ಟೋಕಿಯೋ: ಎರಡನೇ ಮಹಾಯುದ್ಧದ ನಂತರ ಅನುಸರಿಸುತ್ತಿದ್ದ ತನ್ನ ಶಾಂತಿಪ್ರಿಯ (Pacifist) ರಕ್ಷಣಾ ನೀತಿಯಿಂದ ಜಪಾನ್ ಮಹತ್ವದ ಹೆಜ್ಜೆ ಹಿಂದಕ್ಕೆ ಇಟ್ಟಿದೆ. ಯುದ್ಧ ವಿಮಾನಗಳು ಮತ್ತು ಕ್ಷಿಪಣಿಗಳಂತಹ ‘ಮಾರಕ ಆಯುಧಗಳ’ (Lethal Weapons) ರಫ್ತಿನ ಮೇಲಿದ್ದ ದಶಕಗಳ ಹಳೆಯ ನಿಷೇಧವನ್ನು ಪ್ರಧಾನಿ ಸನಾ ಎ ಟಕೈಚಿ ನೇತೃತ್ವದ ಸಚಿವ ಸಂಪುಟ ಮಂಗಳವಾರ ಅಧಿಕೃತವಾಗಿ ರದ್ದುಗೊಳಿಸಿದೆ.
ಇನ್ನು ಮುಂದೆ ಜಪಾನ್ ನಿರ್ಮಿತ ಯುದ್ಧ ವಿಮಾನಗಳು (Fighter Jets), ಕ್ಷಿಪಣಿಗಳು (Missiles), ಮತ್ತು ಯುದ್ಧ ನೌಕೆಗಳನ್ನು (Destroyers) ವಿದೇಶಗಳಿಗೆ ರಫ್ತು ಮಾಡಲು ದಾರಿ ಸುಗಮವಾಗಿದೆ.
ಈ ಹಿಂದೆ ರಕ್ಷಣಾ ಸಾಮಗ್ರಿಗಳ ರಫ್ತನ್ನು ಕೇವಲ ಐದು ವಿಭಾಗಗಳಿಗೆ (ರಕ್ಷಣೆ, ಸಾರಿಗೆ, ಎಚ್ಚರಿಕೆ, ಕಣ್ಗಾವಲು ಮತ್ತು ಮೈನ್ಸ್ವೀಪಿಂಗ್) ಮಾತ್ರ ಸೀಮಿತಗೊಳಿಸಲಾಗಿತ್ತು. ಈಗ ಈ ಮಿತಿಗಳನ್ನು ಸಂಪೂರ್ಣವಾಗಿ ತೆಗೆದುಹಾಕಲಾಗಿದೆ.
ಸದ್ಯಕ್ಕೆ ಜಪಾನ್ನೊಂದಿಗೆ ರಕ್ಷಣಾ ತಂತ್ರಜ್ಞಾನ ವರ್ಗಾವಣೆ ಒಪ್ಪಂದ ಮಾಡಿಕೊಂಡಿರುವ 17 ದೇಶಗಳಿಗೆ ಮಾತ್ರ ಈ ಆಯುಧಗಳನ್ನು ಮಾರಾಟ ಮಾಡಲು ಅವಕಾಶ ನೀಡಲಾಗಿದೆ.
