ನವದೆಹಲಿ :ಕ್ಯಾಲೆಂಡರ್ ಪುಟ ಬದಲಾಗುತ್ತಿದ್ದಂತೆ ಸಾಮಾನ್ಯ ಜನರ ದೈನಂದಿನ ಜೀವನಕ್ಕೆ ಸಂಬಂಧಿಸಿದ ಹಲವು ನಿಯಮಗಳು ಬದಲಾಗಲಿವೆ. ಮಾರ್ಚ್ 1, 2026 ರಿಂದ ಸಿಮ್ ಕಾರ್ಡ್, ಬ್ಯಾಂಕಿಂಗ್ ಮತ್ತು ರೈಲ್ವೆ ಸೇವೆಗಳಲ್ಲಿ ಮಹತ್ವದ ಬದಲಾವಣೆಗಳು ಜಾರಿಗೆ ಬರುತ್ತಿದ್ದು, ಇದು ನಿಮ್ಮ ಸ್ಮಾರ್ಟ್ಫೋನ್ ಬಳಕೆ ಮತ್ತು ಮನೆಯ ಬಜೆಟ್ ಮೇಲೆ ನೇರ ಪರಿಣಾಮ ಬೀರಲಿದೆ.
ಡಿಜಿಟಲ್ ಸುರಕ್ಷತೆಯನ್ನು ಬಲಪಡಿಸುವುದು ಮತ್ತು ಸೇವೆಗಳಲ್ಲಿ ಪಾರದರ್ಶಕತೆ ತರುವುದು ಈ ಬದಲಾವಣೆಗಳ ಮುಖ್ಯ ಉದ್ದೇಶವಾಗಿದೆ. ನಾಳೆಯಿಂದ ಜಾರಿಗೆ ಬರುವ ಆ 11 ಪ್ರಮುಖ ಬದಲಾವಣೆಗಳು ಇಲ್ಲಿವೆ
ಇಂದಿನಿಂದ ಬದಲಾಗಲಿದೆ ಈ 11 ಪ್ರಮುಖ ನಿಯಮಗಳು
1. ಸಿಮ್ ಕಾರ್ಡ್ ತೆಗೆದರೆ ವಾಟ್ಸಾಪ್ (WhatsApp) ಬಂದ್!
ಡಿಜಿಟಲ್ ವಂಚನೆ ಮತ್ತು ‘ಓಟಿಪಿ ಸ್ಕ್ಯಾಮ್’ಗಳಿಗೆ ಕಡಿವಾಣ ಹಾಕಲು ಸರ್ಕಾರ ನಾಳೆಯಿಂದ ಸಿಮ್ ಬೈಂಡಿಂಗ್ (SIM Binding) ನಿಯಮವನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸುತ್ತಿದೆ.
ಇನ್ನು ಮುಂದೆ ನಿಮ್ಮ WhatsApp, Telegram ಮತ್ತು Signal ನಂತಹ ಆ್ಯಪ್ಗಳು ನೇರವಾಗಿ ನಿಮ್ಮ ಸಿಮ್ ಕಾರ್ಡ್ನೊಂದಿಗೆ “ಲಾಕ್” ಆಗಿರುತ್ತವೆ.
ಒಂದು ವೇಳೆ ನೀವು ಫೋನ್ನಿಂದ ಸಿಮ್ ಕಾರ್ಡ್ ತೆಗೆದರೆ, ಈ ಆ್ಯಪ್ಗಳು ತಕ್ಷಣ ಕೆಲಸ ಮಾಡುವುದನ್ನು ನಿಲ್ಲಿಸುತ್ತವೆ. ಆಕ್ಟಿವ್ ಸಿಮ್ ಇಲ್ಲದೆ ಕೇವಲ ವೈ-ಫೈ ಬಳಸಿ ಈ ಆ್ಯಪ್ಗಳನ್ನು ಕ್ಲೋನ್ ಮಾಡುವುದು ಅಥವಾ ಬಳಸುವುದು ಇನ್ನು ಮುಂದೆ ಸಾಧ್ಯವಿಲ್ಲ.
2. ರೈಲ್ವೆ ಪ್ರಯಾಣಿಕರಿಗೆ ‘RailOne’ ಹೊಸ ಸಾರಥಿ
ರೈಲು ಪ್ರಯಾಣಿಕರಿಗೆ ಇದು ಅತ್ಯಂತ ಪ್ರಮುಖ ಅಪ್ಡೇಟ್. ಜನರಲ್ ಮತ್ತು ಪ್ಲಾಟ್ಫಾರ್ಮ್ ಟಿಕೆಟ್ ಬುಕ್ ಮಾಡುವ ಹಳೆಯ ವಿಧಾನ ಈಗ ಬದಲಾಗಲಿದೆ.
ಮಾರ್ಚ್ 1 ರಿಂದ ಹಳೆಯ UTS ಆ್ಯಪ್ ಸೇವೆಯನ್ನು ಸ್ಥಗಿತಗೊಳಿಸುವ ಸಾಧ್ಯತೆಯಿದೆ. ಅದರ ಬದಲಿಗೆ ಹೊಸ ‘RailOne’ ಆ್ಯಪ್ ಸಂಪೂರ್ಣವಾಗಿ ಕಾರ್ಯಾರಂಭ ಮಾಡಲಿದೆ.
ಪ್ರಯಾಣಿಕರು ನಿಲ್ದಾಣಗಳಲ್ಲಿ ಉದ್ದನೆಯ ಸಾಲಿನಲ್ಲಿ ನಿಲ್ಲುವುದನ್ನು ತಪ್ಪಿಸಲು ತಕ್ಷಣವೇ ‘RailOne’ ಆ್ಯಪ್ ಡೌನ್ಲೋಡ್ ಮಾಡಿಕೊಳ್ಳಲು ಸೂಚಿಸಲಾಗಿದೆ.
3. ಎಲ್ಪಿಜಿ (LPG) ಸಿಲಿಂಡರ್ ಬೆಲೆ ಪರಿಷ್ಕರಣೆ
ಪ್ರತಿ ತಿಂಗಳ ಮೊದಲ ದಿನದಂತೆ, ತೈಲ ಕಂಪನಿಗಳು ನಾಳೆ ಅಡುಗೆ ಅನಿಲದ (LPG) ಬೆಲೆಗಳನ್ನು ಪರಿಶೀಲಿಸಲಿವೆ. ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿನ ಕಚ್ಚಾ ತೈಲ ಬೆಲೆಗೆ ಅನುಗುಣವಾಗಿ ವಾಣಿಜ್ಯ ಸಿಲಿಂಡರ್ ಬೆಲೆಗಳಲ್ಲಿ ಏರಿಳಿತವಾಗಬಹುದು. ಗೃಹ ಬಳಕೆ ಸಿಲಿಂಡರ್ ಗ್ರಾಹಕರು ಕೂಡ ಈ ಬದಲಾವಣೆಯ ಮೇಲೆ ಕಣ್ಣಿಟ್ಟಿದ್ದಾರೆ.
4. ಬ್ಯಾಂಕ್ ಖಾತೆಯಲ್ಲಿ ‘ಸರಾಸರಿ ಬ್ಯಾಲೆನ್ಸ್’ ಲೆಕ್ಕಾಚಾರ
ಕನಿಷ್ಠ ಬ್ಯಾಲೆನ್ಸ್ (Minimum Balance) ಕಾಯ್ದುಕೊಳ್ಳುವ ಚಿಂತೆಯಲ್ಲಿದ್ದವರಿಗೆ ಇದೊಂದು ನೆಮ್ಮದಿಯ ಸುದ್ದಿ. ಇನ್ನು ಮುಂದೆ ಬ್ಯಾಂಕುಗಳು ಬ್ಯಾಲೆನ್ಸ್ ಲೆಕ್ಕ ಹಾಕುವ ವಿಧಾನವನ್ನು ಬದಲಿಸುತ್ತಿವೆ.
ಬ್ಯಾಂಕುಗಳು ಕೇವಲ ಒಂದು ನಿರ್ದಿಷ್ಟ ದಿನದ ಬ್ಯಾಲೆನ್ಸ್ ನೋಡುವ ಬದಲಿಗೆ Average Monthly Balance (AMB) ಅಂದರೆ ತಿಂಗಳ ಸರಾಸರಿ ಮೊತ್ತವನ್ನು ಆಧಾರವಾಗಿಟ್ಟುಕೊಳ್ಳುತ್ತವೆ. ಯಾವುದಾದರೂ ತುರ್ತು ಸಂದರ್ಭದಲ್ಲಿ ಒಂದು ದಿನ ನಿಮ್ಮ ಖಾತೆಯಲ್ಲಿ ಹಣ ಕಡಿಮೆಯಾದರೂ, ಮುಂದಿನ ದಿನಗಳಲ್ಲಿ ಹೆಚ್ಚಿನ ಹಣವನ್ನು ಜಮಾ ಮಾಡುವ ಮೂಲಕ ತಿಂಗಳ ಸರಾಸರಿಯನ್ನು ಸರಿತೂಗಿಸಬಹುದು. ಇದರಿಂದ ದಂಡದಿಂದ ಪಾರಾಗಬಹುದು.
5. ಹೈ-ವ್ಯಾಲ್ಯೂ UPI ವಹಿವಾಟಿಗೆ ಹೆಚ್ಚಿನ ಭದ್ರತೆ
ಹೆಚ್ಚಿನ ಮೊತ್ತದ ಆನ್ಲೈನ್ ಹಣ ವರ್ಗಾವಣೆ ಇನ್ನು ಮುಂದೆ ಕೇವಲ ಪಿನ್ (PIN) ನಂಬರ್ ಮೇಲೆ ನಡೆಯುವುದಿಲ್ಲ. ಮಾರ್ಚ್ 1 ರಿಂದ ದೊಡ್ಡ ಮೊತ್ತದ ವಹಿವಾಟುಗಳಿಗೆ ಹೆಚ್ಚುವರಿ ಬಯೋಮೆಟ್ರಿಕ್ ಅಥವಾ ಮಲ್ಟಿ ಫ್ಯಾಕ್ಟರ್ ಅಥೆಂಟಿಕೇಶನ್ ಕಡ್ಡಾಯವಾಗಲಿದೆ. ನೀವು ಹೆಚ್ಚಿನ ಹಣವನ್ನು ವರ್ಗಾಯಿಸುವಾಗ ಫಿಂಗರ್ಪ್ರಿಂಟ್ ಅಥವಾ ಫೇಸ್-ಐಡಿ ನೀಡಬೇಕಾಗಬಹುದು.
6. ಆದಾಯ ತೆರಿಗೆ ನಿಯಮಗಳಲ್ಲಿ ಸರಳೀಕರಣ
2026ರ ಹೊಸ ಆದಾಯ ತೆರಿಗೆ ನಿಯಮಗಳು ಈಗಿರುವ ಹಳೆಯ ಮತ್ತು ಗೊಂದಲಮಯ ನಿಬಂಧನೆಗಳನ್ನು ತೆಗೆದುಹಾಕಲಿವೆ.ಹೊಸ ಐಟಿಆರ್ (ITR) ಫಾರ್ಮ್ಗಳು: ತೆರಿಗೆ ಸಲ್ಲಿಕೆಯನ್ನು ಸುಲಭಗೊಳಿಸಲು ಹೊಸ ನಮೂನೆಗಳನ್ನು ಪರಿಚಯಿಸಲಾಗುತ್ತಿದೆ.
ಡಿಜಿಟಲ್ ವೇಗ: ಸ್ವಯಂಚಾಲಿತ ಪರಿಶೀಲನೆ ಮತ್ತು ಮೊದಲೇ ಭರ್ತಿ ಮಾಡಿದ ಮಾಹಿತಿ (Pre-filled info) ಇರುವುದರಿಂದ ತೆರಿಗೆ ಸಲ್ಲಿಕೆ ಇನ್ಮುಂದೆ ಅತ್ಯಂತ ವೇಗವಾಗಿ ಮತ್ತು ನಿಖರವಾಗಿ ನಡೆಯಲಿದೆ.
7. ಜಿಎಸ್ಟಿ (GST) ಪಾಲನೆ ಈಗ ಇನ್ನಷ್ಟು ಕಠಿಣ
ಜಿಎಸ್ಟಿ ವಂಚನೆ ತಡೆಗಟ್ಟಲು ಸರ್ಕಾರವು ಕಟ್ಟುನಿಟ್ಟಿನ ಕ್ರಮ ಕೈಗೊಂಡಿದೆ. ಸ್ವಯಂಚಾಲಿತ ಎಚ್ಚರಿಕೆ: ಇನ್ಪುಟ್ ಟ್ಯಾಕ್ಸ್ ಕ್ರೆಡಿಟ್ (ITC) ಪಡೆಯುವಲ್ಲಿ ಅಥವಾ ಇನ್ವಾಯ್ಸ್ಗಳಲ್ಲಿ ವ್ಯತ್ಯಾಸ ಕಂಡುಬಂದರೆ ತಕ್ಷಣವೇ ಆನ್ಲೈನ್ ಮೂಲಕ ಎಚ್ಚರಿಕೆ ಮತ್ತು ದಂಡ ವಿಧಿಸಲಾಗುತ್ತದೆ.
ಡೆಡ್ಲೈನ್ ಎಚ್ಚರಿಕೆ: ಮಾರ್ಚ್ 31ರ ಒಳಗಾಗಿ ಎಕ್ಸ್ಪೋರ್ಟರ್ಗಳು ಮತ್ತು ಕಾಂಪೋಷಿಷನ್ ಸ್ಕೀಮ್ ಆಯ್ಕೆ ಮಾಡುವವರು ಅಗತ್ಯ ದಾಖಲೆ ಸಲ್ಲಿಸುವುದು ಕಡ್ಡಾಯ.
8. ಕಾರ್ಮಿಕ ಕಾನೂನು ತಿದ್ದುಪಡಿ
ಕಾರ್ಮಿಕ ಮತ್ತು ಮಾಲೀಕರ ನಡುವಿನ ಸಂಬಂಧವನ್ನು ಸುಧಾರಿಸಲು ಹೊಸ ಕೈಗಾರಿಕಾ ಸಂಬಂಧಗಳ ಚೌಕಟ್ಟನ್ನು ಜಾರಿಗೆ ತರಲಾಗುತ್ತಿದೆ. ಇದು ವಿವಾದಗಳ ಶೀಘ್ರ ಇತ್ಯರ್ಥ ಮತ್ತು ಕೆಲಸದ ಸ್ಥಳದಲ್ಲಿ ಉತ್ತಮ ಆಡಳಿತಕ್ಕೆ ಒತ್ತು ನೀಡಲಿದೆ.
9. ವಿದೇಶಿ ಪ್ರವಾಸ ಮತ್ತು ಕಸ್ಟಮ್ಸ್ ಡ್ಯೂಟಿ
ಅಂತರಾಷ್ಟ್ರೀಯ ಪ್ರಯಾಣಿಕರಿಗೆ ಸರ್ಕಾರ ಸಿಹಿ ಸುದ್ದಿ ನೀಡಿದೆ. ವಿದೇಶದಿಂದ ಬರುವಾಗ ತರಬಹುದಾದ ಸುಂಕ ರಹಿತ ಲಗೇಜ್ ಮಿತಿಯನ್ನು ಹೆಚ್ಚಿಸಲಾಗಿದೆ. ಚಿನ್ನಾಭರಣಗಳನ್ನು ತರುವ ನಿಯಮಗಳನ್ನು ಸರಳೀಕರಿಸಲಾಗಿದ್ದು, ಜಾಗತಿಕ ಮಾನದಂಡಗಳಿಗೆ ಅನುಗುಣವಾಗಿ ಬದಲಾವಣೆ ಮಾಡಲಾಗಿದೆ.
10. ಆರೋಗ್ಯ ಮತ್ತು ಔಷಧ ಕ್ಷೇತ್ರದಲ್ಲಿ ಸುಧಾರಣೆ
ಹೊಸ ಔಷಧಿಗಳ ಮಾರುಕಟ್ಟೆ ಪ್ರವೇಶವನ್ನು ವೇಗಗೊಳಿಸಲು ಅನುಮೋದನೆ ಪ್ರಕ್ರಿಯೆಯನ್ನು ಸುಗಮಗೊಳಿಸಲಾಗಿದೆ. ಕ್ಲಿನಿಕಲ್ ಪ್ರಯೋಗಗಳ ನಿಯಮಗಳನ್ನು ಸರಳೀಕರಿಸುವ ಮೂಲಕ ಔಷಧ ಕ್ಷೇತ್ರದಲ್ಲಿ ಹೆಚ್ಚಿನ ಹೂಡಿಕೆಯನ್ನು ಆಕರ್ಷಿಸಲು ಸರ್ಕಾರ ಮುಂದಾಗಿದೆ.
11. ಡಿಜಿಟಲ್ ತೆರಿಗೆ ವ್ಯವಸ್ಥೆ ಮತ್ತು ಆಧುನೀಕರಣ
ಕೃತಕ ಬುದ್ಧಿಮತ್ತೆ (AI) ಮತ್ತು ಕೇಂದ್ರೀಕೃತ ಡೇಟಾಬೇಸ್ ಬಳಸಿ ತೆರಿಗೆ ಪಾವತಿಯನ್ನು ಮೇಲ್ವಿಚಾರಣೆ ಮಾಡಲಾಗುತ್ತದೆ. ಇದು ಭ್ರಷ್ಟಾಚಾರವನ್ನು ಕಡಿಮೆ ಮಾಡುವುದಲ್ಲದೆ, ಪಾರದರ್ಶಕತೆಯನ್ನು ಹೆಚ್ಚಿಸಲಿದೆ.
