ನವದೆಹಲಿ : ಹೊಸ ವರ್ಷಕ್ಕೆ ಕೇವಲ ಒಂದು ತಿಂಗಳು ಮಾತ್ರ ಬಾಕಿ ಇದೆ. ಹೊಸ ವರ್ಷದ ಆಗಮನದೊಂದಿಗೆ, ದಿನಾಂಕ ಬದಲಾಗುವುದಿಲ್ಲ, ಆದ್ರೆ ಬಹಳಷ್ಟು ಸಂಗತಿಗಳು ಸಹ ಬದಲಾಗುತ್ತವೆ. ಅದ್ರಂತೆ, ಅನೇಕ ವಾಹನ ತಯಾರಕರು ತಮ್ಮ ನೀತಿಗಳನ್ನ ಬದಲಾಯಿಸುತ್ತಾರೆ. ಏತನ್ಮಧ್ಯೆ, BMW ತನ್ನ ಬೈಕ್’ಗಳ ಬೆಲೆಯನ್ನು ಜನವರಿ 1 ರಿಂದ ಹೆಚ್ಚಿಸಲಿದೆ. BMW Motorrad ಇಂಡಿಯಾ ಕೂಡ ಎಲ್ಲಾ ಮಾದರಿಗಳ ಬೆಲೆಯನ್ನು ಹೆಚ್ಚಿಸಲಿದೆ. ಅದ್ರಂತೆ, 2.5ರಷ್ಟು ಬೈಕ್’ಗಳ ಬೆಲೆ ಏರಿಕೆಯಾಗಲಿದೆ.
ಜನವರಿ 1ರಿಂದ ಈ ಬೈಕ್’ಗಳು ದುಬಾರಿ.!
ಭಾರತದಲ್ಲಿ ಬಿಎಂಡಬ್ಲ್ಯು ಕಾರುಗಳು ಮಾತ್ರವಲ್ಲದೆ ಬೈಕ್ಗಳು ಕೂಡ ಸಾಕಷ್ಟು ಜನಪ್ರಿಯವಾಗಿವೆ. ಜನರು ಕೂಡ BMW ಸ್ಕೂಟರ್’ಗಳನ್ನು ಇಷ್ಟಪಡುತ್ತಿದ್ದಾರೆ. ಇದೀಗ ಜನವರಿ 1ರಿಂದ BMW Motorrad ತನ್ನ ಎಲ್ಲಾ ದ್ವಿಚಕ್ರ ವಾಹನಗಳ ಬೆಲೆಯನ್ನ ಹೆಚ್ಚಿಸಲಿದೆ. ಇನ್ಪುಟ್ ವೆಚ್ಚಗಳು ಮತ್ತು ಹಣದುಬ್ಬರದ ಒತ್ತಡದ ಹೆಚ್ಚಳದಿಂದಾಗಿ, ಅವರು ಎಲ್ಲಾ ಶ್ರೇಣಿಯ ಮೋಟಾರ್ ಸೈಕಲ್ಗಳ ಬೆಲೆಯನ್ನ ಹೆಚ್ಚಿಸಲಿದ್ದಾರೆ ಎಂದು ವಾಹನ ತಯಾರಕರು ಹೇಳುತ್ತಾರೆ. BMW ಗ್ರೂಪ್’ನ ಅಂಗಸಂಸ್ಥೆಯಾದ BMW Motorrad, ಏಪ್ರಿಲ್ 2017ರಲ್ಲಿ ಭಾರತದಲ್ಲಿ ತನ್ನ ವ್ಯವಹಾರವನ್ನ ಪ್ರಾರಂಭಿಸಿತು. ಅಂದಿನಿಂದ, BMW ಬೈಕ್’ಗಳು ಮತ್ತು ಸ್ಕೂಟರ್’ಗಳು ಭಾರತೀಯ ಮಾರುಕಟ್ಟೆಯಲ್ಲಿ ಸೇರಿಕೊಂಡಿವೆ.
ಭಾರತದಲ್ಲಿ BMW Motorrad ಮಾದರಿಗಳು.!
BMW Motorrad ದೇಶದಲ್ಲಿ 27 ಮಾದರಿಗಳನ್ನು ಹೊಂದಿದೆ. ಈ ಮಾದರಿಗಳು 24 ಮೋಟಾರ್ಸೈಕಲ್’ಗಳು ಮತ್ತು ಮೂರು ಸ್ಕೂಟರ್’ಗಳನ್ನು ಒಳಗೊಂಡಿವೆ. ಈ ಮೂರು ಸ್ಕೂಟರ್’ಗಳ ಪಟ್ಟಿಯು CE 02, CE 04 ಮತ್ತು C 400 GT ಒಳಗೊಂಡಿದೆ. ಇದರಲ್ಲಿ ಬಿಎಂಡಬ್ಲ್ಯು ಸಿಇ 04 ದೇಶದ ಅತ್ಯಂತ ದುಬಾರಿ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದೆ. ಈ ಸ್ಕೂಟರ್ ನಂತರ, CE 02 ಅನ್ನು ಬಿಡುಗಡೆ ಮಾಡಲಾಯಿತು, ಇದು ಮಾರುಕಟ್ಟೆಯಲ್ಲಿ 5 ಲಕ್ಷ ರೂಪಾಯಿ.
BMW ನ ಅಗ್ಗದ ಬೈಕ್ ಕುರಿತು ಹೇಳುವುದಾದ್ರೆ, TVS ನೊಂದಿಗೆ ತಯಾರಿಸಿದ G 310 R ವಾಹನ ತಯಾರಕರ ಅತ್ಯಂತ ಕೈಗೆಟುಕುವ ಬೈಕ್ ಆಗಿದೆ. ಈ ಮೋಟಾರ್ಸೈಕಲ್’ನ ಬೆಲೆ 2.90 ಲಕ್ಷ ರೂಪಾಯಿಗಳಿಂದ ಆರಂಭವಾಗುತ್ತದೆ. ಬಿಎಂಡಬ್ಲ್ಯು ದೇಶದ ಅತ್ಯಂತ ದುಬಾರಿ ಬೈಕ್ ಎಂ 1000 ಆರ್ಆರ್ ಆಗಿದೆ. ಈ ದ್ವಿಚಕ್ರ ವಾಹನದ ಬೆಲೆ ಸುಮಾರು 55 ಲಕ್ಷ ರೂಪಾಯಿ.
‘EPFO’ ಸದಸ್ಯರೇ ಗಮನಿಸಿ ; ನಿಮಗಿದು ಲಾಸ್ಟ್ ಚಾನ್ಸ್, ಇಂದೇ ಈ ಕೆಲಸ ಮುಗಿಸಿ, ಇಲ್ಲದಿದ್ರೆ ನಿಮ್ಗೆ ನಷ್ಟ
BREAKING : 2034ರ ‘ಫಿಫಾ ವಿಶ್ವಕಪ್’ಗೆ ‘ಸೌದಿ ಅರೇಬಿಯಾ’ ಆತಿಥ್ಯ |FIFA World Cup
