ಬೆಂಗಳೂರು: ಬೇಸಿಗೆ ರಜೆಯ ಸಂದರ್ಭದಲ್ಲಿ ಪ್ರಯಾಣಿಕರ ದಟ್ಟಣೆಯನ್ನು ಗಮನದಲ್ಲಿಟ್ಟುಕೊಂಡು, ದಕ್ಷಿಣ ಮಧ್ಯ ರೈಲ್ವೆಯು ಈ ಕೆಳಗಿನ ವಿಶೇಷ ರೈಲುಗಳ ಕಾರ್ಯಾಚರಣೆಯನ್ನು ವಿಸ್ತರಿಸಲು ನಿರ್ಧರಿಸಿದೆ. ವಿವರಗಳು ಈ ಕೆಳಗಿನಂತಿವೆ:
ರೈಲು ಸಂಖ್ಯೆ 07033 ಕಾಕಿನಾಡ ಟೌನ್–ಮೈಸೂರು ದ್ವಿ-ಸಾಪ್ತಾಹಿಕ ವಿಶೇಷ ರೈಲು, ಮೊದಲು ಏಪ್ರಿಲ್ 20, 2026 ರವರೆಗೆ ಸಂಚರಿಸಲು ನಿಗದಿಯಾಗಿತ್ತು. ಈಗ ಇದು ಏಪ್ರಿಲ್ 24 ಮತ್ತು 27, 2026 ರಂದು ಹೆಚ್ಚುವರಿ ಸಂಚಾರ ನಡೆಸಲಿದೆ. ಇದರ ಜೋಡಿ ಸೇವೆಯಾದ ರೈಲು ಸಂಖ್ಯೆ 07034 ಮೈಸೂರು–ಕಾಕಿನಾಡ ಟೌನ್ ವಿಶೇಷ ರೈಲು, ಈ ಹಿಂದೆ ಏಪ್ರಿಲ್ 21, 2026 ರವರೆಗೆ ಸೂಚಿಸಲಾಗಿತ್ತು, ಈಗ ಏಪ್ರಿಲ್ 25 ಮತ್ತು 28, 2026 ರಂದು ಹೆಚ್ಚುವರಿ ಟ್ರಿಪ್’ಗಳನ್ನು ನಡೆಸಲಿದೆ.
ಅದೇ ರೀತಿ, ರೈಲು ಸಂಖ್ಯೆ 07043 ಹೈದರಾಬಾದ್–ಬೆಳಗಾವಿ ಸಾಪ್ತಾಹಿಕ ವಿಶೇಷ ರೈಲು, ಮೊದಲು ಏಪ್ರಿಲ್ 23, 2026 ರವರೆಗೆ ಯೋಜಿಸಲಾಗಿತ್ತು, ಇದನ್ನು ಏಪ್ರಿಲ್ 30, 2026 ರಂದು ಮತ್ತೊಂದು ಹೆಚ್ಚುವರಿ ಟ್ರಿಪ್’ಗಾಗಿ ವಿಸ್ತರಿಸಲಾಗಿದೆ. ಮರು ಪ್ರಯಾಣದಲ್ಲಿ, ರೈಲು ಸಂಖ್ಯೆ 07044 ಬೆಳಗಾವಿ–ಹೈದರಾಬಾದ್ ವಿಶೇಷ ರೈಲು, ಮೊದಲು ಏಪ್ರಿಲ್ 24, 2026 ರವರೆಗೆ ನಿಗದಿಯಾಗಿತ್ತು, ಈಗ ಮೇ 1, 2026 ರಂದು ಹೆಚ್ಚುವರಿ ಟ್ರಿಪ್ ನಡೆಸಲಿದೆ.
ಮೇಲಿನವುಗಳ ಜೊತೆಗೆ, ನೈಋತ್ಯ ರೈಲ್ವೆಯೂ ಸಹ ಬೇಸಿಗೆಯ ದಟ್ಟಣೆಯ ಹಿನ್ನೆಲೆಯಲ್ಲಿ ಎಸ್ಎಂವಿಟಿ ಬೆಂಗಳೂರು ಮತ್ತು ಬೀದರ್ ನಡುವಿನ ವಿಶೇಷ ರೈಲು ಸೇವೆಗಳನ್ನು ವಿಸ್ತರಿಸಿದೆ.
ರೈಲು ಸಂಖ್ಯೆ 06539 ಎಸ್ಎಂವಿಟಿ ಬೆಂಗಳೂರು–ಬೀದರ್ ದ್ವಿ-ಸಾಪ್ತಾಹಿಕ ವಿಶೇಷ ಎಕ್ಸ್ ಪ್ರೆಸ್ ರೈಲು, ಮೊದಲು ಏಪ್ರಿಲ್ 26, 2026 ರವರೆಗೆ ಸೂಚಿಸಲಾಗಿತ್ತು, ಈಗ ಮೇ 3 ಮತ್ತು 8, 2026 ರಂದು ಹೆಚ್ಚುವರಿ ಸಂಚಾರ ನಡೆಸಲಿದೆ. ಅಂತೆಯೇ, ರೈಲು ಸಂಖ್ಯೆ 06540 ಬೀದರ್– ಎಸ್ಎಂವಿಟಿ ಬೆಂಗಳೂರು ದ್ವಿ-ಸಾಪ್ತಾಹಿಕ ವಿಶೇಷ ಎಕ್ಸ್ ಪ್ರೆಸ್ ರೈಲು, ಮೊದಲು ಏಪ್ರಿಲ್ 27, 2026 ರವರೆಗೆ ನಿಗದಿಯಾಗಿತ್ತು, ಈಗ ಮೇ 4 ಮತ್ತು 9, 2026 ರಂದು ಹೆಚ್ಚುವರಿ ಟ್ರಿಪ್ಗಳನ್ನು ಕಾರ್ಯಾಚರಿಸಲಿದೆ.
ಮಾಜಿ ಸ್ಪೀಕರ್ ರಮೇಶ್ ಕುಮಾರ್ಗೆ ತಾತ್ಕಾಲಿಕ ರಿಲೀಫ್: ಅರಣ್ಯ ಭೂಮಿ ಒತ್ತುವರಿ ತೆರವು ಆದೇಶಕ್ಕೆ ಹೈಕೋರ್ಟ್ ತಡೆ
