ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಫ್ರೆಂಚ್ ಕಾಸ್ಮೆಟಿಕ್ ಕಂಪನಿಯ ಕೂದಲನ್ನು ನೇರಗೊಳಿಸುವ ಉತ್ಪನ್ನ(hair straighteners)ಗಳನ್ನು ಬಳಸುವುದರಿಂದ ಗರ್ಭಾಶಯದ ಕ್ಯಾನ್ಸರ್ ಉಂಟಾಗಿದೆ ಎಂದು ಆರೋಪಿಸಿ ಮಿಸೌರಿ ಮಹಿಳೆಯೊಬ್ಬರು ಲೋರಿಯಲ್ ಎಸ್‌ಎ(L’Oreal SA) ವಿರುದ್ಧ ಮೊಕದ್ದಮೆ ಹೂಡಿದ್ದಾರೆ.
ಯುಎಸ್ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಎನ್ವಿರಾನ್ಮೆಂಟಲ್ ಹೆಲ್ತ್ ಸೇಫ್ಟಿ (NIEHS) ಯ ಅಧ್ಯಯನದಲ್ಲಿ ಕೂದಲು ನೇರಗೊಳಿಸುವ ಉತ್ಪನ್ನಗಳು ಆಗಾಗ್ಗೆ ಬಳಕೆದಾರರಲ್ಲಿ ಗರ್ಭಾಶಯದ ಕ್ಯಾನ್ಸರ್ ಅಪಾಯವನ್ನು ಗಮನಾರ್ಹವಾಗಿ ಹೆಚ್ಚಿಸಬಹುದು ಎಂದು ಕಂಡುಹಿಡಿದಿದೆ. ಈ ಫಲಿತಾಂಶದ ಬಳಿಕ ಮಹಿಳೆ
ಚಿಕಾಗೋದ ಫೆಡರಲ್ ನ್ಯಾಯಾಲಯದಲ್ಲಿ ಶುಕ್ರವಾರ ಮೊಕದ್ದಮೆ ದಾಖಲಿಸಿದ್ದಾಳೆ.
ಜೆನ್ನಿಫರ್ ಮಿಚೆಲ್ ಅವರಿಗೆ 2018 ರಲ್ಲಿ ಗರ್ಭಾಶಯದ ಕ್ಯಾನ್ಸರ್ ಇದೆ ಎಂದು ಪತ್ತೆಯಾಯಿತು. ಮಿಚೆಲ್ 10 ವರ್ಷ ವಯಸ್ಸಿನವರಾಗಿದ್ದಾಗಿನಿಂದ ಅಂದ್ರೆ, ಸುಮಾರು 2000ನೇ ಇಸವಿಯಿಂದ ಅವರು ಲೋರಿಯಲ್ ಉತ್ಪನ್ನಗಳನ್ನು ಬಳಸಿದ ನಂತ್ರ ಕ್ಯಾನ್ಸರ್‌ಗೆ ತುತ್ತಾಗಿರುವುದಾಗಿ ಆರೋಪಿಸಿದ್ದಾರೆ. ಹೀಗಾಗಿ, ಅನಿರ್ದಿಷ್ಟ ಹಣದ ಹಾನಿಯನ್ನು ಪಾವತಿಸಲು ಮತ್ತು ವೈದ್ಯಕೀಯ ಮೇಲ್ವಿಚಾರಣೆಗೆ ಪಾವತಿಸಲು ಲೋರಿಯಲ್‌ಗೆ ಆದೇಶಿಸುವಂತೆ ಅವರು ನ್ಯಾಯಾಲಯದ ಮೊರೆ ಹೋಗಿದ್ದಾರೆ. ಆದ್ರೆ, ಈ ಬಗ್ಗೆ ಲೋರಿಯಲ್ ಇನ್ನೂ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎನ್ನಲಾಗಿದೆ.
ಫೆಡರಲ್ ಸರ್ಕಾರದ ಮಾಹಿತಿಯ ಪ್ರಕಾರ, ಗರ್ಭಾಶಯದ ಕ್ಯಾನ್ಸರ್ ಯುನೈಟೆಡ್ ಸ್ಟೇಟ್ಸ್‌ನಲ್ಲಿ ಅತ್ಯಂತ ಸಾಮಾನ್ಯವಾದ ಸ್ತ್ರೀರೋಗ ಶಾಸ್ತ್ರದ ಕ್ಯಾನ್ಸರ್ ಆಗಿದ್ದು, ವಿಶೇಷವಾಗಿ ಕಪ್ಪು ಮಹಿಳೆಯರಲ್ಲಿ ಈ ಪ್ರಮಾಣ ಹೆಚ್ಚುತ್ತಿವೆ. NIEHS ಸಂಶೋಧಕ ಚೆ-ಜಂಗ್ ಚಾಂಗ್ ಹೊಸ ಅಧ್ಯಯನದ ಪ್ರಕಾರ, ಕಪ್ಪು ಮಹಿಳೆಯರಿಗೆ ವಿಶೇಷವಾಗಿ ಈ ಅಪಾಯ ಹೆಚ್ಚು. ಏಕೆಂದರೆ, ಅವರು ಇತರ ಜನಾಂಗದ ಜನರಿಗಿಂತ ಹೆಚ್ಚು ಕೂದಲು ಸ್ಟ್ರೈಟ್ನರ್ಗಳನ್ನು ಬಳಸುತ್ತಾರೆ ಎಂದಿದ್ದಾರೆ.
ಮಿಚೆಲ್ ಅವರು ಲೋರಿಯಲ್ ತನ್ನ ಕೂದಲನ್ನು ನೇರಗೊಳಿಸುವ ಉತ್ಪನ್ನಗಳನ್ನು ಕಪ್ಪು ಮಹಿಳೆಯರು ಮತ್ತು ಹುಡುಗಿಯರಿಗೆ ಉದ್ದೇಶಪೂರ್ವಕವಾಗಿ ಮಾರಾಟ ಮಾಡಿದೆ ಎಂದು ಆರೋಪಿಸಿದ್ದಾರೆ.
ʻಈ ಕಂಪನಿಗಳು ತಮ್ಮ ಲಾಭದ ಉದ್ದೇಶಕ್ಕಾಗಿ ಕಪ್ಪು ಮತ್ತು ಲ್ಯಾಟಿನ್ ಮಹಿಳೆಯರನ್ನು ಗುರಿಯಾಗಿಸಿಕೊಂಡಿವೆ ಮತ್ತು ಈ ಕೂದಲು ನೇರಗೊಳಿಸುವ ಉತ್ಪನ್ನಗಳು ಉಂಟುಮಾಡುವ ಗಂಭೀರವಾದ ಆರೋಗ್ಯದ ಅಪಾಯಗಳನ್ನು ಪರಿಗಣಿಸದೆ ಗಂಭೀರ ತಪ್ಪಾಗಿದೆ. ಇದನ್ನು ಸರಿಪಡಿಸಬೇಕಾಗಿದೆʼ ಎಂದು ಮಿಚೆಲ್ ಪರ ವಕೀಲರಾದ ಡಿಯಾಂಡ್ರಾ ಡೆಬ್ರೋಸ್ ಜಿಮ್ಮರ್‌ಮ್ಯಾನ್ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
BIGG NEWS : ಶೀಘ್ರವೇ ರಾಜ್ಯ ಸಚಿವ ಸಂಪುಟ ವಿಸ್ತರಣೆ : ಸಚಿವ ಸ್ಥಾನದ ರೇಸ್ ನಲ್ಲಿ ಯಾರೆಲ್ಲಾ ಇದ್ದಾರೆ ಗೊತ್ತಾ..?
