ವಾಷಿಂಗ್ಟನ್: ಅಮೆರಿಕ ಮತ್ತು ಇರಾನ್ ನಡುವಿನ ಸಂಘರ್ಷ ತಾರಕಕ್ಕೇರಿರುವ ಬೆನ್ನಲ್ಲೇ, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ಮಹತ್ವದ ಹೇಳಿಕೆಯೊಂದನ್ನು ನೀಡಿದ್ದಾರೆ. “ಇಂದು ಇರಾನ್ ಪಾಲಿಗೆ ಅತಿದೊಡ್ಡ ದಿನ” ಎಂದು ಬಣ್ಣಿಸಿರುವ ಅವರು, ಅಲ್ಲಿನ ಆಡಳಿತ ವ್ಯವಸ್ಥೆಯಲ್ಲಿ ದೊಡ್ಡ ಬದಲಾವಣೆಯಾಗುತ್ತಿರುವ (Regime Change) ಕುರಿತು ಸುಳಿವು ನೀಡಿದ್ದಾರೆ.
ತಮ್ಮ ‘ಟ್ರುತ್ ಸೋಶಿಯಲ್’ (Truth Social) ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಟ್ರಂಪ್, ಅಮೆರಿಕ ಸೇನೆಯು ಇರಾನ್ನ ಹಲವು ಪ್ರಮುಖ ಗುರಿಗಳನ್ನು ಧ್ವಂಸಗೊಳಿಸಿದೆ ಎಂದು ತಿಳಿಸಿದ್ದಾರೆ. “ನಮ್ಮ ಶ್ರೇಷ್ಠ ಸೈನ್ಯವು ದಶಕಗಳಿಂದ ಕಾಯುತ್ತಿದ್ದ ಗುರಿಗಳನ್ನು ಯಶಸ್ವಿಯಾಗಿ ನಾಶಪಡಿಸಿದೆ” ಎಂದು ಅವರು ಹೇಳಿದ್ದಾರೆ.
ಸುದ್ದಿಗಾರರೊಂದಿಗೆ ಮಾತನಾಡುತ್ತಾ, ಇರಾನ್ನಲ್ಲಿ ಈಗ ಹಳೆಯ ಆಡಳಿತ ಅಂತ್ಯಗೊಂಡಿದೆ ಮತ್ತು ಹೊಸ ನಾಯಕತ್ವದೊಂದಿಗೆ ಮಾತುಕತೆ ನಡೆಯುತ್ತಿದೆ ಎಂದು ಟ್ರಂಪ್ ಪ್ರತಿಪಾದಿಸಿದ್ದಾರೆ. ಇರಾನ್ನ ಸರ್ವೋಚ್ಚ ನಾಯಕ ಅಲಿ ಖಮೇನಿ ಅವರ ನಿಧನದ ನಂತರದ ಬೆಳವಣಿಗೆಗಳನ್ನು ಅವರು ‘ಆಡಳಿತ ಬದಲಾವಣೆ’ ಎಂದು ಕರೆದಿದ್ದಾರೆ.
ಗೌರವದ ಸಂಕೇತವಾಗಿ ಇರಾನ್ ಸದ್ಯಕ್ಕೆ 20 ತೈಲ ಹಡಗುಗಳನ್ನು ಹಾರ್ಮುಜ್ ಜಲಸಂಧಿಯ ಮೂಲಕ ಹಾದುಹೋಗಲು ಬಿಟ್ಟಿದೆ. ಇದು ಇರಾನ್ ನಮ್ರತೆಗೆ ಸಾಕ್ಷಿ ಎಂದು ಟ್ರಂಪ್ ಅಭಿಪ್ರಾಯಪಟ್ಟಿದ್ದಾರೆ.
