ಬೆಂಗಳೂರು : ಮುಖ್ಯಮಂತ್ರಿಯವರ ಮಾಧ್ಯಮ ಸಂಯೋಜಕ ಹೆಚ್. ಬಿ. ಗುರುಲಿಂಗಸ್ವಾಮಿ ಹೊಳಿಮಠರವರ ( Gurulingaswamy Holimath ) ಅಕಾಲಿಕ ನಿಧನದಿಂದ ಪತ್ರಿಕೋದ್ಯಮಕ್ಕೆ ಹಾಗೂ ವೈಯಕ್ತಿಕವಾಗಿಯೂ ದೊಡ್ಡ ನಷ್ಟವಾಗಿದೆ ಎಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ( Chief Minister Basavaraj Bommai ) ತಿಳಿಸಿದರು.
BIG BREAKING NEWS: ಜೈಪುರದ ಕ್ಯಾಸಿನೋ ಮೇಲೆ ಪೊಲೀಸರ ದಾಳಿ: ಕರ್ನಾಟಕದ KAS ಅಧಿಕಾರಿ ಸಹಿತ 7 ಮಂದಿ ಬಂಧನ
ಇಂದು ನಿಧನ ಹೊಂದಿದ ಹೆಚ್. ಬಿ. ಗುರುಲಿಂಗಸ್ವಾಮಿ ಹೊಳಿಮಠ ಅವರ ಪಾರ್ಥಿವ ಶರೀರದ ಅಂತಿಮ ದರ್ಶನ ಪಡೆದ ನಂತರ ಮಾಧ್ಯಮದವರೊಂದಿಗೆ ಮಾತನಾಡಿದ ಅವರು, ಗುರುಲಿಂಗಸ್ವಾಮಿಯವರು ನನ್ನ ಯುವಸ್ನೇಹಿತ, ಅವರ ಅಕಾಲಿಕ ನಿಧನ ನನಗೆ ದಿಗ್ಭ್ರಮೆಯನ್ನುಂಟು ಮಾಡಿದೆ. ಅವರನ್ನು 20 ವರ್ಷದಿಂದ ಬಲ್ಲೆ. ರಾಮದುರ್ಗದ ಹಳ್ಳಿಯ ಇವರ ಶ್ರೇಷ್ಠ ಮನೆತನದವರಾಗಿದ್ದರು. ಸ್ವಂತ ಪರಿಶ್ರಮದಿಂದ ಕರ್ನಾಟಕ ವಿಶ್ವವಿದ್ಯಾಲಯದಲ್ಲಿ ಪತ್ರಿಕೋದ್ಯಮ ವ್ಯಾಸಂಗ ಮಾಡಿ ಪತ್ರಿಕಾ ಮಾಧ್ಯಮದಲ್ಲಿ ಕೆಲಸ ನಿರ್ವಹಿಸಿದ್ದರು. ಅವರು ಪತ್ರಿಕಾ ರಂಗದಲ್ಲಿದ್ದಾಗಲೇ ನನಗೆ ಪರಿಚಿತರಾಗಿದ್ದರು. ಮುದ್ರಣ ಹಾಗೂ ವಿದ್ಯುನ್ಮಾನದಲ್ಲಿ ಕೆಲಸ ನಿರ್ವಹಿಸಿದ್ದ ಅವರು ಅತ್ಯಂತ ಕ್ರಿಯಾಶೀಲ ಪತ್ರಕರ್ತರಾಗಿದ್ದರು, ತಮ್ಮ ವರದಿಯ ನಿಖರತೆಯನ್ನು ಅತ್ಯಂತ ಮಹತ್ವ ನೀಡುತ್ತಿದ್ದ ಜವಾಬ್ದಾರಿಯುತ ಪತ್ರಕರ್ತರಾಗಿದ್ದರು. ಅವರ ಕ್ರಿಯಾಶೀಲತೆ ಇತರರಿಗೆ ಮಾದರಿಯಾಗಿದೆ ಎಂದು ತಿಳಿಸಿದರು.
BIG NEWS: ಮಂಡ್ಯದಲ್ಲಿ ಬಿಜೆಪಿ, RSS ಮುಖಂಡರಿಗೆ ‘ಹನಿಟ್ರ್ಯಾಪ್’: ಲಕ್ಷ ಲಕ್ಷ ಪೀಕಿದ ‘ಯುವತಿ ಅರೆಸ್ಟ್’
ಮಾನವೀಯತೆಯ ಪತ್ರಕರ್ತ
ಅವರು ಸಮಾಜಕ್ಕೆ ಒಳಿತು ಮಾಡುವ ಸಾಮಾಜಿಕ ಜವಾಬ್ದಾರಿಯ ಪತ್ರಕರ್ತರಾಗಿದ್ದರು. ತಾನೊಬ್ಬನೇ ಬೆಳೆಯದೇ ತನ್ನ ಜೊತೆಗಿನ ಮಿತ್ರರನ್ನು ಬೆಳೆಸಿದ ಗುರುಲಿಂಗಸ್ವಾಮಿಯವರು ಸದಾ ಕಾಲ ಪರರಿಗೆ ಸಹಾಯ ಮಾಡುತ್ತಿದ್ದರು. ಪ್ರತಿ ದಿನ 2-3 ಜನರಿಗೆ ಮುಖ್ಯಮಂತ್ರಿ ಪರಿಹಾರ ನಿಧಿಯಿಂದ ಸಹಾಯ ಒದಗಿಸುತ್ತಿದ್ದರು. ಮಾನವೀಯತೆಯಿಂದ ಪರರಿಗೆ ಸಹಾಯ ಮಾಡುವ ಗುಣವಿದ್ದವರು. ಶ್ರೀಯುತರ ನಿಧನದಿಂದ ಪತ್ರಿಕೋದ್ಯಮಕ್ಕೆ ಹಾಗೂ ವೈಯಕ್ತಿಕವಾಗಿ ತುಂಬಲಾರದ ನಷ್ಟವುಂಟಾಗಿದೆ ಎಂದು ತಿಳಿಸಿದರು.
ದಿ||ನಾಗರಾಜ ಜಮಖಂಡಿ ಹಾಗೂ ಗುರುಲಿಂಗಸ್ವಾಮಿಯವರು ಉತ್ತಮ ಬಾಂಧವ್ಯ ಹೊಂದಿದವರಾಗಿದ್ದರು. ಅವರ ಪುಣ್ಯಸ್ಮರಣೆಯನ್ನು ಪ್ರತಿವರ್ಷ ಗುರುಲಿಂಗಸ್ವಾಮಿಯವರೇ ಮಾಡಿಸುತ್ತಿದ್ದು ಈಗ ನೆನಪುಗಳಾಗಿ ಉಳಿದಿವೆ. ಇವರ ನಿಧನದ ದು:ಖವನ್ನು ಭರಿಸುವ ಶಕ್ತಿಯನ್ನು ಕುಟುಂಬದವರಿಗೆ ಭಗವಂತ ನೀಡಲಿ,ಅವರ ಆತ್ಮಕ್ಕೆ ಶಾಂತಿ ದೊರಕಲಿ ಎಂದು ಮುಖ್ಯಮಂತ್ರಿಗಳು ಹಾರೈಸಿದರು.
