ಬೆಂಗಳೂರು: ಬಿಎಂಟಿಸಿಯಿಂದ ಕರೆಯಲಾಗಿದ್ದಂತ ನಿರ್ವಾಹಕರ ಹುದ್ದೆ ನೇಮಕಾತಿಗೆ ಸಂಬಂಧಿಸಿದಂತೆ ಸಂಭವನೀಯ ಆಯ್ಕೆ ಪಟ್ಟಿಯನ್ನು ಪ್ರಕಟಿಸಲಾಗಿದೆ. ಅಕ್ಟೋಬರ್.14ರ ಒಳಗಾಗಿ ಆಕ್ಷೇಪಣೆ ಸಲ್ಲಿಸುವಂತೆ ತಿಳಿಸಿದೆ.
ಬಿಎಂಟಿಸಿಯಿಂದ ಪತ್ರಿಕಾ ಪ್ರಕಟಣೆಯಲ್ಲಿ ಮಾಹಿತಿ ನೀಡಿದ್ದು, ಕಲ್ಯಾಣ-ಕರ್ನಾಟಕ (371-ಜೆ) ಮೀಸಲಾತಿಯಡಿ ನಿರ್ವಾಹಕ ಹುದ್ದೆಗೆ ಅಭ್ಯರ್ಥಿಗಳಿಗೆ ದಿನಾಂಕ:14/07/2024 ರಂದು ನಡೆದ ಸಾಮಾನ್ಯ ಸಾಮರ್ಥ್ಯ ಪರೀಕ್ಷೆಯಲ್ಲಿ ಅವರುಗಳು ಗಳಿಸಿದ ಒಟ್ಟು ಅಂಕಗಳ ಶೇಕಡ 75ರಷ್ಟು ಮತ್ತು ಹುದ್ದೆಗೆ ನಿಗಧಿಪಡಿಸಲಾದ ಶೈಕ್ಷಣಿಕ ವಿದ್ಯಾರ್ಹತೆಯಲ್ಲಿ ಗಳಿಸಿದ ಒಟ್ಟು ಅಂಕಗಳ ಶೇಕಡ 25ರಷ್ಟು ಅಂಕಗಳನ್ನು ಸೇರಿಸಿ ಬಂದ ಒಟ್ಟು ಶೇಕಡ ಅಂಕಗಳ ಆಧಾರದ ಮೇಲೆ ಮತ್ತು ನೇರನೇಮಕಾತಿ ಸಂಬಂಧ ಜಾರಿಯಲ್ಲಿರುವ ಸರ್ಕಾರದ ಮೀಸಲಾತಿ ನಿಯಮಾನುಸಾರ ಮೂಲದಾಖಲಾತಿಗಳ ಮತ್ತು ದೇಹದಾರ್ಢ್ಯತೆ ಪರಿಶೀಲನೆಗಾಗಿ 1:5 ರ ಅನುಪಾತದಲ್ಲಿ ಅರ್ಹತಾ ಪಟ್ಟಿಯನ್ನು ಪ್ರಕಟಿಸಲಾಗಿತ್ತು ಎಂದಿದೆ.
ಅದರಂತೆ ಮೂಲ ದಾಖಲೆ / ದೇಹದಾರ್ಢ್ಯತೆ ಪರಿಶೀಲನೆಗೆ ಹಾಜರಾಗಿ ಅರ್ಹತೆ ಹೊಂದಿದ ಅಭ್ಯರ್ಥಿಗಳ ಪೈಕಿ ಅಧಿಸೂಚನೆಯಲ್ಲಿ ಪ್ರಕಟಿಸಲಾದ ಹುದ್ದೆಗಳಿಗೆ ಅನುಗುಣವಾಗಿ ನಿರ್ವಾಹಕ, ದರ್ಜೆ-3 (ಮೇಲ್ವಿಚಾರಕೇತರ) ಹುದ್ದೆಯ ಸಂಭವನೀಯ ಆಯ್ಕೆ ಪಟ್ಟಿಯನ್ನು ಸಂಸ್ಥೆಯ ವೆಬ್‌ಸೈಟ್ www.mybmtc.karnataka.gov.in ನಲ್ಲಿ ಪ್ರಕಟಿಸಲಾಗಿದೆ ಎಂದು ಹೇಳಿದೆ.
ಸಂಭವನೀಯ ಆಯ್ಕೆ ಪಟ್ಟಿಯಲ್ಲಿ ಸೇರ್ಪಡೆಗೊಂಡಿರುವ ಮೀಸಲಾತಿವಾರು ಕೊನೆಯ ಅಭ್ಯರ್ಥಿಯ ಶೇಕಡವಾರು (Cut-Off) ಅಂಕಗಳು ಈ ಕೆಳಕಂಡಂತಿದೆ.
| ಮೀಸಲಾತಿ | ಶೇಕಡವಾರು | ಸಾಮಾನ್ಯ | ಮಹಿಳಾ | ಗ್ರಾಮೀಣ | ಕನ್ನಡ | ಯೋಜನಾ ನಿರಾಶ್ರಿತ |
| ವರ್ಗ | ||||||
| ಪರಿಶಿಷ್ಟ ಜಾತಿ | ಶೇಕಡ | 54.86 | 35.19 | 57.05 | 60.96 | 56.77 |
| ಹುಟ್ಟಿದ ದಿನಾಂಕ | 02.07.1999 | 31.05.1997 | 09.08.1996 | 27.04.1994 | 01.06.1997 | |
| ಪರಿಶಿಷ್ಟ ಪಂಗಡ | ಶೇಕಡ | 58.83 | 40.03 | 58.07 | 62.13 | – |
| ಹುಟ್ಟಿದ ದಿನಾಂಕ | 05.06.1996 | 10.07.1999 | 08.07.1998 | 01.06.1997 | – | |
| ಪ್ರವರ್ಗ-1 | ಶೇಕಡ | 58.02 | 42.79 | 59.48 | – | – |
| ಹುಟ್ಟಿದ ದಿನಾಂಕ | 04.06.1997 | 09.12.1997 | 02.10.1996 | – | – | |
| 2-ಎ | ಶೇಕಡ | 58.46 | 45.03 | 60.02 | 62.17 | 56.13 |
| ಹುಟ್ಟಿದ ದಿನಾಂಕ | 28.06.1995 | 26.07.1996 | 08.06.1993 | 26.07.1994 | 18.09.1998 |
| 2-ಬಿ | ಶೇಕಡ | 55.55 | 39.34 | 57.94 | – | – |
| ಹುಟ್ಟಿದ ದಿನಾಂಕ | 01.06.2000 | 12.01.1995 | 11.08.2000 | – | – | |
| 3-ಎ
(ಹಿಂಬಾಕಿ) |
ಶೇಕಡ | 49.32 | 43.77 | 54.00 | 70.44 | – |
| ಹುಟ್ಟಿದ ದಿನಾಂಕ | 20.06.2005 | 14.11.2000 | 03.04.1993 | 05.05.1996 | – | |
| 3-ಎ
(ಸಾಮಾನ್ಯ) |
ಶೇಕಡ | 42.11 | – | 45.60 | – | – |
| ಹುಟ್ಟಿದ ದಿನಾಂಕ | 01.02.1993 | – | 01.06.1989 | – | – | |
| 3-ಬಿ | ಶೇಕಡ | 57.00 | 41.72 | 59.17 | – | – |
| ಹುಟ್ಟಿದ ದಿನಾಂಕ | 12.02.2001 | 05.06.1988 | 16.06.1999 | – | – | |
| ಸಾಮಾನ್ಯ ವರ್ಗ | ಶೇಕಡ | 62.23 | 48.49 | 65.06 | 73.31 | 57.48 |
| ಹುಟ್ಟಿದ ದಿನಾಂಕ | 06.08.1994 | 05.06.2002 | 20.07.1993 | 01.06.1998 | 05.01.1999 |
ಸಂಭವನೀಯ ಆಯ್ಕೆ ಪಟ್ಟಿಯಲ್ಲಿ ಗುಂಪುವಾರು ಹಾಗೂ ಶೇಕಡವಾರು ಅಂಕಗಳಿಗಿಂತ ಹೆಚ್ಚಿನ ಅಂಕ ಗಳಿಸಿದಾಗ್ಯೂ ಆಯ್ಕೆ ಪಟ್ಟಿಯಲ್ಲಿ ಸೇರ್ಪಡೆಗೊಳ್ಳದ ಅಭ್ಯರ್ಥಿಗಳು ಸಂಬಂಧಪಟ್ಟ ಮೂಲ ದಾಖಲಾತಿಗಳೊಂದಿಗೆ ಅಧ್ಯಕ್ಷರು, ಆಯ್ಕೆ ಸಮಿತಿ, ಬೆ.ಮ.ಸಾ.ಸಂಸ್ಥೆ, ಕೇಂದ್ರ ಕಛೇರಿ, ಶಾಂತಿನಗರ ಬೆಂಗಳೂರು-560027 ಇಲ್ಲಿಗೆ ದಿನಾಂಕ:14/10/2024 ರ ಸಂಜೆ 17:30 ಗಂಟೆ ಒಳಗಾಗಿ ಮೂಲ ದಾಖಲಾತಿಗಳೊಂದಿಗೆ ಖುದ್ದಾಗಿ ಹಾಜರಾಗಿ ಲಿಖಿತ ಆಕ್ಷೇಪಣೆ ಸಲ್ಲಿಸತಕ್ಕದ್ದು ಎಂಬುದಾಗಿ ತಿಳಿಸಿದೆ.
ವರದಿ: ವಸಂತ ಬಿ ಈಶ್ವರಗೆರೆ, ಸಂಪಾದಕರು
