ಕಾಲೇಜಿನಲ್ಲಿ ಹುಡುಗಿ ವಿಚಾರಕ್ಕೆ ಪರಸ್ಪರ ಕಿತ್ತಾಡಿದ ಹುಡುಗರು : ಓರ್ವನಿಗೆ ಚಾಕು ಇರಿತ

ಕಲಬುರಗಿ : ಹುಡುಗಿಯರ ವಿಚಾರಕ್ಕೆ ಇಬ್ಬರು ಹುಡುಗರು ಗಲಾಟೆ ಮಾಡಿಕೊಂಡು ಓರ್ವ ವಿದ್ಯಾರ್ಥಿ ಗಂಭೀರವಾಗಿ ಗಾಯಗೊಂಡ ಘಟನೆ ಕಲಬುರಗಿ ನಗರದನೂರ್ ಬಾಗ್ ಕ್ರಾಸ್ ನಲ್ಲಿ ನಡೆದಿದೆ. 

ಕಲಬುರಗಿ ನಗರದನೂರ್ ಬಾಗ್ ಕ್ರಾಸ್ ನಲ್ಲಿ ನರ್ಸಿಂಗ್ ವಿದ್ಯಾರ್ಥಿಗೆ ಚಾಕುವಿನಿಂದ ಇರಿಯಲಾಗಿದ್ದು, ವಿದ್ಯಾರ್ಥಿ ಸ್ಥಿತಿ ಗಂಭಿರವಾಗಿದೆ. ಆತನನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗುತ್ತಿದೆ. ಮಹ್ಮದ್ ಎಹ್ತೇಶಾಮ್ ಎಂಬಾತನ ಮೇಲೆ ಚಾಕು ಇರಿಯಲಾಗಿದೆ. ಈತ , ಕಲಬುರಗಿ ನಗರದ ಖಾಸಗಿ ಕಾಲೇಜಿನಲ್ಲಿ ಮೊದಲ ವರ್ಷದ ನರ್ಸಿಂಗ್ ಓದುತ್ತಿದ್ದನು. ಮುಜಮಿಲ್ ಎಂಬಾತ ಈ ಕೃತ್ಯ ಎಸಗಿದ್ದಾನೆ ಎಂದು ತಿಳಿದು ಬಂದಿದೆ.

ಹುಡುಗಿಯ ಜೊತೆ ಮಹ್ಮದ್ ಎಹ್ತೇಶಾಮ್ ಎಂಬಾತನು ಸ್ನೇಹ ಬೆಳೆಸಿದ್ದನ್ನು ಕಂಡ ಮುಜಮಿಲ್  ಹಾಗೂ ಆತನ ಸ್ನೇಹಿತರು ಮಹ್ಮದ್ ಎಹ್ತೇಶಾಮ್ ಮೇಲೆ ಚಾಕು ಇರಿದು ಹಲ್ಲೆ ನಡೆಸಿದ್ದಾನೆ. ಸದ್ಯ ಮುಜಿಮಿಲ್ ಸೇರಿದಂತೆ ಮೂವರ ವಿರುದ್ದ ಕಲಬುರಗಿ ನಗರದ ರೋಜಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಮುಜಮಿಲ್ ನನ್ನು ಪೊಲೀಸರು ಬಂಧಿಸಿದ್ದು, ಆತನ ಸ್ನೇಹಿತರಿಗಾಗಿ ಪೊಲೀಸರು ಹುಡುಕಾಟ ನಡೆಸಿದ್ದಾರೆ.