ಮುಂಬೈ: ಭಾರತ ತಂಡದ ಸ್ಟಾರ್ ಸ್ಪಿನ್ನರ್ ಯುಜ್ವೇಂದ್ರ ಚಹಾಲ್ ಅವರು ಈಗ ವಿವಾದವೊಂದಕ್ಕೆ ಸಿಲುಕಿದ್ದಾರೆ. ಕಾರು ಚಲಾಯಿಸುತ್ತಾ ಧೂಮಪಾನ ಮಾಡುತ್ತಿರುವ ಮತ್ತು ಸಿಗರೇಟ್ ಅನ್ನು ಕಿಟಕಿಯಿಂದ ಹೊರಗೆ ಎಸೆಯುತ್ತಿರುವ ಅವರ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಆಕ್ರೋಶಕ್ಕೆ ಕಾರಣವಾಗಿದೆ.
ವೈರಲ್ ಆಗಿರುವ ವೀಡಿಯೊದಲ್ಲಿ, ಚಹಾಲ್ ಅವರು ತಮ್ಮ ಐಷಾರಾಮಿ ಕಾರನ್ನು ಚಲಾಯಿಸುತ್ತಿರುತ್ತಾರೆ. ಈ ವೇಳೆ ಅವರು ಸಿಗರೇಟ್ ಸೇದುತ್ತಿರುವುದು ಕ್ಯಾಮರಾದಲ್ಲಿ ಸೆರೆಯಾಗಿದೆ. ಅಷ್ಟೇ ಅಲ್ಲದೆ, ಸೇದಿ ಮುಗಿಸಿದ ನಂತರ ಸಿಗರೇಟ್ ತುಂಡನ್ನು ರಸ್ತೆಯ ಮೇಲೆ ನಿರ್ಲಕ್ಷ್ಯದಿಂದ ಎಸೆದು ಮುಂದೆ ಸಾಗಿದ್ದಾರೆ. ಈ ದೃಶ್ಯ ಈಗ ಇಂಟರ್ನೆಟ್ನಲ್ಲಿ ಕಿಚ್ಚು ಹಚ್ಚಿದೆ.
ಚಹಾಲ್ ಅವರ ಈ ವರ್ತನೆಯನ್ನು ಕಂಡು ನೆಟ್ಟಿಗರು ತೀವ್ರವಾಗಿ ಟೀಕಿಸುತ್ತಿದ್ದಾರೆ:
’ನೋ ಸಿವಿಕ್ ಸೆನ್ಸ್’: “ಸಾರ್ವಜನಿಕ ಸ್ಥಳದಲ್ಲಿ ಕಸ ಎಸೆಯುವುದು ಮತ್ತು ಡ್ರೈವಿಂಗ್ ಮಾಡುವಾಗ ಧೂಮಪಾನ ಮಾಡುವುದು ಒಬ್ಬ ಅಂತರಾಷ್ಟ್ರೀಯ ಆಟಗಾರನಿಗೆ ಶೋಭೆಯಲ್ಲ” ಎಂದು ಜನರು ಕಿಡಿಕಾರುತ್ತಿದ್ದಾರೆ.
ಲಕ್ಷಾಂತರ ಯುವಕರು ಕ್ರಿಕೆಟಿಗರನ್ನು ರೋಲ್ ಮಾಡೆಲ್ ಎಂದು ಭಾವಿಸುತ್ತಾರೆ, ಇಂತಹ ವರ್ತನೆ ಅವರಿಗೇನು ಸಂದೇಶ ನೀಡುತ್ತದೆ? ಎಂದು ಹಲವರು ಪ್ರಶ್ನಿಸಿದ್ದಾರೆ.ಸಂಚಾರಿ ನಿಯಮಗಳ ಉಲ್ಲಂಘನೆ ಮತ್ತು ಸಾರ್ವಜನಿಕ ಸ್ಥಳದಲ್ಲಿ ಗಲೀಜು ಮಾಡಿದ್ದಕ್ಕಾಗಿ ಚಹಾಲ್ ಮೇಲೆ ಕ್ರಮ ಕೈಗೊಳ್ಳಬೇಕು ಎಂಬ ಆಗ್ರಹ ಕೇಳಿಬರುತ್ತಿದೆ.
🚨 Meet Yuzvendra Chahal, caught smoking a cigarette and carelessly throwing it onto the road.
All that money and still no class, no civic sense. Disgusting pic.twitter.com/joHVrkbGPL
— Wickets Hitting (@offpacedelivery) April 10, 2026
