ಕೆಎನ್ಎನ್ ಡಿಜಿಟಲ್ ಡೆಸ್ಕ್ : ಕೂದಲು ಉದುರುವಿಕೆಯ ಸಮಸ್ಯೆ ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯ ಸಮಸ್ಯೆಯಾಗಿದೆ. ಚಿಕ್ಕವರಿಂದ ಹಿಡಿದು ದೊಡ್ಡವರವರೆಗೂ ಎಲ್ಲರಿಗೂ ಕೂದಲು ಉದುರುತ್ತದೆ. ಹೀಗೆ ಕೂದಲು ಉದುರುವುದಕ್ಕೆ ಹಲವು ಕಾರಣಗಳಿವೆ. ಕೂದಲು ಉದುರುವಿಕೆಗೆ ಸಮಯಕ್ಕೆ ಚಿಕಿತ್ಸೆ ನೀಡದಿದ್ದರೆ, ಅದು ಬೋಳುಗೆ ಕಾರಣವಾಗಬಹುದು.
ಕೂದಲು ಉದರಲು ಪ್ರಮುಖ ಕಾರಣಗಳು
ಒತ್ತಡ
ಆಧುನಿಕ ಜಗತ್ತಿನ ಒತ್ತಡದ ಬದುಕು ಶರೀರದಲ್ಲಿರುವ ಶಕ್ತಿಯನ್ನು ಹೆಚ್ಚಾಗಿ ಬಳಸಿಕೊಳ್ಳುವುದರಿಂದ ಒತ್ತಡ ಹೆಚ್ಚಾಗುತ್ತದೆ.ಬಹಳಷ್ಟು ಮಂದಿ ಒತ್ತಡಕ್ಕೆ ಒಳಗಾಗುತ್ತಿರುವುದರಿಂದ ಅವರ ತಲೆಯ ಕೂದಲು ಉದುರುತ್ತಿದೆ, ಆದರೆ ಕೂದಲು ಉದುರುವಿಕೆಗೆ ಒತ್ತಡ ಒಂದೇ ಕಾರಣ ಎಂಬುದಾಗಿ ಹೇಳಲು ಆಗದು.
ಕೌಟುಂಬಿಕ ಹಿನ್ನೆಲೆ
ಕೌಟುಂಬಿಕ ಹಿನ್ನೆಲೆಯನ್ನು ತೆಗೆದುಕೊಳ್ಳುವುದಾದರೆ, ನೀವು ಹೆಚ್ಚಾಗಿ ಏನೂ ಹೇಳ ಬೇಕಾಗಿಲ್ಲ.ಕ್ರಮವಾದ ಆಹಾರ ಸೇವನೆ ಹಾಗೂ ಬದಲಾದ ಜೀವನ ಶೈಲಿಯಿಂದಾಗಿ ಕೂದಲು ಉದುರುವುದನ್ನು ಸ್ವಲ್ಪ ಪ್ರಮಾಣದಲ್ಲಿ ಕಡಿಮೆಗೊಳಿಸಬಹುದು ಹಾಗೂ ಕೂದಲು ಉದುರುವುದನ್ನು ತಡೆಗಟ್ಟುವ ಪ್ರಯತ್ನ ಮಾಡಬಹುದು.
ಹಾರ್ಮೋನ್ ಗಳಲ್ಲಿ ಬದಲಾವಣೆ
ಶರೀರದ ಹಾರ್ಮೋನ್ ಗಳ ಪ್ರಮಾಣ ಏರುಪೇರಾಗುತ್ತಲೇ ಇರುತ್ತದೆ. ಅದರಲ್ಲೂ ಮುಖ್ಯವಾಗಿ ಗರ್ಭಿಣಿ ಹಾಗೂ ಬಾಣಂತಿ ಆಗಿದ್ದಾಗ ಕೂದಲು ಹೆಚ್ಚಾಗಿ ಉದುರುತ್ತದೆ. ಥೈರಾಯಿಡ್ ಏರುಪೇರಾದಾಗ, ಮುಟ್ಟಾದಾಗ ಹಾಗೂ ಇತರ ಹಾರ್ಮೋನ್ ಬದಲಾವಣೆಗೆ ಸಂಬಂಧಿಸಿದಂತೆ ಕೂದಲು ಉದುರುವಿಕೆಗೆ ಕಾರಣಗಳು ಇರಬಹುದು.
ಜಂಕ್ ಫುಡ್
ಸದಾ ಜಂಕ್ ಫುಡ್ ಅನ್ನೇ ಸೇವಿಸುವುದರಿಂದ ಶರೀರದಲ್ಲಿ ಪೌಷ್ಠಿಕಾಂಶದ ಕೊರತೆಯುಂಟಾಗಿ ತಲೆ ಕೂದಲು ಉದುರುವಿಕೆಗೆ ಕಾರಣವಾಗಬಹುದು.ಇಂದು ಜನರು ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸದೇ ಇರುವುದೂ ಹೆಚ್ಚು ಕೂದಲು ಉದುರುವಿಕೆಗೆ ಕಾರಣವಾಗಿದೆ
ಕೆಟ್ಟ ಹವಾಮಾನ
ನಿಮ್ಮ ಮನೆ ಹಾಗೂ ಕಛೇರಿಯಲ್ಲಿ ನಿಮಗೆ ಹೊಂದಿಕೆಯಾಗುವ ಹವಾಮಾನವೇ ಇರಬಹುದು. ಆದರೆ ಅದು ನಿಮ್ಮ ಕೂದಲಿಗೂ ಹೊಂದಿಕೆಯಾಗುತ್ತದೆ ಎಂದು ಹೇಳಲು ಸಾಧ್ಯವಿಲ್ಲ.ಪ್ರತೀ ಬದಲಾದ ಹವಾಮಾನಕ್ಕೆ ಕೂದಲು ಪ್ರತಿಕ್ರಿಯೆ ನೀಡುತ್ತದೆ ಹಾಗೂ ಅದರ ಕಂಡೀಷನ್ ಕೂಡ ಬದಲಾಗುತ್ತದೆ. ಹಾಗಾಗಿ ನಿಮ್ಮ ಕೂದಲು ಉದುರದಂತೆ ಉತ್ತಮ ಹಮಾನಾದ ಕಡೆಗೂ ಗಮನ ಹರಿಸಬೇಕಾಗುತ್ತದೆ.ಕೂದಲು
ಉದುರುವುದನ್ನು ತಡೆಯುವುದು ಹೇಗೆ?
ಹೇರ್ ಮಸಾಜ್
ತಜ್ಞರ ಪ್ರಕಾರ, ಯಾವಾಗಲೂ ತಮ್ಮ ಕೂದಲನ್ನು ಎಣ್ಣೆಯಿಂದ ಮಸಾಜ್ ಮಾಡುವ ಜನರು, ಅವರ ಕೂದಲು ಬಲವಾದ ಮತ್ತು ದಪ್ಪವಾಗಿರುತ್ತದೆ. ಅಷ್ಟೇ ಅಲ್ಲ, ಹೀಗೆ ಮಾಡುವುದರಿಂದ ನಿಮ್ಮ ಕೂದಲು ಕಪ್ಪಾಗುತ್ತದೆ ಮತ್ತು ಉದ್ದವಾಗುತ್ತದೆ. ಆದ್ದರಿಂದ, ನೀವು ನಿಮ್ಮ ತಲೆಗೆ ಮಸಾಜ್ ಮಾಡುವಾಗ, ಎಣ್ಣೆಯನ್ನು ಚೆನ್ನಾಗಿ ಹಚ್ಚಿ ಮತ್ತು ಒಂದು ದಿನ ಬಿಟ್ಟು ಮರುದಿನ ಶಾಂಪೂ ಮಾಡಿ.
ಇದಕ್ಕಾಗಿ ನೀವು ತೆಂಗಿನ ಎಣ್ಣೆ, ನಲ್ಲಿಕಾಯಿ ಎಣ್ಣೆ, ಭೃಂಗರಾಜ್ ಎಣ್ಣೆ, ಆಲಿವ್ ಎಣ್ಣೆ ಮತ್ತು ಸಾಸಿವೆ ಎಣ್ಣೆಯನ್ನು ಬಳಸಬಹುದು. ಇದು ನಿಮ್ಮ ರಕ್ತ ಪರಿಚಲನೆ ಸುಧಾರಿಸುತ್ತದೆ.
ಕೊಳಕು ಸಂಗ್ರಹವಾಗದಂತೆ ತಡೆಯಿರಿ
ನಿಮ್ಮ ತಲೆಯಿಂದ ಕೂದಲು ಒಡೆಯಲು ಇನ್ನೊಂದು ಕಾರಣವೆಂದರೆ ನಿಮ್ಮ ತಲೆಯಲ್ಲಿರುವ ಕೊಳಕು. ತಲೆಗೆ ಎಣ್ಣೆ ಹಚ್ಚಿ ನಂತರ ಶುಚಿಗೊಳಿಸದೆ ಇದ್ದಾಗ ತಲೆಯಲ್ಲಿ ಕೊಳೆ ಸೇರಿಕೊಳ್ಳುತ್ತದೆ. ನಿಮ್ಮ ಕೂದಲು ಒಡೆಯಲು ಇದೂ ಒಂದು ಕಾರಣ ಮತ್ತು ಸಮಯಕ್ಕೆ ಸರಿಯಾಗಿ ಯಾವುದೇ ಕ್ರಮ ತೆಗೆದುಕೊಳ್ಳದಿದ್ದರೆ, ನಂತರ ಅದು ಬೋಳು ರೂಪವನ್ನು ಪಡೆಯುತ್ತದೆ.
ಹೆಚ್ಚಿನ ಸಲಕರಣೆಗಳ ಬಳಕೆ ತಪ್ಪಿಸಿ
ಹೇರ್ ಡ್ರೈಯರ್ ಮತ್ತು ಹೇರ್ ಸ್ಟ್ರೈಟ್ ನರ್‌ನ ಅತಿಯಾದ ಬಳಕೆಯು ನಿಮ್ಮ ಕೂದಲನ್ನು ಹಾನಿಗೊಳಿಸುತ್ತದೆ. ಅಷ್ಟೇ ಅಲ್ಲ, ನೀವು ತಪ್ಪಾದ ಬಾಚಣಿಗೆ ಮತ್ತು ಹ್ಯಾಂಡಲ್ ಬ್ರಶ್ ಬಳಸುವುದರಿಂದ ನಿಮ್ಮ ಕೂದಲು ಕೂಡ ಒಡೆಯುತ್ತದೆ.ಹಾಗಾಗಿ ಎಲೆಕ್ಟ್ರಾನಿಕ್ ಸಲಕರಣೆಗಳನ್ನು ಕೂದಲಿಗೆ ಬಳಕೆ ಮಾಡಬೇಡಿ.
