ಕೆಎನ್‌ಎನ್‌ಡಿಜಿಟಲ್‌ ಡೆಸ್ಕ್‌ : ಕರ್ನಾಟಕದ ಶ್ರೀರಂಗಪಟ್ಟಣದಲ್ಲಿರುವ ರಂಗನತಿಟ್ಟು ಪಕ್ಷಿಧಾಮವನ್ನು ಈಗ ರಾಮ್ಸಾರ್ ತಾಣವೆಂದು ಘೋಷಿಸಲಾಗಿದೆ, ಅಂದರೆ ಇದು ಅಂತರರಾಷ್ಟ್ರೀಯ ಪ್ರಾಮುಖ್ಯತೆಯ ಸಂರಕ್ಷಿತ ಜೌಗು ಪ್ರದೇಶವಾಗಿದೆ. ಈ ಮೂಲಕ ಇದು ಕರ್ನಾಟಕದ ಮೊದಲ ರಾಮ್ಸರ್ ತಾಣ ಎನ್ನುವ ಹೆಗ್ಗಳಿಕೆಗೆ ಪಾತ್ರವಾಗಿದೆ.
ರಂಗನತಿಟ್ಟು ಸೇರಿದಂತೆ ಜೀವವೈವಿಧ್ಯತೆಯ ಜಾಗತಿಕ ತಾಣಗಳಾಗಿ ಸಂರಕ್ಷಿಸಬೇಕಾದ ಜೌಗು ಪ್ರದೇಶಗಳ ಪಟ್ಟಿಯಲ್ಲಿ ಭಾರತದ ಇನ್ನೂ 10 ಸ್ಥಳಗಳನ್ನು ರಾಮ್ಸರ್ ಬುಧವಾರ ಹೆಸರಿಸಿದೆ. ಇದು ಅಂತಹ ಸೈಟ್ʼಗಳ ಒಟ್ಟು ಸಂಖ್ಯೆಯನ್ನು 64ಕ್ಕೆ ಕೊಂಡೊಯ್ದಿತು.
ಕೇಂದ್ರ ಪರಿಸರ ಸಚಿವಾಲಯವು ಈ ಕ್ರಮವನ್ನ ಶ್ಲಾಘಿಸಿದ್ದು, “ಎಲ್ಲರಿಗೂ ಅಭಿನಂದನೆಗಳು! ರಾಮ್ಸರ್ ಜಾಗತಿಕ ಜೈವಿಕ ವೈವಿಧ್ಯತೆಯ ಸಂರಕ್ಷಣೆಗಾಗಿ ಭಾರತದಿಂದ ಇನ್ನೂ 10 ತಾಣಗಳನ್ನು ಅಂತರರಾಷ್ಟ್ರೀಯ ಪ್ರಾಮುಖ್ಯತೆಯ ತಾಣಗಳು ಎಂದು ಘೋಷಿಸುತ್ತದೆ. ಇದು ರಾಮ್ಸಾರ್ ಸೈಟ್ʼಗಳ ಒಟ್ಟು ಸಂಖ್ಯೆಯನ್ನು 64ಕ್ಕೆ ಮತ್ತು ಈ ತಾಣಗಳಿಂದ ಆವೃತವಾದ ಮೇಲ್ಮೈ ವಿಸ್ತೀರ್ಣವನ್ನ 1,250,360.41 ಹೆಕ್ಟೇರ್ʼಗೆ ತರುತ್ತದೆ” ಎಂದಿದೆ.
Congratulations to all!#Ramsar declares 10 more sites from India as sites of International importance for the conservation of global biological diversity. This brings the total of Ramsar sites to 64 and the surface area covered by these sites to 1,250,360.41 ha. pic.twitter.com/TQ57kQbYYw
— MoEF&CC (@moefcc) August 3, 2022
ಅಂದ್ಹಾಗೆ, ಕಾವೇರಿಯ ದಡದಲ್ಲಿರುವ ರಂಗನತಿಟ್ಟು, ಬಣ್ಣಬಣ್ಣದ ಕೊಕ್ಕರೆ, ಕಿಂಗ್ ಫಿಷರ್ಸ್, ಕಾರ್ಮೊರೆಂಟ್ಸ್, ಡಾರ್ಟರ್, ಹೆರಾನ್ಸ್, ರಿವರ್ ಟೆರ್ನ್, ಎಗ್ರೆಟ್ಸ್, ಇಂಡಿಯನ್ ರೋಲರ್, ಕಪ್ಪು ತಲೆಯ ಐಬಿಸ್, ಸ್ಪೂನ್ ಬಿಲ್, ಗ್ರೇಟ್ ಸ್ಟೋನ್ ಪ್ಲೋವರ್ ಮತ್ತು ಸ್ಪಾಟ್-ಬಿಲ್ಡ್ ಪೆಲಿಕಾನ್‌ಗಳಂತಹ ಸುಮಾರು 170 ವಿವಿಧ ಜಾತಿಯ ಪಕ್ಷಿಗಳಿಗೆ ಆತಿಥ್ಯ ವಹಿಸುತ್ತದೆ ಎಂದು ಕರ್ನಾಟಕ ಪ್ರವಾಸೋದ್ಯಮ ವೆಬ್ಸೈಟ್ ತಿಳಿಸಿದೆ. ಸಾಮಾನ್ಯ ಮುಂಗುಸಿ, ಹಾರುವ ನರಿ, ತಾಳೆ ಸಿವೆಟ್, ಸಾಮಾನ್ಯ ನೀರುನಾಯಿ, ಬಾನೆಟ್ ಕೋತಿ ಮತ್ತು ಜವುಗು ಮೊಸಳೆಗಳಂತಹ ವಿವಿಧ ರೀತಿಯ ಸಸ್ತನಿಗಳು ಮತ್ತು ಸರೀಸೃಪಗಳನ್ನ ಸಹ ಕಾಣಬಹುದು.
