ನವದೆಹಲಿ : ಬಾಲಿವುಡ್ ನಟ ಸಲ್ಮಾನ್ ಖಾನ್ ಅವರು ಅನುಮೋದಿಸಿದ ಜನಪ್ರಿಯ ಪಾನ್ ಮಸಾಲಾ ಬ್ರ್ಯಾಂಡ್‌’ನ ಜಾಹೀರಾತುಗಳು “ದಾರಿತಪ್ಪಿಸುವಂತಿವೆ” ಎಂದು ಆರೋಪಿಸಿ ಕೋಟಾ ಗ್ರಾಹಕ ನ್ಯಾಯಾಲಯದಲ್ಲಿ ಅವರ ವಿರುದ್ಧ ದೂರು ದಾಖಲಾಗಿದ್ದು, ಕಾನೂನು ಸಂಕಷ್ಟಕ್ಕೆ ಸಿಲುಕಿದ್ದಾರೆ.
ಹಿರಿಯ ಬಿಜೆಪಿ ನಾಯಕ ಮತ್ತು ರಾಜಸ್ಥಾನ ಹೈಕೋರ್ಟ್ ವಕೀಲ ಇಂದರ್ ಮೋಹನ್ ಸಿಂಗ್ ಹನಿ ಸಲ್ಲಿಸಿರುವ ದೂರಿನಲ್ಲಿ, ಅಂತಹ ಜಾಹೀರಾತುಗಳನ್ನ ನಿಷೇಧಿಸುವಂತೆ ಕೋರಿದ್ದಾರೆ. ದೂರಿನ ನಂತರ, ಕೋಟಾ ಗ್ರಾಹಕ ನ್ಯಾಯಾಲಯವು ನಟನಿಗೆ ನೋಟಿಸ್ ಜಾರಿ ಮಾಡಿ ಔಪಚಾರಿಕ ಪ್ರತಿಕ್ರಿಯೆ ಕೋರಿದೆ.
ಅವರ ದೂರಿನ ಪ್ರಕಾರ, ರಾಜಶ್ರೀ ಪಾನ್ ಮಸಾಲಾ ತಯಾರಿಸುವ ಕಂಪನಿ ಮತ್ತು ಅದರ ಬ್ರಾಂಡ್ ರಾಯಭಾರಿ ನಟ ಸಲ್ಮಾನ್ ಖಾನ್, ಉತ್ಪನ್ನವು “ಕೇಸರಿ ಮಿಶ್ರಿತ ಏಲಕ್ಕಿ” ಮತ್ತು “ಕೇಸರಿ ಮಿಶ್ರಿತ ಪಾನ್ ಮಸಾಲಾ” ಹೊಂದಿದೆ ಎಂದು ಪ್ರಚಾರ ಮಾಡುವ ಮೂಲಕ ದಾರಿತಪ್ಪಿಸುವ ಜಾಹೀರಾತಿನಲ್ಲಿ ತೊಡಗಿದ್ದಾರೆ.
