ಶಿವಮೊಗ್ಗ: ಜಿಲ್ಲೆಯಲ್ಲಿ ಇಂದು ಸಂಜೆ ಕೇವಲ ಅರ್ಧಗಂಟೆ ಸುರಿದಂತ ಭಾರೀ ಮಳೆಯಿಂದಾಗಿ ( Heavy Rain ), ನಗರದ ಜನತೆ ಅಕ್ಷರಶಃ ನಲುಗಿದರು. ವರುಣನ ಆರ್ಭಟದಿಂದಾಗಿ ರಸ್ತೆಗಳೆಲ್ಲಾ ಜಲಾವೃತಗೊಂಡು ವಾಹನ ಸವಾರರು ಪರದಾಡುವಂತ ಸ್ಥಿತಿ ಉಂಟಾಗಿತ್ತು.
ಶಿವಮೊಗ್ಗ ಮತ್ತು ಭದ್ರಾವತಿಯಲ್ಲಿ ಸಂಜೆ ಸುರಿದಂತ ಮಳೆಯಿಂದಾಗಿ ಜನರು ತತ್ತರಿಸಿ ಹೋದರು. ಜೊತೆಗೆ ಆತಂಕವನ್ನು ಉಂಟು ಮಾಡುವಂತೆ ಆಗಿತ್ತು. ಭದ್ರಾವತಿಯ ಬಿಳಕಿ ಕ್ರಾಸ್ ಬಳಿಯಲ್ಲಂತೂ ಮೊಣಕಾಲು ಮಟ್ಟ ನೀರು ನಿಂತು, ರಸ್ತೆ ಕಾಣದೇ ವಾಹನ ಸವಾರರು ಪರದಾಡಿದರು.
ಇನ್ನೂ ಶಿವಮೊಗ್ಗದ ಬೈಪಾಸ್ ರಸ್ತೆಯ ಕಿಯಾ ಷೋ ರೂಂ ಮುಂಭಾಗದಲ್ಲಿ ಅರ್ಧ ಭಾಗಕ್ಕಿಂತ ಜಾಸ್ತಿ ಮುಳುಗಡೆ ಆಗಿತ್ತು. ಚಾನಲ್ ನೀರು ಹರಿದು ಮನೆಗಳಿಗೂ ನುಗ್ಗಿ ಹಾನಿಯುಂಟಾಗಿತ್ತು. ಎನ್ ಟಿ ರಸ್ತೆ, ಆರ್ ಎಂಎಲ್ ನಗರದಲ್ಲಿನ ಕೆಲ ಅಂಗಡಿಗಳಿಗೂ ನೀರು ನುಗ್ಗಿದ ಪರಿಣಾಮ, ಸಂಕಷ್ಟಕ್ಕೆ ಸಿಲುಕಿದ್ದಾರೆ.
