ಶಾಸ್ತ್ರಗಳ ಪ್ರಕಾರ ಚೈತ್ರ ಮಾಸದ ಶುಕ್ಲ ಪಕ್ಷದ ನವಮಿಯಂದು ರಾಮನವಮಿಯನ್ನು ಆಚರಿಸಲಾಗುತ್ತದೆ. ಇದೇ ಪವಿತ್ರ ದಿನದಂದು ಮರ್ಯಾದಾ ಪುರುಷೋತ್ತಮ ಭಗವಾನ್ ಶ್ರೀರಾಮನು ಜನ್ಮತಾಳಿದನು ಎಂಬ ನಂಬಿಕೆಯಿದೆ. ಈ ಶುಭ ಸಂದರ್ಭದಲ್ಲಿ ದೇಶಾದ್ಯಂತ ರಾಮಮಂದಿರಗಳಲ್ಲಿ ವಿಶೇಷ ಧಾರ್ಮಿಕ ಅನುಷ್ಠಾನಗಳು ನಡೆಯುತ್ತವೆ. ಭಕ್ತರು ದಿನವಿಡೀ ಉಪವಾಸವಿದ್ದು ಶ್ರೀರಾಮನ ನಾಮಸ್ಮರಣೆ ಮಾಡುವುದರಿಂದ ಜೀವನದಲ್ಲಿ ಶಾಂತಿ ಮತ್ತು ಸಮತೋಲನ ನೆಲೆಸುತ್ತದೆ.
2026 ರಲ್ಲಿ ಮಾರ್ಚ್ 26, ಗುರುವಾರದಂದು ರಾಮನವಮಿ ಬಂದಿದೆ. ಈ ಬಾರಿ ಪೂಜೆಗೆ ಅತ್ಯಂತ ಶುಭಕರವಾದ ಯೋಗಗಳು ಕೂಡಿಬಂದಿವೆ.
ರಾಮನವಮಿ 2026 ಸಮಯ
ಪಂಚಾಂಗದ ಪ್ರಕಾರ, ಚೈತ್ರ ಶುಕ್ಲ ಪಕ್ಷದ ನವಮಿ ತಿಥಿಯು:
ಪ್ರಾರಂಭ: ಮಾರ್ಚ್ 26 ರಂದು ಬೆಳಿಗ್ಗೆ 11:48 ಕ್ಕೆ.
ಮುಕ್ತಾಯ: ಮಾರ್ಚ್ 27 ರಂದು ಬೆಳಿಗ್ಗೆ 10:06 ಕ್ಕೆ.
ಶ್ರೀರಾಮನು ನವಮಿ ತಿಥಿಯಂದು ಅಭಿಜಿತ್ ಮುಹೂರ್ತದಲ್ಲಿ ಜನಿಸಿದ್ದರಿಂದ, ಮಾರ್ಚ್ 26 ರಂದೇ ರಾಮನವಮಿ ಆಚರಿಸಲಾಗುವುದು. ಈ ದಿನ ರಾಮನು ಜನಿಸಿದ ಪುನರ್ವಸು ನಕ್ಷತ್ರವೂ ಇರುವುದು ವಿಶೇಷ.
ಪೂಜಾ ಮುಹೂರ್ತ
ಶುಭ ಸಮಯ: ಬೆಳಿಗ್ಗೆ 11:13 ರಿಂದ ಮಧ್ಯಾಹ್ನ 01:41 ರವರೆಗೆ.
ಅತ್ಯಂತ ಶ್ರೇಷ್ಠ ಸಮಯ (ಮಧ್ಯಾಹ್ನ ಕಾಲ): ಮಧ್ಯಾಹ್ನ 12:27 ಕ್ಕೆ (ಇದು ಶ್ರೀರಾಮನ ನೈಜ ಜನ್ಮ ಸಮಯವೆಂದು ನಂಬಲಾಗಿದೆ).
ಪೂಜಾ ವಿಧಾನ
ಪವಿತ್ರವಾದ ಸ್ಥಳದಲ್ಲಿ ಒಂದು ಮಣೆಯನ್ನು ಇಟ್ಟು ಅದರ ಮೇಲೆ ಹಳದಿ ಬಣ್ಣದ ಬಟ್ಟೆಯನ್ನು ಹಾಸಿ.
ಅದರ ಮೇಲೆ ಶ್ರೀರಾಮ ದರ್ಬಾರ್ (ರಾಮ, ಸೀತೆ, ಲಕ್ಷ್ಮಣ ಮತ್ತು ಹನುಮಂತ) ಫೋಟೋ ಅಥವಾ ವಿಗ್ರಹವನ್ನು ಪ್ರತಿಷ್ಠಾಪಿಸಿ.
ದೇವರಿಗೆ ವಸ್ತ್ರಗಳನ್ನು ಅರ್ಪಿಸಿ, ಹೂವಿನ ಹಾರವನ್ನು ಹಾಕಿ.
ಶ್ರೀರಾಮನಿಗೆ ಹಳದಿ ಶ್ರೀಗಂಧ, ಹಳದಿ ಹೂವುಗಳು, ಹಣ್ಣು ಮತ್ತು ಸಿಹಿತಿಂಡಿಗಳನ್ನು ಅರ್ಪಿಸಿ.
ತುಳಸಿ ದಳದೊಂದಿಗೆ ಕೇಸರಿ ಬಾತ್ ಅನ್ನು ನೈವೇದ್ಯವಾಗಿ ಅರ್ಪಿಸಿ.
ತುಪ್ಪದ ದೀಪವನ್ನು ಹಚ್ಚಿ ‘ಶ್ರೀ ರಾಮ ಜಯ ರಾಮ ಜಯ ಜಯ ರಾಮ’ ಮಂತ್ರವನ್ನು ಜಪಿಸಿ.
ಹಾಲು, ಮೊಸರು, ತುಪ್ಪ, ಜೇನುತುಪ್ಪ ಮತ್ತು ಸಕ್ಕರೆಯ ಮಿಶ್ರಣದಿಂದ ಮಾಡಿದ ಪಂಚಾಮೃತವನ್ನು ಅರ್ಪಿಸಿ.
ರಾಮಚರಿತಮಾನಸ ಅಥವಾ ಸುಂದರಕಾಂಡವನ್ನು ಪಠಿಸಿ.
ಕೊನೆಯಲ್ಲಿ ಶ್ರೀರಾಮನ ಆರತಿ ಮಾಡಿ, ಬಾರೆಹಣ್ಣನ್ನು (ಬೇರ್) ನೈವೇದ್ಯ ಮಾಡಿ ಪ್ರಸಾದ ಹಂಚಿ.
ಕನ್ಯಾ ಪೂಜೆ ಮತ್ತು ಪಾರಣೆ
ನವಮಿ ತಿಥಿಯಂದು ಕನ್ಯಾ ಪೂಜೆಯನ್ನು ಮಾರ್ಚ್ 27, 2026 ರಂದು ಬೆಳಿಗ್ಗೆ 10:06 ರೊಳಗೆ ಮಾಡಬೇಕು. ಅಂದೇ ನವರಾತ್ರಿ ಉಪವಾಸದ ಪಾರಣೆಯೂ (ವ್ರತ ಮುಕ್ತಾಯ) ನಡೆಯುತ್ತದೆ.
ಅಭಿಜಿತ್ ಮುಹೂರ್ತ: ಮಧ್ಯಾಹ್ನ 12:02 ರಿಂದ 12:51 ರವರೆಗೆ.
ಲಾಭ-ಉನ್ನತಿ ಮುಹೂರ್ತ: ಬೆಳಿಗ್ಗೆ 07:50 ರಿಂದ 09:22 ರವರೆಗೆ.
