ನವದೆಹಲಿ:ಪಶ್ಚಿಮ ಬಂಗಾಳ, ತಮಿಳುನಾಡು, ಕೇರಳ, ಅಸ್ಸಾಂ ಮತ್ತು ಪುದುಚೇರಿ ರಾಜ್ಯಗಳ ವಿಧಾನಸಭಾ ಚುನಾವಣೆಯ ಮತ ಎಣಿಕೆ ಚುರುಕಿನಿಂದ ಸಾಗುತ್ತಿದ್ದು, ಆರಂಭಿಕ ಒಲವುಗಳು ಹೊರಬೀಳುತ್ತಿವೆ. ಬಹುತೇಕ ಕಡೆಗಳಲ್ಲಿ ಆಡಳಿತಾರೂಢ ಮತ್ತು ಪ್ರತಿಪಕ್ಷಗಳ ನಡುವೆ ಹಣಾಹಣಿ ಕಂಡುಬರುತ್ತಿದೆ.
ರಾಜ್ಯವಾರು ಆರಂಭಿಕ ಟ್ರೆಂಡ್ಗಳು (ಬೆಳಿಗ್ಗೆ 8:30ರ ಸುಮಾರಿಗೆ):
ಅಸ್ಸಾಂ: ಕೇಸರಿ ಪಡೆಯಲ್ಲಿ ಸಂಭ್ರಮ
ಅಸ್ಸಾಂನಲ್ಲಿ ಮುಖ್ಯಮಂತ್ರಿ ಹಿಮಂತ ಬಿಸ್ವಾ ಶರ್ಮಾ ನೇತೃತ್ವದ ಬಿಜೆಪಿ ಮೈತ್ರಿಕೂಟ (NDA) ಆರಂಭಿಕ ಹಂತದಲ್ಲೇ ಭರ್ಜರಿ ಮುನ್ನಡೆ ಸಾಧಿಸಿದೆ. ಮೊದಲ ಸುತ್ತಿನ ಎಣಿಕೆಯ ಅಂತ್ಯಕ್ಕೆ ಎನ್ಡಿಎ 21ಕ್ಕೂ ಹೆಚ್ಚು ಕ್ಷೇತ್ರಗಳಲ್ಲಿ ಮುಂದಿದೆ.
ಪಶ್ಚಿಮ ಬಂಗಾಳ: ಕದನ ಕುತೂಹಲ
ಮಮತಾ ಬ್ಯಾನರ್ಜಿ ಅವರ ಟಿಎಂಸಿ ಮತ್ತು ಬಿಜೆಪಿ ನಡುವೆ ಇಲ್ಲಿ ‘ಟೈಟ್ ಫೈಟ್’ ನಡೆಯುತ್ತಿದೆ. ಆರಂಭಿಕ ಒಲವುಗಳು ಏರುಪೇರಾಗುತ್ತಿದ್ದು, ಇಬ್ಬರ ನಡುವೆ ಕೇವಲ ಕೆಲವೇ ಸೀಟುಗಳ ಅಂತರ ಕಂಡುಬರುತ್ತಿದೆ.
ತಮಿಳುನಾಡು: ಡಿಎಂಕೆ ಹವಾ
ಎಂ.ಕೆ. ಸ್ಟಾಲಿನ್ ನೇತೃತ್ವದ ಡಿಎಂಕೆ ಮೈತ್ರಿಕೂಟವು ತಮಿಳುನಾಡಿನಲ್ಲಿ ಭದ್ರವಾಗಿ ಮುನ್ನಡೆ ಕಾಯ್ದುಕೊಂಡಿದೆ. ಆರಂಭಿಕ ಟ್ರೆಂಡ್ಗಳ ಪ್ರಕಾರ ಡಿಎಂಕೆ 18ಕ್ಕೂ ಹೆಚ್ಚು ಕ್ಷೇತ್ರಗಳಲ್ಲಿ ಮುಂದಿದೆ. ನಟ ವಿಜಯ್ ಅವರ ಟಿವಿಕೆ (TVK) ಪಕ್ಷವು ಕೆಲವು ಕ್ಷೇತ್ರಗಳಲ್ಲಿ ಗಮನಾರ್ಹ ಪೈಪೋಟಿ ನೀಡುತ್ತಿದೆ.
ಕೇರಳ: ಯುಡಿಎಫ್ ಅಬ್ಬರ
ಕೇರಳದಲ್ಲಿ ಕಾಂಗ್ರೆಸ್ ನೇತೃತ್ವದ ಯುಡಿಎಫ್ (UDF) ಆರಂಭಿಕ ಹಂತದಲ್ಲಿ ಮುನ್ನಡೆ ಸಾಧಿಸಿದ್ದು, ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಎಲ್ಡಿಎಫ್ಗೆ ತೀವ್ರ ಪೈಪೋಟಿ ಎದುರಾಗಿದೆ.
