ಬೆಂಗಳೂರು: “ರಕ್ತದಾನ ಮಹಾದಾನ”. ಒಬ್ಬರ ಜೀವ ಉಳಿಸಲು ರಕ್ತದಾನಕ್ಕಿಂತ ಮಿಗಿಲಾದ ಸೇವೆ ಮತ್ತೊಂದಿಲ್ಲ. ಆದರೆ, ರಕ್ತದಾನ ಮಾಡುವಾಗ ಅಥವಾ ರಕ್ತವನ್ನು ಪಡೆಯುವಾಗ ಯಾವ ಗುಂಪಿನ ರಕ್ತ ಯಾರಿಗೆ ಹೊಂದಿಕೆಯಾಗುತ್ತದೆ ಎಂಬ ಮಾಹಿತಿ ಪ್ರತಿಯೊಬ್ಬರಿಗೂ ಇರುವುದು ಅತ್ಯಗತ್ಯ. ನಿಮ್ಮ ರಕ್ತದ ಗುಂಪು ಮತ್ತು ಅದರ ಹೊಂದಾಣಿಕೆಯ ಬಗ್ಗೆ ಇಲ್ಲಿದೆ ಉಪಯುಕ್ತ ಮಾಹಿತಿ.
ರಕ್ತದ ಗುಂಪುಗಳ ಹೊಂದಾಣಿಕೆ ಪಟ್ಟಿ:
| ರಕ್ತದ ಗುಂಪು | ಯಾರಿಗೆ ರಕ್ತ ನೀಡಬಹುದು? (Donors to) | ಯಾರಿಂದ ರಕ್ತ ಪಡೆಯಬಹುದು? (Receivers from) |
| A+ | A+, AB+ | A+, A-, O+, O- |
| O+ | O+, A+, B+, AB+ | O+, O- |
| B+ | B+, AB+ | B+, B-, O+, O- |
| AB+ | AB+ ಮಾತ್ರ | ಎಲ್ಲರಿಂದ (Universal Receiver) |
| A- | A+, A-, AB+, AB- | A-, O- |
| O- | ಎಲ್ಲರಿಗೂ (Universal Donor) | O- ಮಾತ್ರ |
| B- | B+, B-, AB+, AB- | B-, O- |
| AB- | AB+, AB- | AB-, A-, B-, O- |
ವಿಶ್ವದಾನಿ (Universal Donor): ‘O ನೆಗೆಟಿವ್’ (O-) ರಕ್ತದ ಗುಂಪನ್ನು ಹೊಂದಿರುವವರು ಯಾವುದೇ ಗುಂಪಿನ ವ್ಯಕ್ತಿಗೂ ರಕ್ತ ನೀಡಬಹುದು. ತುರ್ತು ಸಂದರ್ಭಗಳಲ್ಲಿ ಇದು ಜೀವ ರಕ್ಷಕವಾಗಿ ಕೆಲಸ ಮಾಡುತ್ತದೆ.
ವಿಶ್ವ ಸ್ವೀಕೃತಿದಾರ (Universal Receiver): ‘AB ಪಾಸಿಟಿವ್’ (AB+) ರಕ್ತದ ಗುಂಪು ಹೊಂದಿರುವವರು ಯಾವುದೇ ಗುಂಪಿನ ವ್ಯಕ್ತಿಯಿಂದ ರಕ್ತವನ್ನು ಪಡೆಯಬಹುದಾದ ಸೌಲಭ್ಯ ಹೊಂದಿರುತ್ತಾರೆ.
ಗಮನಿಸಿ: ರಕ್ತದಾನ ಮಾಡುವ ಮುನ್ನ ಅಧಿಕೃತ ರಕ್ತನಿಧಿ ಕೇಂದ್ರಗಳಲ್ಲಿ ವೈದ್ಯಕೀಯ ತಪಾಸಣೆ ಮಾಡಿಸಿಕೊಳ್ಳುವುದು ಕಡ್ಡಾಯ. ನಿಮ್ಮ ಒಂದು ಯುನಿಟ್ ರಕ್ತ ಮೂವರ ಜೀವ ಉಳಿಸಬಲ್ಲದು.
