ನವದೆಹಲಿ :ಜುಲೈ ತಿಂಗಳಿನಿಂದ ಚಾಲನಾ ಪರವಾನಗಿ ನೀಡುವ ನಿಯಮಗಳನ್ನ ಬದಲಾಯಿಸಲು ಕೇಂದ್ರ ರಸ್ತೆ ಮತ್ತು ಮೋಟಾರು ಸಾರಿಗೆ ಸಚಿವಾಲಯ ನಿರ್ಧರಿಸಿದೆ. ಈ ಹೊಸ ನಿಯಮದ ನಂತ್ರ ನೀವು ಈಗ ಡ್ರೈವಿಂಗ್ ಟೆಸ್ಟ್ ಇಲ್ಲದೇ ಚಾಲನಾ ಪರವಾನಗಿಯನ್ನ ಪಡೆಯಬಹುದು. ಇದರರ್ಥ ನೀವು ಇನ್ನು ಮುಂದೆ ಆರ್‌ಟಿಒ ಕಚೇರಿ ಸುತ್ತಬೇಕಿಲ್ಲ.
ಹೊಸ ನಿಯಮದ ನಂತರ, ಚಾಲನಾ ಪರವಾನಗಿಗಳನ್ನು ಪಡೆಯಲು ಚಾಲನಾ ತರಬೇತಿ ಕೇಂದ್ರಗಳ ಪಾತ್ರವು ಈಗ ಪ್ರಮುಖವಾಗುತ್ತದೆ. ಈ ತರಬೇತಿ ಕೇಂದ್ರಗಳು ರಾಜ್ಯ ಸಾರಿಗೆ ಪ್ರಾಧಿಕಾರ ಅಥವಾ ಕೇಂದ್ರ ಸರ್ಕಾರದ ಅಡಿಯಲ್ಲಿರುತ್ತವೆ. ಅಂತಹ ಪರಿಸ್ಥಿತಿಯಲ್ಲಿ, ಈಗ ಚಾಲನಾ ಪರವಾನಗಿಯನ್ನ ಪಡೆಯಲು ಬಯಸುವವರು, ಮೊದಲು ಅಂತಹ ತರಬೇತಿ ಕೇಂದ್ರಗಳಿಂದ ತರಬೇತಿ ಪಡೆದ ನಂತ್ರ ಪ್ರಮಾಣಪತ್ರವನ್ನ ಪಡೆಯಬೇಕಾಗುತ್ತದೆ. ಇದಕ್ಕಾಗಿ, ತಮ್ಮದೇ ಆದ ಚಾಲನಾ ಪರವಾನಗಿಯನ್ನ ಮಾಡಿಕೊಳ್ಳಬೇಕಾದವರು ಅಂತಹ ಕೇಂದ್ರದಲ್ಲಿ ನೋಂದಾಯಿಸಿಕೊಳ್ಳಬೇಕಾಗುತ್ತದೆ. ಅದರ ನಂತರ, ಈ ಕೇಂದ್ರಗಳು ಅರ್ಜಿದಾರರ ಪರೀಕ್ಷೆಯನ್ನು ತೆಗೆದುಕೊಳ್ಳುತ್ತವೆ, ಇದು ಉತ್ತೀರ್ಣರಾಗಲು ಕಡ್ಡಾಯವಾಗಿರುತ್ತದೆ. ಇದರ ನಂತ್ರ ಕೇಂದ್ರವು ಪ್ರಮಾಣಪತ್ರವನ್ನು ನೀಡುತ್ತದೆ, ಅದರ ನಂತರವೇ ಜನರು ಚಾಲನಾ ಪರವಾನಗಿಗೆ ಅರ್ಜಿ ಸಲ್ಲಿಸಲು ಸಾಧ್ಯವಾಗುತ್ತದೆ. ಈ ತರಬೇತಿ ಕೇಂದ್ರಗಳ ಸಿಂಧುತ್ವವು ಐದು ವರ್ಷಗಳಾಗಿರುತ್ತದೆ, ಅದನ್ನ ಅದರ ನಂತ್ರ ನವೀಕರಿಸಬೇಕಾಗುತ್ತದೆ.
ತರಬೇತಿ ಪ್ರಮಾಣಪತ್ರದ ಆಧಾರದ ಮೇಲೆ ನೀವು ಪರವಾನಗಿಯನ್ನ ಪಡೆಯುತ್ತೀರಿ..!
ಅಂತಹ ಪರಿಸ್ಥಿತಿಯಲ್ಲಿ, ಜನರು ತಮ್ಮ ಚಾಲನಾ ಪರವಾನಗಿಯನ್ನ ತರಬೇತಿ ಪ್ರಮಾಣಪತ್ರದ ಆಧಾರದ ಮೇಲೆ ಮಾತ್ರ ಪಡೆಯುತ್ತಾರೆ. ಇದಕ್ಕಾಗಿ, ಆರ್‌ಟಿಒಗೆ ಹೋಗಿ ಯಾವುದೇ ಪರೀಕ್ಷೆಯನ್ನ ನೀಡುವ ಅಗತ್ಯವಿಲ್ಲ. ಪ್ರಾಯೋಗಿಕ ಮತ್ತು ಸಿದ್ಧಾಂತ ಎರಡನ್ನೂ ಈ ಕೇಂದ್ರಗಳಲ್ಲಿ ಕಲಿಸಲಾಗುತ್ತದೆ. ಈ ತರಬೇತಿ ಕೇಂದ್ರಗಳು ಸಿಮ್ಯುಲೇಟರ್ʼಗಳನ್ನ ಹೊಂದಿರುತ್ತವೆ ಮತ್ತು ಚಾಲನಾ ಪರೀಕ್ಷಾ ಟ್ರ್ಯಾಕ್ʼಗಳು ಸಹ ಲಭ್ಯವಿರುತ್ತವೆ. ಲಘು ಮೋಟಾರು ವಾಹನಗಳು, ಮಧ್ಯಮ ಮತ್ತು ಭಾರಿ ಮೋಟಾರು ವಾಹನಗಳು ಈ ಕೇಂದ್ರಗಳಲ್ಲಿ ತರಬೇತಿ ನೀಡಲಾಗುವುದು. ಲಘು ಮೋಟಾರು ವಾಹನಗಳಿಗೆ, ಒಂದು ತಿಂಗಳಲ್ಲಿ 29 ಗಂಟೆಗಳ ತರಬೇತಿಯನ್ನು ಪೂರ್ಣಗೊಳಿಸಬೇಕಾಗುತ್ತದೆ.
