ಕೋಲ್ಕತ್ತಾ: ದೇಶದಲ್ಲಿ ಮತ್ತೊಂದು ರೈಲು ಅಪಘಾತ ಸಂಭವಿಸಿದ್ದು, ಕೋಲ್ಕತ್ತಾದ ಹೌರಾದ ನಲ್ಪುರ್ ಬಳಿ ಶಾಲಿಮಾರ್ ಸೂಪರ್ ಫಾಸ್ಟ್ ಎಕ್ಸ್ ರೈಲಿನ ಕೆಲವು ಬೋಗಿಗಳು ಹಳಿ ತಪ್ಪಿವೆ.
ಸಿಕಂದರಾಬಾದ್‌ನಿಂದ ಶಾಲಿಮಾರ್‌ಗೆ ಬರುತ್ತಿದ್ದ ಶಾಲಿಮಾರ್ ರೈಲಿನ ಕೆಲವು ಬೋಗಿಗಳು ಹಳಿತಪ್ಪಿವೆ. ಇಂದು ಮುಂಜಾನೆ 5.30ರ ಸುಮಾರಿಗೆ ಈ ಘಟನೆ ನಡೆದಿದೆ. 3 ಕೋಚ್‌ಗಳು ಪರಿಣಾಮ ಬೀರಿವೆ. ಇನ್ನೂ ಯಾವುದೇ ಪ್ರಾಣಹಾನಿಯಾಗಿಲ್ಲ.
ರೈಲು ಸಂಖ್ಯೆ 22850 ಶಾಲಿಮಾರ್ ಮೇಲ್ ಎಕ್ಸ್‌ಪ್ರೆಸ್ ಸಾಪ್ತಾಹಿಕ ವಿಶೇಷ ರೈಲು. ಸಿಕಂದರಾಬಾದ್‌ನಿಂದ ಶಾಲಿಮಾರ್‌ಗೆ ಬರುತ್ತಿದ್ದ ರೈಲು ನಲ್ಪುರ್ ನಿಲ್ದಾಣದ ಬಳಿ ಹಳಿತಪ್ಪಿದೆ ಎಂದು ರೈಲ್ವೆಗೆ ತಿಳಿಸಲಾಗಿದೆ. ಆದರೆ ಈ ಘಟನೆಯಲ್ಲಿ ಯಾವುದೇ ಪ್ರಾಣಹಾನಿಯಾಗಿರುವ ಬಗ್ಗೆ ಇನ್ನೂ ಮಾಹಿತಿ ಲಭ್ಯವಾಗಿಲ್ಲ. ಘಟನಾ ಸ್ಥಳಕ್ಕೆ ರೈಲ್ವೆ ಅಧಿಕಾರಿಗಳು ಆಗಮಿಸಿದ್ದಾರೆ. ಒಂದು ಪಾರ್ಸೆಲ್ ಬೋಗಿ ಮತ್ತು ಎರಡು ಪ್ರಯಾಣಿಕರ ಬೋಗಿಗಳು ಹಳಿತಪ್ಪಿವೆ.
