ಕೆಎನ್‌ಎನ್‌ಡಿಜಿಟಲ್‌ ಡೆಸ್ಕ್‌ : ನಾಲ್ಕು ಬಾರಿಯ ಫಾರ್ಮುಲಾ ಒನ್ ಚಾಂಪಿಯನ್ ಸೆಬಾಸ್ಟಿಯನ್ ವೆಟಲ್ ಈ ಋತುವಿನ ಕೊನೆಯಲ್ಲಿ ನಿವೃತ್ತಿ ಹೊಂದುವುದಾಗಿ ಹೇಳಿದ್ದಾರೆ. ಇಂದು ಇನ್ಸ್ಟಾಗ್ರಾಮ್‌ ಪೋಸ್ಟ್‌ ಮೂಲಕ ಈ ನಿರ್ಧಾರವನ್ನ ಘೋಷಿಸಿದ್ದಾರೆ.
ಸೆಬ್, ಫಾರ್ಮುಲಾ 1 ಸರ್ಕ್ಯೂಟ್‌ನಲ್ಲಿ 2010ರಿಂದ 2013ರ ನಡುವೆ ರೆಡ್ ಬುಲ್ಗಾಗಿ ರೇಸ್ ಮಾಡುವಾಗ ಸತತ ನಾಲ್ಕು ಬಾರಿ ಚಾಂಪಿಯನ್ಶಿಪ್ ಗೆದ್ದರು. ಜರ್ಮನ್ ಆಟಗಾರ 2007ರಲ್ಲಿ ಪಾದಾರ್ಪಣೆ ಮಾಡಿದ್ದು, ಇಲ್ಲಿಯವರೆಗೆ ಅವರ ಹೆಸರಿಗೆ 53 ರೇಸ್ ವಿಜಯಗಳನ್ನ ಹೊಂದಿದ್ದಾರೆ, ಇದು ಲೆವಿಸ್ ಹ್ಯಾಮಿಲ್ಟನ್ ಮತ್ತು ಮೈಕೆಲ್ ಶುಮಾಕರ್ ಅವರ ನಂತ್ರ ಕ್ರೀಡೆಯ ಇತಿಹಾಸದಲ್ಲಿ ಮೂರನೇ ಅತಿ ಹೆಚ್ಚು ಸಾಧನೆಯಾಗಿದೆ.
