ನವದೆಹಲಿ : ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅಧ್ಯಕ್ಷತೆಯಲ್ಲಿ ಮತ್ತು ಎಲ್ಲಾ ರಾಜ್ಯಗಳ ಸಚಿವರನ್ನು ಒಳಗೊಂಡ ಜಿಎಸ್‌ಟಿ ಮಂಡಳಿಯು ಬುಧವಾರ ಸರಕು ಮತ್ತು ಸೇವಾ ತೆರಿಗೆ (GST)ಯಿಂದ ವಿಮಾ ಕಂತುಗಳಿಗೆ ವಿನಾಯಿತಿ ನೀಡಲು ನಿರ್ಧರಿಸಿದೆ.
ಈ ಜಿಎಸ್‌ಟಿ ಕೌನ್ಸಿಲ್‌’ನಲ್ಲಿ ಮಹತ್ವದ ನಿರ್ಧಾರಗಳನ್ನ ತೆಗದುಕೊಳ್ಳಲಾಗಿದ್ದು, ಈಗ ಶೇ.12 ಮತ್ತು ಶೇ.28 ಸ್ಲ್ಯಾಬ್’ಗಳನ್ನ ರದ್ದುಗೊಳಿಸಲಾಗಿದೆ. ಈಗ ಕೇವಲ 3 ಜಿಎಸ್‌ಟಿ ದರಗಳು ಮಾತ್ರ ಅನ್ವಯವಾಗುತ್ತವೆ ಎಂದು ನಿರ್ಧರಿಸಲಾಗಿದೆ. ಇವುಗಳಲ್ಲಿ ಒಂದು 5%, ಇನ್ನೊಂದು 18% ಮತ್ತು ಒಂದು ವಿಶೇಷ ಸ್ಲ್ಯಾಬ್ ಆಗಿರುತ್ತದೆ. 12% ಮತ್ತು 28% ಸ್ಲ್ಯಾಬ್’ಗಳನ್ನು ಸಂಪೂರ್ಣವಾಗಿ ರದ್ದುಗೊಳಿಸಲಾಗಿದೆ. ಈ ನಿರ್ಧಾರವು ಸೆಪ್ಟೆಂಬರ್ 22 ರಿಂದ ಜಾರಿಗೆ ಬರಲಿದೆ.
ಬುಧವಾರ ಸಂಜೆ ತಡವಾಗಿ ನಡೆದ ಜಿಎಸ್‌ಟಿ ಕೌನ್ಸಿಲ್‌’ನ 56ನೇ ಸಭೆಯಲ್ಲಿ ಈ ಮಹತ್ವದ ನಿರ್ಧಾರ ತೆಗೆದುಕೊಳ್ಳಲಾಗಿದೆ. ಸಭೆಯಲ್ಲಿ 12 ಮತ್ತು 28 ಪ್ರತಿಶತ ಸ್ಲ್ಯಾಬ್’ಗಳನ್ನು ರದ್ದುಗೊಳಿಸಿದ ಹಣಕಾಸು ಸಚಿವರು, ಈಗ ಕೇವಲ ಎರಡು ಸ್ಲ್ಯಾಬ್’ಗಳು ಮಾತ್ರ ಇರುತ್ತವೆ ಮತ್ತು ವಿಶೇಷ ಸ್ಲ್ಯಾಬ್ ಸೇರಿಸಲಾಗುವುದು ಎಂದು ಹೇಳಿದರು. ಇದು 40 ಪ್ರತಿಶತದವರೆಗೆ ಇರಬಹುದು. ಸಭೆಯಿಂದ ಹೊರಬಂದ ಪಂಜಾಬ್ ಸಚಿವ ಹರ್ಪಾಲ್ ಸಿಂಗ್ ಚೀಮಾ ಕೂಡ 2 ಸ್ಲ್ಯಾಬ್‌ಗಳು ಮತ್ತು ವಿಶೇಷ ಸ್ಲ್ಯಾಬ್ ಇರುತ್ತದೆ ಎಂದು ದೃಢಪಡಿಸಿದರು.
ರಾಜ್ಯದ ಜನತೆಗೆ ಗುಡ್ ನ್ಯೂಸ್ : `ಸ್ವಾವಲಂಬಿ ಸಾರಥಿ’ ಸೇರಿ ವಿವಿಧ ಯೋಜನೆಗಳಿಗೆ ಅರ್ಜಿ ಸಲ್ಲಿಸಲು ಸೆ.10 ಕೊನೆಯ ದಿನ.!
ರಾಜ್ಯದ ಜನತೆಗೆ ಗುಡ್ ನ್ಯೂಸ್ : `ಸ್ವಾವಲಂಬಿ ಸಾರಥಿ’ ಸೇರಿ ವಿವಿಧ ಯೋಜನೆಗಳಿಗೆ ಅರ್ಜಿ ಸಲ್ಲಿಸಲು ಸೆ.10 ಕೊನೆಯ ದಿನ.!
