ಭಾರತೀಯ ವನಿತಾ ಹಾಕಿ ತಂಡವು ಪ್ಯಾರಿಸ್ ಒಲಿಂಪಿಕ್ಸ್ 2024 ಕ್ಕೆ ಅರ್ಹತೆ ಪಡೆಯುವಲ್ಲಿ ವಿಫಲವಾಗಿದೆ. ಎಫ್ಐಎಚ್‌ ಒಲಿಂಪಿಕ್ಸ್ ಅರ್ಹತಾ ಹಾಕಿ ಕೂಟದ 3 ಮತ್ತು 4ನೇ ಸ್ಥಾನಕ್ಕಾಗಿ ಶುಕ್ರವಾರ ನಡೆದ ನಿರ್ಣಾಯಕ ಪಂದ್ಯದಲ್ಲಿ ಜಪಾನ್ ತಂಡದೆದುರು ಭಾರತ ತಂಡ 0-1 ಗೋಲಿನ ಅಂತರದಿಂದ ಸೋಲು ಅನುಭವಿಸಿದೆ. ಉರಾಟಾ ಕಾನಾ ಪೆನಾಲ್ಟಿ ಕಾರ್ನರ್‌ನಿಂದ ಏಕೈಕ ಗೋಲು ಮಾಡಿದರು. ಮುನ್ನಡೆ ಸಾಧಿಸಿದ ಜಪಾನ್ ಭಾರತಕ್ಕೆ ಯಾವುದೇ ಗೋಲು ಬಾರಿಸಲು ಅವಕಾಶ ಮಾಡಿಕೊಡದೆ ಒಲಿಂಪಿಕ್ಸ್ 2024 ಕ್ಕೆ ಅರ್ಹತೆ ಪಡೆಯುವಲ್ಲಿ ಯಶಸ್ವಿಯಾಯಿತು. ಭಾರತ ಎರಡನೇ ಸೆಮಿಫೈನಲ್‌ ಪಂದ್ಯದಲ್ಲಿ ಬಲಿಷ್ಠ ಜರ್ಮನಿ ವಿರುದ್ಧ ಕಠಿನ ಹೋರಾಟ ನೀಡಿ ಪೆನಾಲ್ಟಿ ಶೂಟೌಟ್‌ನಲ್ಲಿ 3-4 ಅಂತರದಿಂದ ಸೋಲನ್ನು ಕಂಡಿತ್ತಾಗಿದೆ.
