ನವದೆಹಲಿ. ಪ್ರಧಾನ ಮಂತ್ರಿ ಕನ್ಯಾ ಆಶೀರ್ವಾದ್ ಯೋಜನೆ(PM Kanya Ashirwad Yojana) ಅಡಿಯಲ್ಲಿ, ಪ್ರತಿ ಹೆಣ್ಣು ಮಗುವಿಗೆ ತಿಂಗಳಿಗೆ 5000 ರೂಪಾಯಿಗಳನ್ನ ನೀಡಲಾಗುವುದು ಎಂಬ ಸಂದೇಶವು ಸಾಮಾಜಿಕ ಮಾಧ್ಯಮಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ. ಸಧ್ಯ ಸರ್ಕಾರವು ತನ್ನ ಅಧಿಕೃತ ಟ್ವಿಟರ್ ಖಾತೆಯಿಂದ ಈ ಸಂದೇಶಕ್ಕೆ ಸಂಬಂಧಿಸಿದ ಸತ್ಯವನ್ನ ಹಂಚಿಕೊಂಡಿದೆ.
ವೈರಲ್ ಸಂದೇಶದಲ್ಲಿ ಏನು ಹೇಳಲಾಗಿದೆ?
ಕೇಂದ್ರದಲ್ಲಿರುವ ಮೋದಿ ಸರ್ಕಾರವು ಪ್ರಧಾನ ಮಂತ್ರಿ ಕನ್ಯಾ ಆಶೀರ್ವಾದ್ ಯೋಜನೆಯನ್ನ ಪ್ರಾರಂಭಿಸಿದೆ. ಇನ್ನು ಈ ಯೋಜನೆಯಡಿ ಪ್ರತಿ ಹೆಣ್ಣು ಮಗುವಿಗೆ ಸರ್ಕಾರವು 5,000 ರೂ.ಗಳ ಆರ್ಥಿಕ ನೆರವು ನೀಡುತ್ತಿದೆ ಎಂದು ಯೂಟ್ಯೂಬ್ ವೀಡಿಯೊವೊಂದು ಹೇಳಿಕೊಂಡಿದೆ.
ಪಿಐಬಿ ಸಂದೇಶವನ್ನು ನಕಲಿ ಎಂದು ಕರೆದಿದೆ.!
ಭಾರತ ಸರ್ಕಾರದ ಪತ್ರಿಕಾ ಸಂಸ್ಥೆ ಪ್ರೆಸ್ ಇನ್ಫರ್ಮೇಶನ್ ಬ್ಯೂರೋ (PIB) ಈ ವೈರಲ್ ಸಂದೇಶದ ಸತ್ಯವನ್ನ ಹೇಳಿದೆ. ಈ ಹಕ್ಕು ನಕಲಿ ಎಂದು ಪಿಐಬಿ ಫ್ಯಾಕ್ಟ್ ಚೆಕ್ ಹ್ಯಾಂಡಲ್ ಟ್ವೀಟ್ ಮಾಡಿದೆ. ಅಂತಹ ಯಾವುದೇ ಯೋಜನೆಯನ್ನ ಕೇಂದ್ರ ಸರ್ಕಾರ ನಡೆಸುತ್ತಿಲ್ಲ.
ಸರ್ಕಾರಕ್ಕೆ ಸಂಬಂಧಿಸಿದ ದಾರಿತಪ್ಪಿಸುವ ಸುದ್ದಿಗಳ ಬಗ್ಗೆ ಇಲ್ಲಿ ದೂರು ನೀಡಿ.!
ಸರ್ಕಾರಕ್ಕೆ ಸಂಬಂಧಿಸಿದ ಯಾವುದೇ ದಾರಿತಪ್ಪಿಸುವ ಸುದ್ದಿಗಳನ್ನ ತಿಳಿಯಲು ನೀವು ಪಿಐಬಿ ಫ್ಯಾಕ್ಟ್ ಚೆಕ್ʼನ ಸಹಾಯವನ್ನ ಸಹ ತೆಗೆದುಕೊಳ್ಳಬಹುದು. ಯಾರಾದರೂ ದಾರಿತಪ್ಪಿಸುವ ಸುದ್ದಿಯ ಸ್ಕ್ರೀನ್ಶಾಟ್, ಟ್ವೀಟ್, ಫೇಸ್ಬುಕ್ ಪೋಸ್ಟ್ ಅಥವಾ ಯುಆರ್‌ಎಲ್‌ನ್ನ ಪಿಐಬಿ ಫ್ಯಾಕ್ಟ್ ಚೆಕ್‌ಗೆ ಕಳುಹಿಸಬಹುದು. ಇನ್ನು 918799711259 ವಾಟ್ಸಾಪ್ ಸಂಖ್ಯೆಯನ್ನ ಪರಿಶೀಲಿಸಬಹುದು ಅಥವಾ ಅದನ್ನ pibfactcheck@gmail.com ಗೆ ಮೇಲ್ ಮಾಡಬಹುದು.
