ಬೆಂಗಳೂರು: ನಾರ್ಕೋಟಿಕ್ ಡ್ರಗ್ಸ್ ಮತ್ತು ಸೈಕೋಟ್ರೋಪಿಕ್ ಸಬ್‌ಸ್ಟಾನ್ಸ್ (NDPS) ಕಾಯ್ದೆಯಡಿ ‘ಭಾಂಗ್’ ನಿಷೇಧಿತ ಡ್ರಗ್ ಅಥವಾ ಪಾನೀಯ ಎಂದು ಘೋಷಿಸಲಾಗಿಲ್ಲ ಎಂದು ಕರ್ನಾಟಕ ಹೈಕೋರ್ಟ್ ತೀರ್ಪು ನೀಡಿದೆ. ಅಷ್ಟೇ ಅಲ್ಲದೇ, 29 ಕೆಜಿಯಷ್ಟು ಭಾಂಗ್ ಪೌಡರ್ ಹೊಂದಿದ್ದಕ್ಕಾಗಿ ಬಂಧಿತ ವ್ಯಕ್ತಿಗೆ ಜಾಮೀನು ನೀಡಿದೆ.
ಬೇಗೂರು ಪೊಲೀಸರು ಜೂನ್ 1 ರಂದು ಬಿಹಾರ ಮೂಲದ ರೋಷನ್ ಕುಮಾರ್ ಮಿಶ್ರಾ ಎಂಬಾತನನ್ನು ಬಂಧಿಸಿ ಆತನಿಂದ 400 ಗ್ರಾಂ ಗಾಂಜಾ ಜೊತೆಗೆ ಬ್ರಾಂಡ್ ‘ಭಾಂಗ್’ ಅನ್ನು ವಶಪಡಿಸಿಕೊಂಡಿದ್ದರು. ಮಿಶ್ರಾ ಅವರ ಜಾಮೀನು ಅರ್ಜಿಯನ್ನು ಕೆಳ ನ್ಯಾಯಾಲಯವು ತಿರಸ್ಕರಿಸಿತು. ನಂತರ, ಇದನ್ನು ಪ್ರಶ್ನಿಸಿ ರೋಷನ್ ಕುಮಾರ್ ಬಂಧಿತ ಮಿಶ್ರಾ ಹೈಕೋರ್ಟ್ ಮೊರೆ ಹೋಗಿದ್ದರು. ಇದೀಗ ಮಿಶ್ರಾಗೆ ಜಾಮೀನು ಸಿಕ್ಕಿದೆ.
ʻಭಾಂಗ್ʼ ಡ್ರಗ್ಸ್ ಅನ್ನೋದಕ್ಕೆ ವೈಜ್ಞಾನಿಕ ಪುರಾವೆಗಳಿಲ್ಲ
ಭಾಂಗ್ ಅನ್ನು ಚರಸ್ ಅಥವಾ ಗಾಂಜಾ ಬೀಜ ಅಥವಾ ಗಾಂಜಾ ಎಲೆಗಳಿಂದ ತಯಾರಿಸಲಾಗುತ್ತದೆ ಎಂದು ತೋರಿಸಲು ಈ ನ್ಯಾಯಾಲಯದ ಮುಂದೆ ಯಾವುದೇ ವೈಜ್ಞಾನಿಕ ಪುರಾವೆಗಳಿಲ್ಲ ಎಂದು ಹೈಕೋರ್ಟ್ ಹೇಳಿದೆ.
ಎನ್ಡಿಪಿಎಸ್ ಕಾಯ್ದೆಯಡಿಯಲ್ಲಿ, ಗಾಂಜಾದ ಎಲೆಗಳು ಮತ್ತು ಬೀಜಗಳನ್ನು ಗಾಂಜಾ ವ್ಯಾಖ್ಯಾನದಿಂದ ಹೊರಗಿಡಲಾಗಿದೆ ಮತ್ತು “ಎನ್ಡಿಪಿಎಸ್ ಕಾಯಿದೆಯಲ್ಲಿ ಎಲ್ಲಿಯೂ ಭಾಂಗ್ ಅನ್ನು ನಿಷೇಧಿತ ಪಾನೀಯ ಅಥವಾ ನಿಷೇಧಿತ ಔಷಧ ಎಂದು ಉಲ್ಲೇಖಿಸಲಾಗಿಲ್ಲ” ಎಂದು ಹೈಕೋರ್ಟ್ ಹೇಳಿದೆ.
ಮಿಶ್ರಾ ಪರ ವಕೀಲ ಎಸ್ ಮನೋಜ್ ಕುಮಾರ್ ವಾದ ಮಂಡಿಸಿ, “ಭಾಂಗ್ ಸಾಮಾನ್ಯವಾಗಿ ಉತ್ತರ ಭಾರತದ ಲಸ್ಸಿ ಅಂಗಡಿಗಳಲ್ಲಿ ಮಾರಾಟವಾಗುವ ಪಾನೀಯವಾಗಿದೆ. ಇದು ನಿಷೇಧಿತ ಔಷಧವಲ್ಲ. ಶಿವರಾತ್ರಿ ಹಬ್ಬದ ಸಮಯದಲ್ಲಿ ಈ ಪಾನೀಯವನ್ನು ಬಳಸಲಾಗುತ್ತದೆ. ಇದು ನಿಷೇಧಿತ ಪಾನೀಯವಲ್ಲ. ಇದು NDPS ಕಾಯಿದೆ ಅಡಿಯಲ್ಲಿ ಬರುವುದೇ ಇಲ್ಲ ಅಂತ ವಾದ ಮಂಡಿಸಿದ್ದರು. ಇದಕ್ಕೆ ಆಕ್ಷೇಪಿಸಿದ ಸರ್ಕಾರಿ ಪರ ವಕೀಲರು, ಭಾಂಗ್ ಅನ್ನು ಗಾಂಜಾ ಎಲೆಗಳಿಂದ ತಯಾರಿಸಲಾಗುತ್ತದೆ. ಹೀಗಾಗಿ, ಇದು ಗಾಂಜಾ ಉತ್ಪನ್ನವಾಗಿದ್ದು, ಎನ್ಡಿಪಿಎಸ್ ಅಡಿ ಬರುತ್ತದೆ ಎಮದು ಪ್ರತಿವಾದ ಮಂಡಿಸಿದ್ದರು.
ಎರಡು ಕರಣಗಳ ಉಲ್ಲೇಖ
ಮಧುಕರ್ ವರ್ಸಸ್ ಸ್ಟೇಟ್ ಆಫ್ ಮಹಾರಾಷ್ಟ್ರ ಮತ್ತು ಅರ್ಜುನ್ ಸಿಂಗ್ ವರ್ಸಸ್ ಹರ್ಯಾಣ ಸರ್ಕಾರ ಎರಡೂ ಪ್ರಕರಣಗಳಲ್ಲಿ, ಭಾಂಗ್ ಗಾಂಜಾ ಅಲ್ಲ ಮತ್ತು ಎನ್ಡಿಪಿಎಸ್ ಕಾಯ್ದೆಯಡಿ ಬರುವುದಿಲ್ಲ ಎಂದು ತೀರ್ಮಾನಿಸಲಾಗಿದೆ. ವಿಧಿ ವಿಜ್ಞಾನ ಪ್ರಯೋಗಾಲಯವು ತನ್ನ ವರದಿಯನ್ನು ನೀಡುವವರೆಗೆ, ಭಾಂಗ್ ಅನ್ನು ಚರಸ್ ಅಥವಾ ಗಾಂಜಾದಿಂದ ತಯಾರಿಸಲಾಗುತ್ತದೆ ಎಂದು ಖಚಿತಪಡಿಸಲು ಸಾಧ್ಯವಿಲ್ಲ ಎಂದು ಹೈಕೋರ್ಟ್ ತನ್ನ ತೀರ್ಪಿನಲ್ಲಿ ಹೇಳಿದೆ. ಬಂಧನದ ನಂತರ ಮಿಶ್ರಾ ಬಂಧನದಲ್ಲಿದ್ದ ಕಾರಣ, ಅವರು ಜಾಮೀನಿಗೆ ಅರ್ಹರಾಗಿದ್ದರು.
ಬಂಧನದ ವೇಳೆ ಮಿಶ್ರಾ ಬಳಿ 400 ಗ್ರಾಂ ಗಾಂಜಾ ಇತ್ತು. ಇದು ಕಡಿಮೆ ಪ್ರಮಾಣದ್ದಾಗಿದ್ದರಿಂದ ಜಾಮೀನು ಪಡೆಯಲು ಅರ್ಹರಾಗಿದ್ದರು. ಜಾಮೀನು ಷರತ್ತಿನಂತೆ 2 ಲಕ್ಷ ರೂ.ಗಳ ವೈಯಕ್ತಿಕ ಬಾಂಡ್ ಜಾರಿಗೊಳಿಸುವಂತೆ ಸೂಚಿಸಲಾಗಿದೆ.
ಭಾಂಗ್ ಒಂದು ಸಾಂಪ್ರದಾಯಿಕ ಪಾನೀಯವಾಗಿದೆ ಎಂದು ನಮೂದಿಸುವುದು ಯೋಗ್ಯವಾಗಿದೆ. ಹೆಚ್ಚಿನ ಜನರು ಉತ್ತರ ಭಾರತದಲ್ಲಿ ವಿಶೇಷವಾಗಿ ಶಿವ ದೇವಾಲಯಗಳ ಬಳಿ ಕುಡಿಯುತ್ತಿದ್ದರು ಮತ್ತು ಇದು ಇತರ ಎಲ್ಲಾ ಪಾನೀಯಗಳಂತೆ ಲಸ್ಸಿ ಅಂಗಡಿಗಳಲ್ಲಿಯೂ ಲಭ್ಯವಿದೆ. ಅದನ್ನು ಹೊರತುಪಡಿಸಿ, ಹೇಳಲಾದ ಭಾಂಗ್ ಅನ್ನು ಮಾರಾಟ ಮಾಡಲಾಯಿತು. ಭಾಂಗ್‌ಅನ್ನು ಬ್ರಾಂಡೆಡ್ ಹೆಸರುಗಳೊಂದಿಗೆ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲಾಗುತ್ತಿದೆ ಎಂದು ಹೈಕೋರ್ಟ್ ತೀರ್ಪಿನಲ್ಲಿ ತಿಳಿಸಿದೆ.
Karnataka Rain: ರಾಜ್ಯಾಧ್ಯಂತ ಇಂದಿನಿಂದ 4 ದಿನ ಭಾರೀ ಮಳೆ – ಹವಾಮಾನ ಇಲಾಖೆ ಮುನ್ಸೂಚನೆ
BIG NEWS: ರಾಮಮಂದಿರ ಕೆಲಸ ಶೇ.40ರಷ್ಟು ಪೂರ್ಣ: 2023ರ ಡಿಸೆಂಬರ್ ಗೆ ಭಕ್ತರಿಗೆ ಮುಕ್ತ
