ನವದೆಹಲಿ: ದೇಶದ ಅತ್ಯಂತ ಪ್ರತಿಷ್ಠಿತ ಮತ್ತು ಪ್ರೀಮಿಯಂ ರೈಲು ಎಂದು ಕರೆಸಿಕೊಳ್ಳುವ ‘ವಂದೇ ಭಾರತ್ ಎಕ್ಸ್ಪ್ರೆಸ್’ ಮತ್ತೊಮ್ಮೆ ಸುದ್ದಿಯಲ್ಲಿದೆ. ಆದರೆ ಈ ಬಾರಿ ಅದು ವೇಗಕ್ಕಲ್ಲ, ಬದಲಾಗಿ ಪ್ರಯಾಣಿಕರಿಗೆ ನೀಡಲಾದ ಕಳಪೆ ಗುಣಮಟ್ಟದ ಆಹಾರದ ವಿವಾದಕ್ಕೆ ಸಂಬಂಧಿಸಿದೆ.
ವಾರಣಾಸಿಯಿಂದ ದಿಯೋಘರ್ಗೆ ಪ್ರಯಾಣಿಸುತ್ತಿದ್ದ ಮಹಿಳೆಯೊಬ್ಬರು ರೈಲಿನಲ್ಲಿ ನೀಡಲಾದ ಆಹಾರ ಸೇವಿಸಿ ಗಂಭೀರ ಅಲರ್ಜಿಗೆ ತುತ್ತಾಗಿದ್ದಾರೆ. ಈ ಘಟನೆಯ ಫೋಟೋಗಳು ಮತ್ತು ಮೆಡಿಕಲ್ ರಿಪೋರ್ಟ್ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ರೈಲ್ವೆ ಇಲಾಖೆಯ ನಿದ್ದೆ ಗೆಡಿಸಿದೆ.
ನಡೆದಿದ್ದೇನು?
ಮಹಿಳಾ ಪ್ರಯಾಣಿಕರೊಬ್ಬರು ಮಾರ್ಚ್ 27 ರಂದು ವಾರಣಾಸಿಯಿಂದ ದಿಯೋಘರ್ಗೆ ರೈಲು ಸಂಖ್ಯೆ 22500 ವಂದೇ ಭಾರತ್ ಎಕ್ಸ್ಪ್ರೆಸ್ನ E1 ಕೋಚ್ನಲ್ಲಿ ಪ್ರಯಾಣಿಸುತ್ತಿದ್ದರು. ಮಧ್ಯಾಹ್ನದ ಊಟವನ್ನು ಸೇವಿಸಿದ ಕೆಲವೇ ಕ್ಷಣಗಳಲ್ಲಿ ಅವರ ತುಟಿಗಳು ತೀವ್ರವಾಗಿ ಊದಿಕೊಂಡಿವೆ ಮತ್ತು ಇಡೀ ದೇಹದಲ್ಲಿ ಅಲರ್ಜಿಯ ಲಕ್ಷಣಗಳು ಕಾಣಿಸಿಕೊಂಡಿವೆ.
ತಮ್ಮ ಪರಿಸ್ಥಿತಿಯ ಫೋಟೋಗಳನ್ನು ಹಾಗೂ ವೈದ್ಯರು ನೀಡಿದ ಚಿಕಿತ್ಸೆಯ ದಾಖಲೆಗಳನ್ನು ಅವರು ‘X’ (ಟ್ವಿಟರ್) ವೇದಿಕೆಯಲ್ಲಿ ಹಂಚಿಕೊಂಡಿದ್ದಾರೆ. “ಸಮಯಕ್ಕೆ ಸರಿಯಾಗಿ ಚಿಕಿತ್ಸೆ ಸಿಗದಿದ್ದರೆ ಪರಿಸ್ಥಿತಿ ಇನ್ನೂ ಹದಗೆಡುತ್ತಿತ್ತು” ಎಂದು ಅವರು ಆತಂಕ ವ್ಯಕ್ತಪಡಿಸಿದ್ದಾರೆ.
ಎರಡು ವರ್ಷದ ಮಗನಿಗೂ ಆರೋಗ್ಯ ವ್ಯತ್ಯಯ
ಕೇವಲ ಮಹಿಳೆಯಷ್ಟೇ ಅಲ್ಲದೆ, ಅವರ ಜೊತೆಯಲ್ಲಿದ್ದ ಎರಡು ವರ್ಷದ ಮಗನಿಗೂ ಈ ಆಹಾರದಿಂದ ಆರೋಗ್ಯದ ತೊಂದರೆಯಾಗಿದೆ. ಮಗುವಿಗೆ ಪ್ರಯಾಣದ ಅವಧಿಯಲ್ಲೇ ವಿಪರೀತ ಅತಿಸಾರ (Diarrhea) ಶುರುವಾಗಿದ್ದು, ಮಗು ತುಂಬಾನೇ ಹೈರಾಣಾಗಿದೆ ಎಂದು ಮಹಿಳೆ ದೂರಿದ್ದಾರೆ. ಅಲ್ಲದೆ, ರೈಲಿನಲ್ಲಿ ನೀಡಲಾದ ಕುಡಿಯುವ ನೀರಿನ ರುಚಿಯೂ ಕೂಡ ಭಿನ್ನವಾಗಿತ್ತು ಎಂದು ಅವರು ಆರೋಪಿಸಿದ್ದಾರೆ.
IRCTC ನೀಡಿದ ಸ್ಪಷ್ಟನೆ ಏನು?
ಈ ಘಟನೆ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ಚರ್ಚೆಗೆ ಕಾರಣವಾಗುತ್ತಿದ್ದಂತೆ ಎಚ್ಚೆತ್ತುಕೊಂಡ ಐಆರ್ಸಿಟಿಸಿ (IRCTC), ಈ ಬಗ್ಗೆ ಪ್ರತಿಕ್ರಿಯೆ ನೀಡಿದೆ.
“ಅಂದು ಬಡಿಸಲಾದ ಆಹಾರವನ್ನು ತಪಾಸಣೆ ಮಾಡಲಾಗಿತ್ತು ಮತ್ತು ಅದರ ಗುಣಮಟ್ಟ ತೃಪ್ತಿಕರವಾಗಿತ್ತು.”
“ಅದೇ ರೈಲಿನಲ್ಲಿ ಪ್ರಯಾಣಿಸಿದ ಬೇರೆ ಯಾವುದೇ ಪ್ರಯಾಣಿಕರಿಂದ ಇಂತಹ ದೂರುಗಳು ಬಂದಿಲ್ಲ” ಎಂದು ಇಲಾಖೆ ಹೇಳಿದೆ.
ಆದರೆ, ಐಆರ್ಸಿಟಿಸಿಯ ಈ ಉತ್ತರಕ್ಕೆ ಮಹಿಳೆ ಆಕ್ರೋಶ ವ್ಯಕ್ತಪಡಿಸಿದ್ದು, “ಬೇರೆಯವರಿಗೆ ತೊಂದರೆ ಆಗದಿರಬಹುದು, ಆದರೆ ನನ್ನ ಮತ್ತು ನನ್ನ ಮಗನ ಆರೋಗ್ಯದ ಮೇಲೆ ಈ ಆಹಾರ ಕೆಟ್ಟ ಪರಿಣಾಮ ಬೀರಿದೆ” ಎಂದು ವಾದಿಸಿದ್ದಾರೆ. ಸದ್ಯ ಐಆರ್ಸಿಟಿಸಿ ಮಹಿಳೆಯಿಂದ ಹೆಚ್ಚಿನ ಮಾಹಿತಿ ಪಡೆದಿದ್ದು, ತನಿಖೆ ನಡೆಸುವುದಾಗಿ ಭರವಸೆ ನೀಡಿದೆ.
@IRCTCofficial @RailwaySeva @RailMinIndia @K44869654Kumar Worst quality food provided on vande bharat express and insensitive attitude of staff towards complaints. This is my medical prescription describing severe allergy after consuming food in Vande Bharat 22500. pic.twitter.com/ddfg2mMUC9
— The_Mediocre_Fille (@AyushiS54377868) March 31, 2026
@RailwaySeva @drmljn Kindly look into the matter urgently. I was travelling in Vande Bharat 22500 E1 coach on 27.3.26 and after consuming lunch, I developed a severe allergy which could have been life threatening. My Son (2 yrs) too developed diarrhoea. (Photo attached for ref) pic.twitter.com/KBdyppDq4m
— The_Mediocre_Fille (@AyushiS54377868) March 30, 2026
