ಬೀಜಿಂಗ್:ಭಾರತದ ಇಂಧನ ಮಾರುಕಟ್ಟೆಗೆ ಬರಬೇಕಿದ್ದ ಇರಾನ್ನ ಕಚ್ಚಾ ತೈಲದ (Crude Oil) ಸರಕು ಈಗ ಚೀನಾದತ್ತ ಸಾಗಿದೆ. ಗುಜರಾತ್ನ ಪ್ರಮುಖ ಬಂದರಿಗೆ ಬರಲು ಸಿದ್ಧವಾಗಿದ್ದ ಬೃಹತ್ ತೈಲ ಹಡಗು, ಕೊನೆಯ ಕ್ಷಣದಲ್ಲಿ ತನ್ನ ಮಾರ್ಗವನ್ನು ಬದಲಿಸಿ (Reroute) ಚೀನಾದ ಬಂದರಿನತ್ತ ಪ್ರಯಾಣ ಬೆಳೆಸಿದೆ. ಈ ಬೆಳವಣಿಗೆಯು ಭಾರತದ ತೈಲ ಆಮದು ತಂತ್ರಗಾರಿಕೆಯ ಮೇಲೆ ಪ್ರಭಾವ ಬೀರಬಹುದು ಎನ್ನಲಾಗುತ್ತಿದೆ.
ಸ್ಯಾಟಲೈಟ್ ದತ್ತಾಂಶಗಳ ಪ್ರಕಾರ, ಇರಾನ್ನಿಂದ ಹೊರಟಿದ್ದ ಈ ಹಡಗು ಅರಬ್ಬಿ ಸಮುದ್ರದ ಮೂಲಕ ಗುಜರಾತ್ ಕರಾವಳಿಗೆ ಬರಬೇಕಿತ್ತು. ಆದರೆ ಮಧ್ಯದಲ್ಲೇ ತನ್ನ ದಿಕ್ಕನ್ನು ಬದಲಿಸಿ ಮಲಕ್ಕಾ ಜಲಸಂಧಿಯ ಮೂಲಕ ಚೀನಾದತ್ತ ಸಾಗುತ್ತಿದೆ.ತೈಲ ಬೆಲೆಗೆ ಸಂಬಂಧಿಸಿದ ಮಾತುಕತೆಯಲ್ಲಿನ ವ್ಯತ್ಯಾಸ ಅಥವಾ ಅಮೆರಿಕದ ನಿರ್ಬಂಧಗಳ (US Sanctions) ಭೀತಿಯಿಂದ ಈ ಬದಲಾವಣೆ ಆಗಿರಬಹುದು ಎಂದು ಆರ್ಥಿಕ ತಜ್ಞರು ಅಂದಾಜಿಸಿದ್ದಾರೆ. ಚೀನಾವು ಇರಾನ್ನಿಂದ ಹೆಚ್ಚಿನ ಪ್ರಮಾಣದಲ್ಲಿ ರಿಯಾಯಿತಿ ದರದಲ್ಲಿ ತೈಲ ಖರೀದಿಸುತ್ತಿರುವುದು ಕೂಡ ಒಂದು ಪ್ರಮುಖ ಕಾರಣ ಎನ್ನಲಾಗಿದೆ.
ರಷ್ಯಾ ಮತ್ತು ಇರಾನ್ನಿಂದ ಅಗ್ಗದ ದರದಲ್ಲಿ ತೈಲ ಪಡೆಯಲು ಭಾರತ ಪ್ರಯತ್ನಿಸುತ್ತಿರುವಾಗ, ಇಂತಹ ‘ಮಾರ್ಗ ಬದಲಾವಣೆ’ಗಳು ತೈಲ ಪೂರೈಕೆಯ ಮೇಲೆ ಅಲ್ಪಕಾಲಿಕ ಪರಿಣಾಮ ಬೀರಬಹುದು. ಆದರೆ ಭಾರತವು ಇತರ ದೇಶಗಳಿಂದ ಪರ್ಯಾಯ ವ್ಯವಸ್ಥೆ ಮಾಡಿಕೊಂಡಿದೆ.
