ್ಥೆಗಳಲ್ಲಿ ಒಳ್ಳೆಯ ಹುದ್ದೆ ಅಲಂಕರಿಸಬೇಕು ಎಂಬ ಆಸೆ ಇರುತ್ತದೆ. ಆದರೆ, ಪ್ರತಿಯೊಂದು ಮಗುವಿನ ಯೋಚನಾ ಶಕ್ತಿ, ಆಸಕ್ತಿ ಮತ್ತು ಪ್ರತಿಭೆ ವಿಭಿನ್ನವಾಗಿರುತ್ತದೆ.
ಸಂಖ್ಯಾಶಾಸ್ತ್ರದ (Numerology) ಪ್ರಕಾರ, ಮಗು ಹುಟ್ಟಿದ ದಿನಾಂಕದ ಆಧಾರದ ಮೇಲೆ ಅದರ ವ್ಯಕ್ತಿತ್ವ, ಸಾಮರ್ಥ್ಯ ಮತ್ತು ಆಸಕ್ತಿಗಳನ್ನು ಸುಲಭವಾಗಿ ತಿಳಿದುಕೊಳ್ಳಬಹುದು. ನ್ಯೂಮರಾಲಜಿಯಲ್ಲಿ 1 ರಿಂದ 9 ರವರೆಗಿನ ಮೂಲಾಂಕಗಳು (Radix) ಮಗುವಿನ ಭವಿಷ್ಯದ ಬಗ್ಗೆ ಏನು ಹೇಳುತ್ತವೆ ಎಂಬುದರ ವಿವರ ಇಲ್ಲಿದೆ:
ಮೂಲಾಂಕ 1: ನಾಯಕತ್ವದ ಗುಣ (ಹುಟ್ಟಿದ ದಿನಾಂಕ: 1, 10, 19, 28)
ಈ ದಿನಾಂಕಗಳಲ್ಲಿ ಜನಿಸಿದ ಮಕ್ಕಳ ಮೇಲೆ ಸೂರ್ಯನ ಪ್ರಭಾವ ಹೆಚ್ಚಿರುತ್ತದೆ. ಇವರಲ್ಲಿ ಆತ್ಮವಿಶ್ವಾಸ ಜಾಸ್ತಿ ಮತ್ತು ಹುಟ್ಟಿನಿಂದಲೇ ನಾಯಕತ್ವದ ಗುಣಗಳನ್ನು ಹೊಂದಿರುತ್ತಾರೆ. ಜವಾಬ್ದಾರಿಗಳನ್ನು ತೆಗೆದುಕೊಳ್ಳಲು ಇಷ್ಟಪಡುವ ಇವರು ಭವಿಷ್ಯದಲ್ಲಿ ಸರ್ಕಾರಿ ಉದ್ಯೋಗ, ರಾಜಕೀಯ, ಆಡಳಿತ, ವ್ಯಾಪಾರ ಅಥವಾ ಸೃಜನಶೀಲ ಕ್ಷೇತ್ರಗಳಲ್ಲಿ ಅದ್ಭುತವಾಗಿ ಮಿಂಚುತ್ತಾರೆ.
ಮೂಲಾಂಕ 2: ಸೃಜನಶೀಲತೆ ಮತ್ತು ಭಾವನಾತ್ಮಕ ಬುದ್ಧಿವಂತಿಕೆ (ಹುಟ್ಟಿದ ದಿನಾಂಕ: 2, 11, 20, 29)
ಇವರ ಮೇಲೆ ಚಂದ್ರನ ಪ್ರಭಾವ ಇರುತ್ತದೆ. ಈ ಮಕ್ಕಳು ತುಂಬಾ ಸೂಕ್ಷ್ಮ ಮನಸ್ಸಿನವರಾಗಿದ್ದು, ಕಲೆ, ಸಂಗೀತ, ನಟನೆ ಮತ್ತು ಮನರಂಜನಾ ಕ್ಷೇತ್ರಗಳ ಕಡೆ ಹೆಚ್ಚು ಆಕರ್ಷಿತರಾಗುತ್ತಾರೆ. ಇತರರ ಭಾವನೆಗಳನ್ನು ಇವರು ಸುಲಭವಾಗಿ ಅರ್ಥಮಾಡಿಕೊಳ್ಳಬಲ್ಲರು.
ಮೂಲಾಂಕ 3: ಅತ್ಯುತ್ತಮ ಶಿಕ್ಷಕರು ಅಥವಾ ಭಾಷಣಕಾರರು (ಹುಟ್ಟಿದ ದಿನಾಂಕ: 3, 12, 21, 30)
ಈ ಮಕ್ಕಳಿಗೆ ಹೊಸ ವಿಷಯಗಳನ್ನು ಕಲಿಯುವುದು ಮತ್ತು ಇತರರಿಗೆ ಕಲಿಸುವುದು ಎಂದರೆ ತುಂಬಾ ಇಷ್ಟ. ಇವರು ಭವಿಷ್ಯದಲ್ಲಿ ಉತ್ತಮ ಶಿಕ್ಷಕರು, ವ್ಯವಸ್ಥಾಪಕರು (ಮ್ಯಾನೇಜರ್ಸ್), ಸಮಾಜ ಸೇವಕರು ಅಥವಾ ಪ್ರಭಾವಶಾಲಿ ರಾಜಕಾರಣಿಗಳಾಗಿ ಹೊರಹೊಮ್ಮುವ ಸಾಧ್ಯತೆ ಇರುತ್ತದೆ.
ಮೂಲಾಂಕ 4: ಹೊಸ ಆಲೋಚನೆಗಳ ರಾಜರು (ಹುಟ್ಟಿದ ದಿನಾಂಕ: 4, 13, 22, 31)
ಯಾವುದೇ ಕಠಿಣ ಸಮಸ್ಯೆಗೆ ವಿಭಿನ್ನ ಹಾಗೂ ನವೀನ ಪರಿಹಾರಗಳನ್ನು ಹುಡುಕುವಲ್ಲಿ ಈ ಮಕ್ಕಳು ಎತ್ತಿದ ಕೈ. ತಂತ್ರಜ್ಞಾನ (Technology), ವ್ಯಾಪಾರ, ಹಣಕಾಸು, ರಿಯಲ್ ಎಸ್ಟೇಟ್ ಮತ್ತು ಶೇರ್ ಮಾರ್ಕೆಟ್ ಕ್ಷೇತ್ರಗಳು ಇವರಿಗೆ ಹೆಚ್ಚು ಸೂಕ್ತವಾಗಿವೆ.
ಮೂಲಾಂಕ 5: ಸಂವಹನ ಕಲೆಯಲ್ಲಿ ನಿಸ್ಸೀಮರು (ಹುಟ್ಟಿದ ದಿನಾಂಕ: 5, 14, 23)
ಈ ಮಕ್ಕಳು ಯಾರೊಂದಿಗಾದರೂ ಸುಲಭವಾಗಿ ಸ್ನೇಹ ಬೆಳೆಸುತ್ತಾರೆ. ತಮ್ಮ ಆಲೋಚನೆಗಳನ್ನು ಸ್ಪಷ್ಟವಾಗಿ ಸಮಾಜದ ಮುಂದೆ ಇಡಬಲ್ಲರು. ಮೀಡಿಯಾ, ಮಾರ್ಕೆಟಿಂಗ್, ಸೇಲ್ಸ್, ಪಬ್ಲಿಕ್ ರಿಲೇಷನ್ಸ್ (PR) ಮತ್ತು ಬಿಸಿನೆಸ್ನಲ್ಲಿ ಇವರು ದೊಡ್ಡ ಯಶಸ್ಸು ಕಾಣುತ್ತಾರೆ.
ಮೂಲಾಂಕ 6: ಕಲಾತ್ಮಕ ಪ್ರತಿಭೆಯ ಧನಿಗಳು (ಹುಟ್ಟಿದ ದಿನಾಂಕ: 6, 15, 24)
ಸೌಂದರ್ಯ ಮತ್ತು ಕಲೆಯತ್ತ ಇವರ ಆಕರ್ಷಣೆ ಹೆಚ್ಚು. ಫ್ಯಾಷನ್, ಸಂಗೀತ, ಸಿನಿಮಾ, ಡಿಸೈನಿಂಗ್ ಮತ್ತು ಮನರಂಜನಾ ಕ್ಷೇತ್ರಗಳಲ್ಲಿ ತಮ್ಮದೇ ಆದ ಮುದ್ರೆ ಒತ್ತಲು ಈ ಮಕ್ಕಳು ಇಷ್ಟಪಡುತ್ತಾರೆ.
ಮೂಲಾಂಕ 7: ಆಳವಾದ ಚಿಂತಕರು (ಹುಟ್ಟಿದ ದಿನಾಂಕ: 7, 16, 25)
ಯಾವುದೇ ವಿಷಯದ ಆಳಕ್ಕೆ ಇಳಿದು ಸಂಶೋಧನೆ ಮಾಡುವುದು ಈ ಮಕ್ಕಳ ವಿಶೇಷತೆ. ಬರವಣಿಗೆ, ಪತ್ರಿಕೋದ್ಯಮ (Journalism), ರಿಸರ್ಚ್, ಪ್ರವಾಸೋದ್ಯಮ ಅಥವಾ ತನಿಖಾ ಕ್ಷೇತ್ರಗಳಲ್ಲಿ ಇವರು ಉತ್ತಮ ಸಾಧನೆ ಮಾಡಬಹುದು.
ಮೂಲಾಂಕ 8: ಕಠಿಣ ಪರಿಶ್ರಮಿಗಳು (ಹುಟ್ಟಿದ ದಿನಾಂಕ: 8, 17, 26)
ಶಿಸ್ತು ಮತ್ತು ಜವಾಬ್ದಾರಿಗೆ ಈ ಮಕ್ಕಳು ಮೊದಲ ಆದ್ಯತೆ ನೀಡುತ್ತಾರೆ. ಕಷ್ಟಪಟ್ಟು ಕೆಲಸ ಮಾಡುವ ಸ್ವಭಾವ ಇವರದ್ದು. ಆಡಳಿತ, ಕಾನೂನು (Law), ರಾಜಕೀಯ, ಮ್ಯಾನೇಜ್ಮೆಂಟ್ ಹಾಗೂ ಉದ್ಯಮ ರಂಗದಲ್ಲಿ ಇವರಿಗೆ ಉತ್ತಮ ಅವಕಾಶಗಳು ಸಿಗುತ್ತವೆ.
ಮೂಲಾಂಕ 9: ಧೈರ್ಯಶಾಲಿ ಮತ್ತು ಶಕ್ತಿವಂತರು (ಹುಟ್ಟಿದ ದಿನಾಂಕ: 9, 18, 27)
ಇವರಲ್ಲಿ ಉತ್ಸಾಹ, ಧೈರ್ಯ ಮತ್ತು ಸ್ಪರ್ಧಾತ್ಮಕ ಮನೋಭಾವ ತುಂಬಿರುತ್ತದೆ. ಕ್ರೀಡೆ (Sports), ರಕ್ಷಣಾ ಇಲಾಖೆ (Defence), ರಾಜಕೀಯ ಅಥವಾ ಕ್ರಿಯೇಟಿವ್ ಕ್ಷೇತ್ರಗಳಲ್ಲಿ ಇವರು ಮುಂಚೂಣಿಯಲ್ಲಿ ಇರುತ್ತಾರೆ.
ಮುಖ್ಯ ಗಮನ: ಸಂಖ್ಯಾಶಾಸ್ತ್ರವು ಮಕ್ಕಳ ನೈಸರ್ಗಿಕ ಆಸಕ್ತಿಗಳನ್ನು ಅರ್ಥಮಾಡಿಕೊಳ್ಳಲು ಒಂದು ಮಾರ್ಗದರ್ಶಿಯಷ್ಟೇ. ಮಗುವಿನ ಭವಿಷ್ಯವನ್ನು ಕೇವಲ ಹುಟ್ಟಿದ ದಿನಾಂಕದ ಮೇಲೆ ನಿರ್ಧರಿಸಬಾರದು. ಅವರ ವೈಯಕ್ತಿಕ ಆಸಕ್ತಿ, ಶಿಕ್ಷಣ ಮತ್ತು ಕೌಶಲ್ಯಗಳಿಗೆ ತಕ್ಕಂತೆ ಪೋಷಕರು ಸರಿಯಾದ ಪ್ರೋತ್ಸಾಹ ನೀಡಿದಾಗ ಮಾತ್ರ ಪ್ರತಿಯೊಂದು ಮಗುವೂ ಜೀನಿಯಸ್ ಆಗಿ ಹೊರಹೊಮ್ಮಲು ಸಾಧ್ಯ.
