ಟೆಹ್ರಾನ್: ಇರಾನ್ನ ಮಾಜಿ ಸರ್ವೋಚ್ಚ ನಾಯಕ ಅಲಿ ಖಮೇನಿ ಅವರ ಉತ್ತರಾಧಿಕಾರಿಯಾಗಿ ಅಧಿಕಾರ ವಹಿಸಿಕೊಂಡಿದ್ದ ಮೊಜ್ತಬಾ ಖಮೇನಿ (Mojtaba Khamenei) ಅವರು ಜೀವಂತವಾಗಿದ್ದಾರೆಯೇ ಅಥವಾ ಇಲ್ಲವೇ ಎಂಬ ಪ್ರಶ್ನೆ ಈಗ ಇಡೀ ವಿಶ್ವವನ್ನೇ ಕಾಡುತ್ತಿದೆ. ಇರಾನ್ನ ಪವಿತ್ರ ನಗರ ಮಶಾದ್ನಲ್ಲಿ ಅನಾವರಣಗೊಂಡಿರುವ ಹೊಸ ಭಿತ್ತಿಚಿತ್ರವೊಂದು (Mural) ಈ ಅನುಮಾನಕ್ಕೆ ತುಪ್ಪ ಸುರಿದಿದೆ.
ಮಶಾದ್ನಲ್ಲಿ ನಡೆದ ಸಾರ್ವಜನಿಕ ಕಾರ್ಯಕ್ರಮವೊಂದರಲ್ಲಿ ಅನಾವರಣಗೊಂಡ ಈ ಬೃಹತ್ ಭಿತ್ತಿಚಿತ್ರದಲ್ಲಿ, ಈಗಾಗಲೇ ಮೃತಪಟ್ಟಿರುವ ಇರಾನ್ನ ಪ್ರಮುಖ ನಾಯಕರ ಚಿತ್ರಗಳಿವೆ. ಇದರಲ್ಲಿ ಅಯತೊಲ್ಲಾ ಖೊಮೇನಿ, ಅಲಿ ಖಮೇನಿ, ಖಾಸಿಂ ಸುಲೈಮಾನಿ ಮತ್ತು ಇಬ್ರಾಹಿಂ ರೈಸಿ ಅವರ ಚಿತ್ರಗಳ ಜೊತೆಗೆ ಮೊಜ್ತಬಾ ಖಮೇನಿ ಅವರ ಚಿತ್ರವನ್ನೂ ಸೇರಿಸಲಾಗಿದೆ.
ಕೇವಲ ಮೃತ ನಾಯಕರ ಗೌರವಾರ್ಥವಾಗಿ ಚಿತ್ರಿಸಲಾದ ಈ ಸಾಲಿನಲ್ಲಿ ಈಗಿನ ನಾಯಕ ಮೊಜ್ತಬಾ ಅವರ ಚಿತ್ರ ಇರುವುದು, ಅವರು ಈಗಾಗಲೇ ಸಾವನ್ನಪ್ಪಿದ್ದಾರೆ ಅಥವಾ ಅವರ ಸ್ಥಿತಿ ಅತ್ಯಂತ ಗಂಭೀರವಾಗಿದೆ ಎಂಬ ವದಂತಿಗಳಿಗೆ ಕಾರಣವಾಗಿದೆ.
