ನವದೆಹಲಿ : ಭಾರತೀಯ ರೈಲ್ವೇ ಮತ್ತೊಂದು ಮಹತ್ವದ ನಿರ್ಧಾರದತ್ತ ಹೆಜ್ಜೆ ಹಾಕುತ್ತಿದೆ. ನೆರೆಯ ದೇಶಗಳೊಂದಿಗೆ ಸರಕು ಸಾಗಣೆ ಸೇವೆಗಳ ಒಪ್ಪಂದಕ್ಕೆ ಕ್ರಮಗಳನ್ನ ತೆಗೆದುಕೊಳ್ಳಲಾಗುತ್ತಿದೆ. ಇದರ ಭಾಗವಾಗಿ, ಭಾರತೀಯ ರೈಲ್ವೆ ಮತ್ತು ಭೂತಾನ್‌ನ ಈಶಾನ್ಯ ಫ್ರಾಂಟಿಯರ್ ರೈಲ್ವೆ (NFR) ಈ ವಿಷಯದ ಬಗ್ಗೆ ಚರ್ಚೆ ನಡೆಸಿದೆ ಎಂದು ಅಧಿಕಾರಿಗಳು ಮಂಗಳವಾರ ತಿಳಿಸಿದ್ದಾರೆ.
ಎನ್‌ಎಫ್‌ಆರ್ ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಸವ್ಯಸಾಚಿ ಮಾತನಾಡಿ, ಇತ್ತೀಚೆಗೆ ಅಲಿಪುರ್ದೂರ್ ವಿಭಾಗದಲ್ಲಿ ವ್ಯಾಪಾರ ಅಭಿವೃದ್ಧಿ ಸಭೆಯನ್ನ ನಡೆಸಲಾಯಿತು ಮತ್ತು ಭೂತಾನ್‌ನ ವಿದೇಶಾಂಗ ವ್ಯವಹಾರಗಳ ಸಚಿವಾಲಯ ಮತ್ತು ವಾಣಿಜ್ಯ ಸಂಸ್ಥೆಗಳು ಸಭೆಯಲ್ಲಿ ಭಾಗವಹಿಸಿದ್ದವು ಎಂದರು.
ಭೂತಾನ್‌ನ ವಾಣಿಜ್ಯ ರಫ್ತಿಗೆ ಅನುಕೂಲವಾಗುವಂತೆ NFR ಮೂಲಸೌಕರ್ಯವನ್ನ ಸ್ಥಾಪಿಸಲಾಗುತ್ತಿರುವ ಹಸಿಮಾರಾ ರೈಲು ನಿಲ್ದಾಣಕ್ಕೆ ನಿಯೋಗ ಭೇಟಿ ನೀಡಿತು. ಭೂತಾನ್‌ನೊಂದಿಗೆ ಲಾಜಿಸ್ಟಿಕ್ ವ್ಯಾಪಾರವನ್ನ ಉತ್ತೇಜಿಸಲು ಕೇಂದ್ರೀಯ ಉಗ್ರಾಣ ನಿಗಮದ ಸಹಯೋಗದಲ್ಲಿ ಸೈಡಿಂಗ್‌ನೊಂದಿಗೆ ಗೋದಾಮು ನಿರ್ಮಿಸಲು ಯೋಜನೆ ರೂಪಿಸಲಾಗುತ್ತಿದೆ ಎಂದು ಮುಖ್ಯ ಸಾರ್ವಜನಿಕ ಸಂಪರ್ಕ ಅಧಿಕಾರಿ ಹೇಳಿದರು. ಅದೇ ರೀತಿ, ಭಾರತೀಯ ರೈಲ್ವೆ ಈಗಾಗಲೇ 75 ವಾಹನಗಳೊಂದಿಗೆ ಬಹು–ಮಾದರಿ ಮಾರ್ಗದ ಮೂಲಕ ಭೂತಾನ್‌ಗೆ ಸರಕುಗಳನ್ನ ರಫ್ತು ಮಾಡಿದೆ.
ಇದರ ಭಾಗವಾಗಿ ಹೊಸ ಮಾರ್ಪಡಿಸಿದ ಸರಕುಗಳ (NMG) ರೇಕ್ ಮೂಲಕ ವಾಹನಗಳನ್ನ ಚೆನ್ನೈನಿಂದ ಹಸಿಮಾರಾ ರೈಲು ನಿಲ್ದಾಣಕ್ಕೆ ಸಾಗಿಸಲಾಯಿತು. ಇದು ಅಕ್ಟೋಬರ್ 28ರಂದು ಅಲಿಪುರ್ದೂರ್ ವಿಭಾಗವನ್ನ ತಲುಪಿತು. ನಂತ್ರ ಸರಕುಗಳನ್ನ ರಸ್ತೆಯ ಮೂಲಕ ಭೂತಾನ್‌ಗೆ ಕೊಂಡೊಯ್ಯಲಾಯಿತು. ಮುಂದಿನ ದಿನಗಳಲ್ಲಿ ಅಧಿಕಾರಿಗಳು ಚಾಗ್ರಬಂದ ಠಾಣೆಗೆ ಭೇಟಿ ನೀಡಲಿದ್ದಾರೆ. ವಾಣಿಜ್ಯ ಸಾರಿಗೆಯ ಭಾಗವಾಗಿ ಆಟೋಮೊಬೈಲ್ ಮತ್ತು ಸಿಮೆಂಟ್ ಪೂರೈಕೆ ಹಾಗೂ ಪ್ರವಾಸೋದ್ಯಮ ಕ್ಷೇತ್ರದ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಚರ್ಚೆಗಳು ನಡೆದವು. ಅಸ್ಸಾಂನ ಕೊಕ್ರಜಾರ್‌ನಿಂದ ಭೂತಾನ್‌ನ ಗೆಲೆಫುವರೆಗೆ ಬ್ರಾಡ್ ಗೇಜ್ ರೈಲ್ವೆ ಹಳಿಯನ್ನ ಹಾಕುವ ಮೂಲಕ ಗಡಿಯಾಚೆಗಿನ ಸಂಪರ್ಕಕ್ಕಾಗಿ ಭಾರತೀಯ ರೈಲ್ವೆ ಈಗಾಗಲೇ ಹೊಸ ಯೋಜನೆಗಳನ್ನ ಕೈಗೆತ್ತಿಕೊಂಡಿದೆ ಎಂದು ಸಿಪಿಆರ್‌ಒ ಹೇಳಿದೆ.
BREAKING NEWS ; ಜಮ್ಮು-ಕಾಶ್ಮೀರದಲ್ಲಿ ಭಯೋತ್ಪಾದಕ ಕೃತ್ಯ ; ಇಬ್ಬರು ವಲಸಿಗರ ಮೇಲೆ ಗುಂಡಿನ ದಾಳಿ
ವಿದ್ಯಾರ್ಥಿಗಳು ಅತಿರೇಕದ ಹೆಜ್ಜೆಯಿಟ್ರೆ ‘ಶಿಕ್ಷಕ’ರನ್ನ ದೂಷಿಸುವಂತಿಲ್ಲ ; ಹೈಕೋರ್ಟ್
