ಹಾವೇರಿ : ಇಸ್ರೇಲ್ ಮತ್ತು ಇರಾನ್ ಯುದ್ಧ ಇದೀಗ ಭಾರತದ ಮೇಲು ಭಾರಿ ಪರಿಣಾಮ ಬಿರಿದ್ದು ಈಗಾಗಲೇ ಅಡುಗೆ ಅನಿಲ ದಿನಬಳಕೆ ವಸ್ತುಗಳು ಹಾಗೂ ಗ್ಯಾಸ್ ಸಿಲಿಂಡರ್ ದರ ಏರಿಕೆಯಾಗಿದ್ದು, ಅದರ ಬೆನ್ನಲ್ಲಿ ಬ್ಯಾಡಗಿ ಮೆಣಸಿನಕಾಯಿ ಸಾಗಿಸುವ ಕಾಂಟೇನರ್ ದರದಲ್ಲಿ ಭಾರಿ ಏರಿಕೆಯಾಗಿದೆ.
ಹೌದು ಬೇರೆ ಬೇರೆ ದೇಶಗಳಿಗೆ ಬ್ಯಾಡಿಗೆ ಮೆಣಸಿನಕಾಯಿ ರಫ್ತಿನ ಬಾಡಿಗೆ ದರ ಹೆಚ್ಚಳವಾಗಿದೆ. ಮಸಾಲೆ ಪದಾರ್ಥಗಳು, ಸೌಂದರ್ಯವರ್ಧಕ ತಯಾರಿಕೆಗೆ ಬಳಕೆ ಮಾಡಲಾಗುತ್ತಿದ್ದು, ಮಲೇಶಿಯಾ, ಸಿಂಗಾಪುರ, ಇಂಡೋನೇಷಿಯಾ, ಬಾಲಿ, ಥೈಲ್ಯಾಂಡ್, ಇಸ್ರೇಲ್, ಇರಾನ್ ಹಾಗು ಅಮೆರಿಕಕ್ಕೆ ಬ್ಯಾಡಗಿ ಮೆಣಸಿನಕಾಯಿ ರಫ್ತು ಆಗುತ್ತಿತ್ತು.
ಬ್ಯಾಡಗಿ ಮೆಣಸಿನಕಾಯಿ ರಫ್ತು ಮಾಡುವ ಕಂಟೇನರ್ ಬಾಡಿಗೆದಾರ ಏರಿಕೆ ಆಗಿದೆ. ಈ ಮೊದಲು ಕಂಟೇನರ್ ಬಾಡಿಗೆದರ 1800 US ಡಾಲರ್ ಇತ್ತು. ಯುದ್ಧ ಆರಂಭವಾದ ನಂತರ ಬಾಡಿಗೆದಾರ 3500 US ಡಾಲರ್ ದಾಟಿದೆ. ಮೆಣಸಿನಕಾಯಿ ಮಾರಾಟಕ್ಕೆ ಬಳ್ಳಾರಿ ಆಂಧ್ರದಿಂದ ಜನ ಬ್ಯಾಡಗಿಗೆ ಬರುತ್ತಿದ್ದರು . ಯುದ್ಧ ಮುಂದುವರಿದರೆ ಬ್ಯಾಡಗಿ ಮೆಣಸಿನಕಾಯಿ ದರ ಕುಸಿವ ಸಾಧ್ಯತೆ ಇದೆ. ಮೆಣಸಿನಕಾಯಿ ದರ ಕುಸಿವ ಭೀತಿಯಲ್ಲಿ ಇದೀಗ ರೈತರು ವರ್ತಕರು ಇದ್ದಾರೆ.
