ಬೆಂಗಳೂರು : ಪಟಾಕಿ ಕಿಡಿ ತಗುಲಿದಕ್ಕೆ ಮಾರಕಾಸ್ತ್ರ ತೋರಿಸಿ ಬೆದರಿಕೆ ಹಾಕಲಾಗಿದೆ. ಪಟಾಕಿಯ ವಿಚಾರಕ್ಕೆ ಲಾಂಗು ಮಚ್ಚು ಹಿಡಿದು ಅವಾಜ್ ಹಾಕಲಾಗಿದೆ. ಈ ಒಂದು ಘಟನೆ ಬೆಂಗಳೂರಿನ ಹೆಣ್ಣುರಿನಲ್ಲಿ ನಡೆದಿದ್ದು ಶರೀಫ್ ಮತ್ತು ಗ್ಯಾಂಗ್ ಅಟ್ಟಹಾಸ ಮೆರೆದಿದ್ದಾರೆ.
ಅಕ್ಟೋಬರ್ 19 ರಂದು ರಾತ್ರಿ ಬೈಕ್ ನಲ್ಲಿ ಶರೀಫ್ ತೆರಳುತ್ತಿದ್ದ. ಈ ವೇಳೆ ಶರೀಫ್ ಗೆ ಪಟಾಕಿಯ ಕಿಡಿ ತಗುಲಿದ್ದಕ್ಕೆ ಸ್ಥಳೀಯರ ಜೊತೆಗೆ ಆತ ಕಿರಿಕ್ ಮಾಡಿಕೊಂಡಿದ್ದಾನೆ. ದೊಡ್ಡ ರಾಮಣ್ಣ ಬಡಾವಣೆಯ ಬಳಿ ಗ್ಯಾಂಗ್ ಪುಂಡಾಟ ಮೆರೆದಿದೆ. ಶರೀಫ್ ತನ್ನ ಸಹಚರನ್ನು ಸ್ಥಳಕ್ಕೆ ಕರೆಸಿ ಮಾರಕಾಸ್ತ್ರ ತೋರಿಸಿ ಬೆದರಿಕೆ ಹಾಕಿದ್ದಾನೆ. ಬೆದರಿಕೆ ಹಾಕುತ್ತಿರುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.
