ಬೆಂಗಳೂರು: ಕೃಷಿ ಚಟುವಟಿಕೆಗಳನ್ನು ಆಧುನೀಕರಿಸಲು ಮತ್ತು ರೈತರ ಶ್ರಮವನ್ನು ಕಡಿಮೆ ಮಾಡುವ ಉದ್ದೇಶದಿಂದ, ಕೃಷಿ ಇಲಾಖೆಯು ವಿವಿಧ ಕೃಷಿ ಯಂತ್ರೋಪಕರಣಗಳನ್ನು ರಿಯಾಯಿತಿ ದರದಲ್ಲಿ (Subsidy) ನೀಡಲು ಮುಂದಾಗಿದೆ. ಈ ಕುರಿತು ‘ಅನುಬಂಧ-2 (LAQ-1411)’ ಅಡಿಯಲ್ಲಿ ಅರ್ಹ ಯಂತ್ರೋಪಕರಣಗಳ ಸಮಗ್ರ ಪಟ್ಟಿಯನ್ನು ಬಿಡುಗಡೆ ಮಾಡಲಾಗಿದೆ.
ಕೃಷಿಯ ವಿವಿಧ ಹಂತಗಳಿಗೆ ಅಗತ್ಯವಿರುವ ಸುಮಾರು 85ಕ್ಕೂ ಹೆಚ್ಚು ಮಾದರಿಯ ಯಂತ್ರಗಳು ಈ ಯೋಜನೆಯಡಿ ಲಭ್ಯವಿವೆ.
ಪ್ರಮುಖವಾಗಿ ಲಭ್ಯವಿರುವ ಯಂತ್ರೋಪಕರಣಗಳು:
1. ಭೂಮಿ ಸಿದ್ಧತೆ ಮತ್ತು ಉಳುಮೆ ಉಪಕರಣಗಳು (Schedule A):
ರೈತರು ಭೂಮಿಯನ್ನು ಹದಗೊಳಿಸಲು ಅಗತ್ಯವಿರುವ ಟ್ರ್ಯಾಕ್ಟರ್, ಪವರ್ ಟಿಲ್ಲರ್ (8 BHP ಮೇಲ್ಪಟ್ಟ), ಎಂ.ಬಿ. ಪ್ಲೋ (MB Plough), ರೋಟವೇಟರ್, ಡಿಸ್ಕ್ ಹ್ಯಾರೋ ಮತ್ತು ಲೇಸರ್ ಗೈಡೆಡ್ ಲ್ಯಾಂಡ್ ಲೆವೆಲರ್ ಸೇರಿದಂತೆ 13 ಬಗೆಯ ಉಪಕರಣಗಳನ್ನು ಪಡೆಯಬಹುದು.
2. ಬಿತ್ತನೆ ಮತ್ತು ನಾಟಿ ಉಪಕರಣಗಳು (Schedule B):
ಭತ್ತ ನಾಟಿ ಮಾಡುವ ಯಂತ್ರ (Paddy Planter), ಸೀಡ್ ಕಮ್ ಫರ್ಟಿಲೈಸರ್ ಡ್ರಿಲ್, ಜೀರೋ ಟಿಲ್ ಡ್ರಿಲ್ ಮತ್ತು ಮಲ್ಟಿ ಕ್ರಾಪ್ ಟ್ರಾನ್ಸ್ಪ್ಲಾಂಟರ್ಗಳು ಈ ಪಟ್ಟಿಯಲ್ಲಿವೆ.
3. ಅಂತರ ಬೇಸಾಯ ಮತ್ತು ಸಸ್ಯ ಸಂರಕ್ಷಣೆ (Schedule C & D):
ಬ್ರಷ್ ಕಟ್ಟರ್ (2 stroke & 4 stroke), ಪವರ್ ವೀಡರ್ ಹಾಗೂ ವಿವಿಧ ಮಾದರಿಯ ಸ್ಪ್ರೇಯರ್ಗಳಾದ ನ್ಯಾಪ್ಸ್ಯಾಕ್ ಪವರ್ ಸ್ಪ್ರೇಯರ್ ಮತ್ತು ಬೂಮ್ ಸ್ಪ್ರೇಯರ್ಗಳು ರಿಯಾಯಿತಿ ದರದಲ್ಲಿ ಲಭ್ಯವಿವೆ.
4. ಕೊಯ್ಲು ಮತ್ತು ಸಂಸ್ಕರಣಾ ಯಂತ್ರಗಳು (Schedule E, F & G):
ಕೊಯ್ಲು: ಭತ್ತ ಮತ್ತು ರಾಗಿ ಒಕ್ಕಣೆ ಯಂತ್ರ (Thresher), ಕಬ್ಬು ಕಟಾವು ಯಂತ್ರ ಮತ್ತು ಕಂಬೈನ್ಡ್ ಹಾರ್ವೆಸ್ಟರ್ಗಳು.
ತ್ಯಾಜ್ಯ ನಿರ್ವಹಣೆ: ಮೇವು ಕತ್ತರಿಸುವ ಯಂತ್ರ (Chaff Cutter), ಬಾಲರ್ (Baler) ಮತ್ತು ಶ್ರೆಡರ್ಸ್.
ಸಂಸ್ಕರಣೆ: ಮಿನಿ ರೈಸ್ ಮಿಲ್, ಎಣ್ಣೆ ತೆಗೆಯುವ ಯಂತ್ರ (Oil Expeller), ರಾಗಿ ಕ್ಲೀನಿಂಗ್ ಮೆಷಿನ್, ಹಿಟ್ಟಿನ ಗಿರಣಿ (Flour Mill) ಮತ್ತು ಶ್ಯಾವಿಗೆ ಮಾಡುವ ಯಂತ್ರಗಳು.
5. ಪಂಪ್ ಸೆಟ್ಗಳು (Schedule H):
ಡೀಸೆಲ್ ಮತ್ತು ಪೆಟ್ರೋಲ್ ಚಾಲಿತ ವಿವಿಧ ಅಶ್ವಶಕ್ತಿಯ (HP) ಏರ್ ಕೂಲ್ಡ್ ಹಾಗೂ ವಾಟರ್ ಕೂಲ್ಡ್ ಪಂಪ್ ಸೆಟ್ಗಳನ್ನು ರೈತರು ರಿಯಾಯಿತಿ ದರದಲ್ಲಿ ಖರೀದಿಸಬಹುದಾಗಿದೆ.
ರೈತರು ಗಮನಿಸಬೇಕಾದ ಅಂಶಗಳು:
ಈ ಯೋಜನೆಯ ಲಾಭ ಪಡೆಯಲು ಇಚ್ಚಿಸುವ ರೈತರು ತಮ್ಮ ಹತ್ತಿರದ ರೈತ ಸಂಪರ್ಕ ಕೇಂದ್ರ (RSK) ಅಥವಾ ಕೃಷಿ ಇಲಾಖೆಯ ಕಚೇರಿಯನ್ನು ಸಂಪರ್ಕಿಸಿ ಹೆಚ್ಚಿನ ಮಾಹಿತಿ ಪಡೆಯಬಹುದು. ಕೃಷಿಯಲ್ಲಿ ಯಾಂತ್ರೀಕರಣ ಅಳವಡಿಸಿಕೊಳ್ಳುವುದರಿಂದ ಉತ್ಪಾದನಾ ವೆಚ್ಚ ಕಡಿಮೆಯಾಗುವುದಲ್ಲದೆ, ನಿಗದಿತ ಸಮಯದಲ್ಲಿ ಕೆಲಸ ಮುಗಿಸಲು ಸಹಕಾರಿಯಾಗಲಿದೆ.
